Piy fɔlɔ 1:5 - ALA KA KUMA

⁵ Setigi Ala be aw minw mara aw jigi kosɔn fɔɔ ka taga se kisili loon yɛrɛ yɛrɛ ma. Ala y' min latigɛ n'o bena kɛ diɲɛ laban tuma na.

Jula NT of Côte d’Ivoire

⁵ A bɛ aw mara ni a ta sebagaya ye, aw ta lanaya kosɔn, janko ka aw kisi; o kisiri bɛna yira dunuɲa labanwagati le ra.

LAYIDUKURA

⁵ Setigi Ala bɛ aw minw mara aw jigi kɔsɔn fɔɔ ka taa se kisili loon yɛrɛ yɛrɛ ma. Ala y'o min latigɛ n'o bɛna kɛ dinyɛ laban tuma na.

Piy fɔlɔ 1:5 Iomraidhean Croise

Ayuba 19:25

Ne kɔni y'a lɔn ko ne kunmabɔbaga be yen, a bena wili waati laban na.

Zaburu 37:28

Bari kotilennin le ka di Masaba ye, a t'a ka mɔgɔtilenninw to ten. A b'u mara tuma bɛɛ, nga mɔgɔjugu deenw be tunu bugubugu.

Zanaw 2:8

Mɔgɔ min be taama tilenninya kan, a b'o kɔlɔsi. A b'a ka mɔgɔtilenninw ka sira kɔlɔsi.

Ezayi 45:17

Masaba bena Isirayɛlidenw kisi, a bena u kisi pepewu bii ni sini. U tena maloya fewu, u kuun tena surun tugu abada.

Ezayi 51:6

Aw k'aw kuun kɔrɔta ka filɛli kɛ sankolo la, ka tila k'aw kuun biri ka filɛli kɛ duguma. Sankolo bena tunu i ko sisi, dugukolo bena kɔrɔ i ko fani. Mɔgɔ minw b'a kan, olu bena sa i ko limɔgɔw. Nga ne ka kisili bena kɛ tuma bɛɛ koo le ye. Daan te ne ka tilenninya la.

Ezayi 54:17

Kɛlɛkɛminan fɛɛn o fɛɛn dilanna i kama, o si tena foyi ɲa. Daa o daa man'a fɔ ko a b'i jalaki kititigɛyɔrɔ la, i ben'a ka kuma kɔɔ kari. O le bena kɛ ne Masaba ka baarakɛlaw niyɔrɔ ye. Ne bena u kɛ sesɔrɔbagaw ye.» Masaba le ko ten!

Ezayi 66:22

«Ne bena sankolokura ni dugukolokura minw dan, olu bena to yen ne ɲakɔrɔ. Aw tɔgɔ n'aw kɔmɔgɔw bena to ne ɲakɔrɔ ten. Ne Masaba le ko ten.

Yeremi 23:4

Ne bena ɲamɔgɔw sigi u kunna minw bena u mara. Siranya tena u minɛ tugu, u tena yɛrɛyɛrɛ, u si tena tunu. Ne Masaba le ko ten.»

Yeremi 32:40

Ne bena bɛɛn cɛnbali kɛ n'u ye. Ne bena to ka koɲuman kɛ u ye tuma bɛɛ. Ne bena n koo diya u ye janko u kana u kɔɔ sin ne ma tugu.

Yuhana 12:48

Mɔgɔ min banna ne la ani a ma sɔn n ka kuma ma, o tigi kitibaga be yen, n ye kuma min fɔ, o le ben'a tigi kiti diɲɛ labanlon na.

Yuhana 17:15

Ne te i daali ko i k'u ta ka bɔ diɲɛ na, nga i k'u tanga juguman ma.

Yuhana 4:14

Nga jii min be ne fɛ, ni ne y'o di mɔgɔ min ma k'a min, minnɔgɔ tena o tigi minɛ tugu fewu. Ne bena jii min d'o tigi ma, o bena kɛ jii woyota ye min bena woyo a kɔnɔ tuma bɛɛ, min be nii banbali di.»

Yuhana 5:24

Tiɲɛ tiɲɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye nii banbali sɔrɔ. A tena kiti, a niin bɔra saya la ka don hɛrɛ la ka ban.

Rɔmukaw 11:20

O ye tiɲɛ ye, olu tigɛra u ka lanabaliya le kama, aw nɔrɔla lanaya le barika la. O la, aw kana aw yɛrɛ boɲa, aw ka siran le.

Rɔmukaw 8:18

Ne ka miiri la, boɲa min bena la an kan sini, o te se ka suma ni bii tɔɔrɔ ye.

Kor fɔlɔ 1:21

Tiɲɛ lo, diɲɛ n'a ka lɔnniya bɛɛ, a ma se ka Ala lɔn a ka lɔnniya barika la. O la, minw lara Ala la, a diyara a ye ka olu kisi, waajuli barika la, o min kɛra nalomanyako ye diɲɛ mɔgɔw fɛ.

Kor 2nan 1:24

A ma kɛ ko anw b'a fɛ ka koo dɔ wajibiya aw kunna lanaya faan fɛ dɛ, nga an b'aw dɛmɛna le janko aw ka nisɔndiya, bari aw banbanin lo lanaya la.

Galasikaw 2:20

Hali n'aw y'a ye ko ne be nii na halibi, o te ne yɛrɛ ye tugu, Krista le nii be ne la. Bari n'aw y'a ye ko ne ɲanaman lo farisogo la, o kɛra Ala Dencɛ barika la, ne ye n jigi la min kan. A ye ne kanu fɔɔ k'a yɛrɛ di ne kosɔn.

Ɛfɛsikaw 2:8

Aw lar'a la minkɛ, o le y'a to aw kisira nɛɛma barika la, o te aw yɛrɛ seko ye, o ye Ala ka nili ye.

Ɛfɛsikaw 3:17

janko Krista ka koo ka se ka sigi aw kɔnɔ jigi barika la, kanuyasɔbɛ ka se ka sɔrɔ aw kɔnɔ fɔɔ ka ɲa.

Filipikaw 1:6

Ne lanin b'a la ko Ala min ye baaraɲuman nin daminɛ aw dusu la, ko ale bena taga ɲa k'aw dɛmɛ o la fɔɔ ka taga se Yezu Krista kɔsegilon ma.

Filipikaw 4:7

O la, Ala ka hɛrɛ min tɛmɛna mɔgɔw ka faamuyali ma, o le bena aw tanga hamikojugu ma, Yezu Krista barika la.

Tim 2nan 3:15

Kabini i denmisɛn tuma, i ye Ala ka kuma lɔn, min be se ka hakilitigiya d'i ma, min barika la mɔgɔ b'a jigi la Yezu Krista kan ka kisi.

Tite 2:13

K'an to nisɔndiya loon makɔnɔni na, min ye Setigi Ala an kisibaga Yezu Krista ka nɔɔrɔ loon ye.

Heburuw 6:12

O la, aw fari tena faga. Ala y'a daa di koo min na, minw be la Ala la, ka muɲu fɔɔ k'o sɔrɔ, aw ka olu ladege.

Heburuw 9:28

o cogo kelen na, Krista y'a yɛrɛ saraka siɲɛ kelen, ka mɔgɔ bɛɛ ka hakɛw yafa. O kɔ, a bena segi ka na, o tena kɛ hakɛw yafako kama tugu, nga mɔgɔ minw b'a makɔnɔna, olu kisili kosɔn lo.

Piy fɔlɔ 1:13

Ayiwa, aw labɛnnin ka to baara kama, k'aw yɛrɛ minɛ. Yezu Krista bena nɛɛma kɛ aw ye a kɔsegilon cogo min na, aw k'aw jigi la o kan kosɔbɛ.

Piy fɔlɔ 4:13

Nga aw ka nisɔndiya bari aw y'aw niyɔrɔ sɔrɔ Krista ka tɔɔrɔ la. O la, ni Krista nana n'a ka nɔɔrɔ ye tuma min na, aw ka se ka nisɔndiya kosɔbɛ.

Piy fɔlɔ 5:1

Minw ye Krista ka jama ɲamɔgɔw ye aw cɛma, n kaan be olu le ma sisan. Ne fana ye ɲamɔgɔ dɔ ye, Krista ye tɔɔrɔ min sɔrɔ, ne y'o seere ye. A bena na ni nɔɔrɔ min ye, n bena dɔ sɔrɔ o la. Ne b'a ɲini aw fɛ ko

Piy 2nan 1:3

Tiɲɛ na, an mako be fɛɛn min na, an ka se ka taama Alaɲasiran na, Matigi y'o bɛɛ d'an ma a ka setigiya barika la, ale min y'an wele k'a ka nɔɔrɔ ni sebagaya d'an ma, waasa an ka se k'ale lɔn kosɔbɛ.

Zan fɔlɔ 3:2

Ne terisɔbɛw, k'a ta sisan ma, an ye Ala deenw ye. Nga an bena kɛ fɛɛn min ye tigitigi, o le ma gwɛ fɔlɔ. An be min lɔn, ni Krista segira ka na tuma min na, ale be cogo min na, an fana bena kɛ ten. Bari an ben'a ye ten.

Zude 1:1

Ne Zude, Zaki dɔgɔcɛ, ne min ye Yezu Krista ka baaraden ye, n be bataki nin ci Ala ka mɔgɔ weleninw ma, aw minw koo ka di Faa Ala ye, ani aw minw maranin be Yezu Krista ye.

Zude 1:24

Ala min be se k'aw tanga aw kana ben, ani k'aw kɛ jalakibaliw ye ka nisɔndiya di aw ma kosɔbɛ a ɲakɔrɔ,

Sam fɔlɔ 2:9

A ben'a ɲasiranbagaw kɔlɔsi, nga mɔgɔjuguw bena sa dibi kɔnɔ. Bari mɔgɔ te see sɔrɔ a yɛrɛ fanga barika la.