Piy fɔlɔ 2:20 - ALA KA KUMA

²⁰ N'u b'i bugɔra bari i ye hakɛ kɛ, kunkɔrɔta jumɛn le b'o tɔɔrɔ muɲuli la? Nga n'u b'i tɔɔrɔla k'a sɔrɔ i ye koɲuman kɛ, i do be o muɲuna Ala kosɔn, o ka ɲi kosɔbɛ.

Jula NT of Côte d’Ivoire

²⁰ Ni o tɛ, ni aw bɛ bugɔri sɔnmina aw yɛrɛ ta kojuguw le kosɔn, aw bɛ bonya juman le sɔrɔ o ra? Nka ni aw bɛ tɔɔrɔ sɔnmina aw ta koɲuman le kosɔn, o ye koɲumanba le ye Ala fɛ.

LAYIDUKURA

²⁰ N'u b'i bugɔra bari i ye kokolon dɔ le kɛ, kunkɔrɔta jumɛn le b'o tɔɔrɔ munyuli la? Nga n'u b'i tɔɔrɔla k'a sɔrɔ i ye konyuman kɛ, i do bɛ o munyuna, o le ye Ala ka dɛmɛli ye.

Piy fɔlɔ 2:20 Iomraidhean Croise

Matiyu 26:67

O kɔ, dɔw y'u daji tu a ɲaa na, k'a bugɔ ni bolokuruw ye. Dɔw y'a tulo ci n'u b'a fɔra ko:

Matiyu 5:47

N'aw b'aw balimaw dɔrɔn fo, aw be mun lo kɛ ni tɔw t'a kɛ? Hali Alalɔnbaliw te o ɲɔgɔn kɛ wa?

Marika 14:65

Dɔw y'a daminɛ k'u daji tu Yezu kan. U y'a ɲaa siri ka sɔrɔ k'a bugɔ ni bolokuruw ye k'a ɲininga ko: «Jɔn y'i bugɔ?» O kɔ, Alabatosoba kɔlɔsibagaw y'a minɛ k'a tulo fata, k'a fata.

Luka 6:32

«N'aw b'aw kanubagaw dɔrɔn kanu, aw bena tɔnɔ jumɛ sɔrɔ o la? Bari, hakɛkɛlaw fana b'o ɲɔgɔn kɛ.

Kor fɔlɔ 4:11

Waati nin yɛrɛ la halibi, kɔngɔ b'an na, minnɔgɔ b'an na, fani yɛrɛ t'an fɛ, u b'an tɔɔrɔla, an be taamatagamana yɔrɔ bɛɛ la.

Galasikaw 4:18

N'aw be jija koɲuman kɛli kama tuma bɛɛ, o ka ɲi. A kana kɛ ne ɲanako dama ye.

Ɛfɛsikaw 5:10

Fɛɛn min ka di Matigi ye, aw ka banba k'o lɔn.

Filipikaw 4:18

Sisan ne makoyafɛn bɛɛ be ne fɛ yɛrɛ, fɔɔ a tɛmɛn'a daan kan. Tuma min na Epaforaditi nana aw ka dɛmɛ di ne ma, o tuma na o cayara ka tɛmɛ yɛrɛ, min kɛra sarakaɲuman ye Ala sɔnna min na, a diyar'a ye fana.

Piy fɔlɔ 2:19

Mɔgɔ man kan ni tɔɔrɔ min ye, n'a b'o muɲu, o ka ɲi kosɔbɛ Ala ɲakɔrɔ.

Piy fɔlɔ 3:14

Hali n'aw be tɔɔrɔ sɔrɔ aw ka koɲuman kosɔn, dagamu ye aw ta ye. Aw kana siran mɔgɔ si ɲa, aw hakili kana ɲagami.

Piy fɔlɔ 3:17

Ka tɔɔrɔ koɲuman kosɔn, n'o ye Ala sago ye, o ka fisa ka tɔɔrɔ kojugu kosɔn.