Piy fɔlɔ 1:6 - ALA KA KUMA

⁶ O la, hali k'aw to dusukasi la waati dɔɔni nin yɛrɛ kɔnɔ tɔɔrɔ sifa caaman na, aw ka nisɔndiya kosɔbɛ.

Jula NT of Côte d’Ivoire

⁶ O le bɛ aw ɲagarira hali ni gbɛlɛya caman ka kan ka aw jusu kasi wagati dɔɔnin tuma dɔw.

LAYIDUKURA

⁶ O la, hali k'aw to dusukasi la waati dɔɔni nin yɛrɛ kɔnɔ tɔɔrɔ sifa caaman na, aw ka nisɔndiya kosɛbɛ.

Piy fɔlɔ 1:6 Iomraidhean Croise

Zaburu 119:28

Dusukasi y'a to ne be kasi, ne dɛmɛ i ka fɔta kosɔn.

Zaburu 119:75

Ne y'a lɔn ko e ka kiti tilennin lo, Masaba. I ye ne ɲaa gwan, tiɲɛ tun b'i fɛ k'o kɛ.

Zaburu 34:19

Masaba be dusukasibagaw gɛrɛfɛ. A be mɔgɔ jigitigɛninw kisi.

Zaburu 35:10

Ne ben'a fɔ n yɛrɛ kɔnɔ ko: «Masaba, jɔn be i ko ele? E be dɛsɛbagatɔ bɔsi a tɔɔrɔbaga bolo, e be sigɛnbagatɔ bɔsi a sigɛnbaga bolo.»

Zaburu 69:20

Dɔgɔya ni nɛnili ani maloya min be ne kan, i b'o lɔn. E ɲaa be ne juguw bɛɛ la.

Zaburu 9:14

Masaba, ne sigɛnnin filɛ n kɔniyabagaw bolo, e min ye ne bɔsibaga ye saya bolo, makari ne la

Zaburu 95:1

Aw ye na an ka nisɔndiyapɛrɛnkan bɔ Masaba ye, an k'an kisikabakuru boɲa.

Ezayi 61:10

Ne Zeruzalɛmu nisɔn ka di kosɔbɛ Masaba barika la. Ne dusu ka di ne ka Ala sababu la. Bari, a ye kisili fani don ne kaan na, a ye tilenninya deleke don ne kaan na, i ko kɔɲɔcɛ min masirinin be ni sarakalasebaga ka kunmelekefani ɲɔgɔn ye, i ko kɔɲɔmuso min y'a yɛrɛ masiri.

Ezayi 61:3

A ye ne ci ka *Siyɔnka dusukasininw ka dusukasi ban k'u nisɔndiya kosɔbɛ, ka tanuli don u dusu la ɲanasisi nɔɔ na. U bena kɛ i ko yiri minw be Masaba ka boɲa yira, i ko nankɔ min b'a ka nɔɔrɔ yira.

Matiyu 11:28

«Aw minw nii tɔɔrɔnin lo, ni sigɛn b'aw kan, aw ka na ne fɛ, ne bena lafiya di aw ma.

Matiyu 26:37

A tagara ni Piyɛri ni Zebede dencɛ fila nunu ye. A dusu daminɛna ka kasi, a kɔnɔ gwanna.

Matiyu 5:12

Aw ka nisɔndiya kosɔbɛ, bari aw bena tɔnɔba sɔrɔ sankolo la. Kira minw tɛmɛna aw ɲa, u ye olu fana tɔɔrɔ ten.

Luka 1:47

ne nisɔn diyanin be n Kisibaga Ala kosɔn,

Luka 10:20

Aw kana nisɔndiya bari jinaw tun te se ka ban aw ka fɔta ma. Nga aw ka nisɔndiya bari Ala y'aw tɔgɔ sɛbɛn a fɛ sankolo la.»

Luka 2:10

Nga mɛlɛkɛ y'a fɔ u ye ko: «Aw kana siran, bari ne nana kibaru diman dɔ fɔ aw ye min bena aw ka jamana mɔgɔw bɛɛ nisɔn diya.

Yuhana 16:22

Aw dusu kasinin be sisan fana, nga an bena ɲɔgɔn ye tugu, o tuma na aw bena nisɔndiya, mɔgɔ si te se ka nisɔndiya nin cɛn aw fɛ.

Yuhana 16:33

Ne y'o fɔ aw ye janko aw ka to ni ne ye ka hɛrɛ sɔrɔ. K'aw to diɲɛ na, dusukasi le be aw kan, nga aw k'aw jaa gwɛlɛya, ne ye see sɔrɔ diɲɛ kan ka ban.»

Kɛwalew 14:22

U tun be to ka kalandenw jaa gwɛlɛya k'u ka banba k'u jigi la Yezu kan kosɔbɛ. U tun b'a fɔ kalandenw ye ko: «Wajibi lo fɔɔ an ka tɔɔrɔ kosɔbɛ ka sɔrɔ ka don Ala ka masaya la.»

Rɔmukaw 12:12

Jigi min b'aw la, aw ka nisɔndiya o kosɔn, tɔɔrɔ tuma, aw ka muɲu, aw ye jija ka Ala daali.

Rɔmukaw 5:11

O dama tɛ, an be nisɔndiya Ala kosɔn an Matigi Yezu Krista barika la, ale min sababu la, anw ni Ala cɛ bɛnna.

Rɔmukaw 5:2

Ale Yezu barika la fana, an ye niyɔrɔ sɔrɔ nɛɛma nin na an jigi sababu la. An be nisɔndiya Ala ka nɔɔrɔ koo la, bari an jigi b'a la ko an bena o ɲɔgɔn sɔrɔ.

Rɔmukaw 9:2

Dusukasi be ne la kosɔbɛ, ne nii tɔɔrɔnin lo tuma bɛɛ.

Kor 2nan 4:17

Waati dɔɔni tɔɔrɔ minw b'an sɔrɔ, o te foyi ye. An bena boɲa min sɔrɔ o tɔɔrɔ nin kosɔn, o ka bon haali.

Kor 2nan 6:10

U b'an dusu cɛn, nga an be nisɔndiya sɔrɔ tuma bɛɛ. U b'an jati fantanw ye, nga an be mɔgɔ caaman kɛ fɛntigiw ye. U be miiri ko foyi t'an fɛ, k'a sɔrɔ fɛɛn bɛɛ b'an fɛ.

Galasikaw 5:22

Nga Nii Senuman be fɛɛn minw di, o ye nin ye: kanuya, nisɔndiya, hɛrɛ, muɲuli, ɲumanya, hinɛ, tilenninya, sabali, ni yɛrɛminɛ.

Filipikaw 2:26

A b'a fɛ ka aw bɛɛ ye teliya la, bari a hakili ɲagaminin lo ko aw y'a ka bana koo mɛn.

Filipikaw 3:3

Bari mɔgɔ minw kɛnɛkɛnɛna sɔbɛ la, o ye anw le ye, an minw be Ala bato a ka Nii barika la, k'an ka boɲa sɔrɔ Yezu Krista barika la, an minw t'an jigi la an yɛrɛ kan.

Filipikaw 4:4

Aw ka nisɔndiya tuma bɛɛ Matigi kosɔn. Halibi ne be kɔsegi k'a fɔ aw ye ko aw ka nisɔndiya.

Tes fɔlɔ 1:6

Aw kɔni, aw ye an cogo dege ni Matigi ta fana, aw sɔnna Ala ka kuma ma ni nisɔndiya ye min ye Nii Senuman ta ye, k'aw to tɔɔrɔba cɛma.

Yakuba 1:2

N badenw, kɔrɔbɔli sifa o sifa mana se aw ma, aw k'aw yɛrɛ jati mɔgɔdagamuninw ye.

Yakuba 1:9

Aw minw ye fantanw ye, aw ye nisɔndiya, bari Ala b'aw kɔrɔta.

Yakuba 4:9

Aw ye nimisa ka kasi kosɔbɛ, aw k'aw ka yɛlɛko kɛ kasi ye, k'aw ka nisɔndiya yɛlɛma ka kɛ dusukasi ye.

Piy fɔlɔ 3:17

Ka tɔɔrɔ koɲuman kosɔn, n'o ye Ala sago ye, o ka fisa ka tɔɔrɔ kojugu kosɔn.

Piy fɔlɔ 4:7

Fɛɛnw bɛɛ banwaati surunyana. O la, aw ka kɛ hakilitigiw ye, aw labɛnnin ka to waati bɛɛ, waasa ka se ka Ala dali.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nɛɛmatigi Ala min y'aw wele waasa aw k'ale ka nɔɔrɔ banbali ɲɔgɔn sɔrɔ Krista barika la, ale lo bena barika don aw la, ka fanga di aw ma, k'aw lɔ ka ɲa.

Sam fɔlɔ 2:1

Annɛ ye Ala daali k'a fɔ ko: «Ne dusu diyara Masaba barika la, Masaba ye n kuun kɔrɔta. Fɔta sɔrɔla ne fɛ ne jugu ye, bari ne be nisɔndiya i ka dɛmɛli kosɔn.