Piy fɔlɔ 2:24 - ALA KA KUMA

²⁴ A y'an ka hakɛw bɛɛ ta a yɛrɛ kunna lɔgɔ kan, waasa anw kana kɛ hakɛw ka bila la tugu, an ka taamacogokura ta min tilennin lo. Bari aw kɛnɛyara a ka jolidaw sababu la.

Jula NT of Côte d’Ivoire

²⁴ A ka an ta jurumunw doni ta ka o la a yɛrɛ kan, k’a farikolo tɔɔrɔ gbengben yiri kan. A ka o kɛ, janko an ye sa ka bɔ jurumun fanga kɔrɔ, ka ɲanamanya terenninya ra. Jori minw tigɛra a farikolo ra, o le sababu ra aw kɛnɛyara.

LAYIDUKURA

²⁴ A y'an ka kojuguw bɛɛ ta a yɛrɛ kunna ka tɔɔrɔ lɔgɔ kan, waasa anw ni kojuguw cɛ ka faran, an ka taamacogokura ta min tilennin lo. Bari aw ye hɛrɛ sɔrɔ ale ka tɔɔrɔ sababu la.

Piy fɔlɔ 2:24 Iomraidhean Croise

Damina 22:6

Ibrayima ye saraka jɛnilɔgɔ ta k'a la a dencɛ Isiyaka kuun na, ka tasuma ni muru ta a bolo. U fila tora ka taga ɲɔgɔn fɛ.

Zaburu 147:3

A be dusukasininw jigi tugu k'u mandimiyɔrɔw furakɛ.

Zaburu 38:4

Ne sigɛnnin lo kosɔbɛ i ka dimi kosɔn. N ka kojugu kama, n fari bɛɛ halakira.

Bɔri 28:38

O ka kan ka to Arɔn teen na tuma bɛɛ a dontuma na ne Masaba ɲakɔrɔ. O la, Isirayɛlidenw bena sarakafɛn o fɛɛn bɔ, ne bena sɔn o ma, haali n'u m'a bɔ a cogo la.

Zanaw 20:30

Mandimini le ye juguya fura ye. Bugɔli min be digi kosɔbɛ, ale ye dɔ ye fana.

Ezayi 53:11

Masaba ko: «N'a ye tɔɔrɔba nin muɲu, a ben'a diya bɔ. Ne ka baarakɛla tilennin sababu la, mɔgɔ caaman bena tilenninya sɔrɔ, ale min y'u ka kojugu kunko ta.

Sarakalasebagaw 16:22

Bakɔrɔnin k'u ka tilenbaliyakow bɛɛ ta ka taga n'u ye fɔɔ kongokolon dɔ la. «Ni bakɔrɔnin bilara ka taga kongo kɔnɔ ka ban,

Sarakalasebagaw 22:9

«Ne be min ɲini sarakalasebagaw fɛ, u ka kan k'o kɛ, n'o tɛ, u bena hakɛ kɛ u ka dumuni koo la, ka sa, bari u ye tulon kɛ ni ne ka dumuni ye. Ne le ye Masaba ye, ne y'u bila danna n ka baara kama.

Jateri 18:22

Kabini sisan, Isirayɛlidenw man kan ka gwɛrɛ Ɲɔgɔnkunbɛn fanibugu la tugu, janko o hakɛ nin kana kɛ u ka saya sababu ye.

Jateri 7:15

A fana nana ni tura ye, ani sagajigi, ni sankelensaga, min bena kɛ saraka jɛnita ye,

Matiyu 27:26

O kɔ, a ye Barabasi labila, ka sira di k'u ka Yezu bugɔ, ka sɔrɔ ka taga gwengwen lɔgɔ kan.

Matiyu 5:20

Ne b'a fɔ aw ye ko ni aw ka tilenninya ma tɛmɛ sariya karamɔgɔw ni *Fariziɲɛw ta kan, aw tena se ka don sankolo masaya la fewu.

Matiyu 8:17

O kɛra janko kira Ezayi tun ye kuma min fɔ, o ka dafa. A tun ko: «A y'an ka banaw n'an ka sigɛnw ta.»

Marika 15:15

Pilati tun b'a fɛ ka jama sago kɛ minkɛ, a ye Barabasi bila. A ye mɔgɔ bila ka Yezu bugɔ ni golokami ye, ka sɔrɔ k'a don sɔlidasiw bolo k'u ka taga gwengwen lɔgɔ kan.

Luka 4:18

«Matigi ka Nii be ne fɛ, bari a ye ne woloma ka kibaru diman fɔ fantanw ye. A ye ne ci ko n k'a fɔ jɔɔnw ye k'u bena hɔrɔnya, ko n k'a fɔ fiɲɛntɔw ye k'u ɲaa bena yɛlɛ, ko n ka mɔgɔtɔɔrɔninw bɔ u juguw bolo k'u bila,

Yuhana 1:29

O dugusagwɛ, Zan ye Yezu natɔ ye a fɛ, a y'a fɔ ko: «Ala ka Sagaden filɛ min be mɔgɔw ka hakɛw ban.

Yuhana 19:1

Pilati ye Yezu di k'u k'a bugɔ.

Kɛwalew 10:35

i mana kɛ siya o siya ye, n'i be siran Ala ɲa ka to ka tilenninyakow kɛ, i koo be diya a ye.

Kɛwalew 10:39

A ye koo minw bɛɛ kɛ Zeruzalɛmu, ani zuwifuw ka jamana tɔɔ bɛɛ la, anw y'o bɛɛ seere ye. U y'a gwengwen lɔgɔ kan k'a faga.

Kɛwalew 13:29

Koo min bɛɛ tun sɛbɛnna Yezu ka koo la, u y'o bɛɛ kɛ ka ban tuma min na, u y'a jigi ka bɔ lɔgɔ la k'a sutura kaburu dɔ kɔnɔ.

Kɛwalew 5:30

Aw tun ye Yezu min gwengwen k'a faga lɔgɔ kan, an bɛmaw ka Ala y'a kunun,

Rɔmukaw 6:11

O cogo la, aw fana k'aw yɛrɛ jati i n'a fɔ suu, hakɛ ta faan fɛ, ka kɛ mɔgɔ ɲanaman ye Ala ta faan fɛ Yezu Krista barika la.

Rɔmukaw 6:13

Aw kana aw farikolo yɔrɔ si kɛ kojugukɛfɛn ye ka to hakɛ la. Nga aw k'aw yɛrɛ di Ala ma. Aw ka kɛ i n'a fɔ mɔgɔ min sara ka kunun, k'aw farikolo yɔrɔ bɛɛ kɛ koɲumankɛ ta ye.

Rɔmukaw 6:16

Yala aw m'a lɔn ko n'aw y'aw yɛrɛ di fɛɛn min ma ka kɛ i n'a fɔ a ka jɔɔn, ka to ka mɛnni kɛ a fɛ, aw be kɛ o fɛɛn nin ka jɔɔn ye wa? N'a kɛra hakɛko ye, o laban ye halakili ye. Nga Ala sago kɛli be na ni tilenninya ye.

Rɔmukaw 6:2

Ayi dɛ! An minw kɛra i n'a fɔ suu, hakɛ ta faan fɛ, an be se ka to hakɛ la cogo di?

Rɔmukaw 6:22

Nga sisan aw y'aw yɛrɛ sɔrɔ ka bɔ hakɛ bolo ka kɛ Ala ka jɔɔnw ye. Aw be fɛɛn min sɔrɔ o la, o ye dusu saniyako ye min laban ye nii banbali ye.

Rɔmukaw 6:7

Bari ni mɔgɔ min sara, o tigi daa te hakɛ la.

Rɔmukaw 7:6

Nga fɛɛn min tun y'an kɛ jɔɔn ye, an hɔrɔnyara ka bɔ ale bolo. Sisan, an be se ka baara kɛ Ala ye cogokura la Nii Senuman barika la, o te kɛ cogokɔrɔ la tugu, min fɔra sariya la.

Kor fɔlɔ 15:3

Ne kɔnna k'a fɔ aw ye i n'a fɔ ne fana tun y'a sɔrɔ cogo min na, ko Krista sara an ka hakɛw kosɔn, ka kɛɲɛ ni Ala ka kuma ye.

Kor 2nan 6:17

Matigi ko: «Aw ye bɔ u cɛma, ka faran u la, aw kana maga fɛɛn nɔgɔnin si la, ne bena aw ladon n fɛ.»

Galasikaw 3:13

A fɔra Ala ka kuma na ko ni mɔgɔ o mɔgɔ dulonna yiri la, k'o tigi ye dangaden ye. Krista yɛrɛ sɔnna ka kɛ dangaden ye an kosɔn, waasa k'an kisi sariya ka danga ma.

Ɛfɛsikaw 5:9

bari mɔgɔ minw kɔnɔ gwɛnin lo, olu ka kɛwaliw ye nin ye: ɲumanya, tilenninya, ani tiɲɛko.

Filipikaw 1:11

ani janko aw ka kɛwaliɲuman kɛ sɛbɛ la, min see be sɔrɔ Krista barika la, waasa boɲa ni tanuli ka kɛ Ala ye.

Kɔlɔsikaw 2:14

Sariya min tun sigira an kama n'a be jalaki ben an kan, a y'o ta ka bɔ yen. A y'o ban a ka saya barika la lɔgɔ kan.

Kɔlɔsikaw 2:20

N'aw sara ni Krista ye ɲɔgɔn fɛ ka faran diɲɛ setigiw ka koow la, olu minw be diɲɛ kunna, mun na aw be sɔn k'u ka landaw bato tugu i n'a fɔ aw ye diɲɛ ta ye?

Kɔlɔsikaw 3:3

bari a kɛra i n'a fɔ aw sara diɲɛ faan fɛ, aw nii be ni Krista ye Ala fɛ.

Heburuw 10:10

A ye Ala sago kɛ k'a yɛrɛ saraka siɲɛ kelenpe minkɛ, min ɲɔgɔn tena kɛ tugu, anw saniyara o le barika la.

Heburuw 10:5

O kama Krista natuma diɲɛ na, a y'a fɔ Ala ye ko: «E ko i te saraka ni sɔnnifɛn fɛ, nga i ye farisogo di ne ma.

Heburuw 12:13

ka siratilennin tagama, o la, minw seen kelen ma ɲi, u seen kana mugu, nga a ka suma.

Heburuw 7:26

O sarakalasebagaw kuntigi ɲɔgɔn le be se k'an mako ɲa. A ka ɲi, jalakiyɔrɔ t'a la, a ka koo gwɛnin lo, a daan bɔnin be hakɛkɛlaw la, a kɔrɔtara fɔɔ ka taga sankolo daan na.

Heburuw 9:28

o cogo kelen na, Krista y'a yɛrɛ saraka siɲɛ kelen, ka mɔgɔ bɛɛ ka hakɛw yafa. O kɔ, a bena segi ka na, o tena kɛ hakɛw yafako kama tugu, nga mɔgɔ minw b'a makɔnɔna, olu kisili kosɔn lo.

Yakuba 5:16

O la sa, aw ye hakɛ minw kɛ, aw ka olu fɔ ɲɔgɔn ye ka Ala daali ɲɔgɔn ye waasa aw be kɛnɛya. Barika be mɔgɔtilennin ka daalili la kosɔbɛ.

Zan fɔlɔ 2:29

Aw b'a lɔn ko Krista ka koo tilennin lo. Ayiwa, aw k'a lɔn fana ko ni mɔgɔ o mɔgɔ be kotilennin kɛ, k'o tigi ye Ala deen ye.

Zan fɔlɔ 3:7

Ne deenw, aw kan'a to mɔgɔ si b'aw lafili. Mɔgɔ o mɔgɔ be tilenninya sira taama, o tigi ye mɔgɔtilennin ye i n'a fɔ ale Yezu Krista.

Yirari 22:2

ka dugu nin siraba cɛmancɛ ta. Yiri min be nii di mɔgɔ ma, o tun be baa nin daa faan bɛɛ la. O yiri nin be deen kɛ siɲɛ tan ni fila saan kɔnɔ, denko kelen kalo o kalo. A furaburuw be kɛ ka adamadenw furakɛ.