Piy fɔlɔ 1:3 - ALA KA KUMA

³ An ka barika la Ala ye, min ye an Matigi Yezu Krista Faa ye! A makarila an na kosɔbɛ k'an kɛ danfɛnkura ye ka jigi ɲanaman di an ma Yezu Krista ka kununni barika la ka bɔ kaburu la,

Jula NT of Côte d’Ivoire

³ An ye Fa Ala tando, an Matigi Yesu Kirisita bɔra min na; a ta hinaba kosɔn a ka Yesu Kirisita lakunu ka bɔ saya ra, ka ɲanamanyakura di an ma o sababu ra, janko an ye jigiya ɲanaman sɔrɔ.

LAYIDUKURA

³ An ka barika la Ala ye, o min ye an Matigi Yezu Krista Faa ye! A makarila an na kosɛbɛ k'an kɛ danfɛnkura ye ka jigi nyanaman di an ma Yezu Krista ka kununni barika la ka bɔ kaburu la,

Piy fɔlɔ 1:3 Iomraidhean Croise

Mas fɔlɔ 8:15

A y'a fɔ ko: «Boɲa ka la Masaba kan, Isirayɛli ka Ala. Ale min tun kumana ne faa Dawuda fɛ, n'a y'a ka fɔta kɛ a ka sebagaya barika la. A tun y'a fɔ ko:

Lok fɔlɔ 29:20

O kɔ, Dawuda y'a fɔ jama bɛɛ ye k'u ka Masaba u ka Ala tanu. Jama ye Masaba, u faaw ka Ala tanu. U y'u kunbiri gwan Masaba ɲakɔrɔ, ani masacɛ ɲafɛ.

Lok 2nan 31:8

Ezekiyasi n'a ka ɲamɔgɔw tagara o filɛ tuma min na, u ye Masaba tanu k'a ka jama Isirayɛli fo.

Zaburu 41:13

Ne kɔni, e ye ne mara, n jalakibali tora. I ye ne to i ɲakɔrɔ kudayi.»

Zaburu 86:15

Nga Matigi, e kɔni ye Ala ye, i be makari, i be hinɛ. E te dimi joona, e ka ɲumanya ka bon, e ye kantigi ye fana.

Zaburu 86:5

Matigi, e ka ɲi, e be yafa. E be ɲumanya kɛ i daalibagaw ye kosɔbɛ.

Bɔri 34:6

A tɛmɛtɔ Musa ɲafɛ, a pɛrɛnna k'a fɔ ko: «Masaba, Masaba, makaritigi, hinɛbaga Ala. A te dimi joona, a ka ɲumanya n'a ka kantigiya ka bon.

Ezayi 26:19

Ne ka jama, aw ka mɔgɔ saninw bena kunun, u suuw bena kunun. Aw minw be kaburu la, aw ye kunun ka nisɔndiyapɛrɛnkan bɔ! Bari, ne bena dugukolo fa komiji la, dugukolo be suuw to u be kunu.

Yunusu 4:2

A ye Masaba daali ko: «Unhun! Masaba, ne tun t'o le fɔra ka n to n ka jamana na wa? O le y'a to ne tun be banbana ka boli ka taga Tarisisi. Bari ne y'a lɔn ko e Ala ye makaritigi ye, ni hinɛbaga ye. I te dimi joona, e ka ɲi kosɔbɛ, i be sɔn k'i ka ŋaniya tanin to yen.

Yuhana 1:13

O deen nunu ma sɔrɔ adamadenw sago la. Nga u sɔrɔla Ala ka sebagaya le la.

Rɔmukaw 12:12

Jigi min b'aw la, aw ka nisɔndiya o kosɔn, tɔɔrɔ tuma, aw ka muɲu, aw ye jija ka Ala daali.

Rɔmukaw 15:13

Ala min be mɔgɔ jigi tugu, ale k'a kɛ aw be nisɔndiya kosɔbɛ, ka hɛrɛ kɛ aw ye aw ka lanaya kosɔn, janko aw ka jigisɔbɛ sɔrɔ Nii Senuman barika la.

Rɔmukaw 4:25

Yezu fagara an ka hakɛw kosɔn, nga a kununna janko k'an kɛ mɔgɔtilenninw ye.

Rɔmukaw 5:10

Bari an tun ye Ala juguw ye tuma min na, Ala sɔnna anw ka bɛn n'ale ye a Dencɛ ka saya barika la. An bɛnnin kɔ n'a ye, siga t'a la, an bena kisi a Deen barika la bari a be nii na.

Rɔmukaw 8:11

Ala min ye Yezu Krista kunun a sanin kɔ, n'ale ka Nii b'aw la, ale kelen le bena nii don aw farisogo tolita la, a ka Nii Senuman barika la ale min b'aw la.

Rɔmukaw 8:24

Bari an kisira, nga o ye jigiko ye. N'an ɲaa lara fɛɛn kan ka sɔrɔ k'an jigi la o kan, o te jigi ye. E ɲaa be fɛɛn na ka ban, e ben'a fɔ k'o ye jigiko ye cogo di?

Kor fɔlɔ 13:13

Sisan fɛɛn saba nunu le be yen: lanaya, jigi, ani kanuya, nga o fɛɛn saba nunu na, kanuya le be ɲafɛ.

Kor fɔlɔ 15:20

Nga tiɲɛ na, Krista kununna. K'a yira k'a gwɛya ko mɔgɔ minw sara, olu bena kunun.

Kor 2nan 1:3

Ne be Ala tanu, ale min ye an Matigi Yezu Krista Faa ye, makaritigi lo, ale lo be mɔgɔ bɛɛ jigi tugu.

Galasikaw 6:16

Mɔgɔ minw bɛɛ b'o koo nin sira taama, Ala ka makari ni hɛrɛ kɛ olu ye, an'a ka mɔgɔw bɛɛ ye.

Ɛfɛsikaw 1:17

An Matigi Yezu Krista ka Ala, min ye Faa Nɔɔrɔtigi ye, n b'ale daali a ka Nii Senuman di aw ma, min bena lɔnniya di aw ma, k'a ka koo gwɛ aw ye aw ka se k'o lɔn kosɔbɛ,

Ɛfɛsikaw 1:3

An ka barika la Ala ye, ale min ye an Matigi Yezu Krista Faa ye. A y'an ta ɲa k'a ka sankolo ɲumanya bɛɛ kɛ an ye Krista barika la.

Ɛfɛsikaw 1:7

Ale Krista ka saya barika la an kunmabɔra, an ka filiw yafara ka kɛɲɛ ni Ala ka nɛɛma dafanin ye.

Ɛfɛsikaw 2:4

Nga Ala ka makari te ban, an koo diyar'a ye kosɔbɛ.

Ɛfɛsikaw 3:20

An be fɛɛn minw daali, walima ka miiri minw la, Ala min be se k'o d'an ma, hali ka tɛmɛ o kan yɛrɛ, a ka sebagaya barika la min be baara kɛ an kɔnɔ,

Kɔlɔsikaw 1:23

Nga aw ka jija ka l'a la kosɔbɛ, fɛɛn si kana aw ka miiriya ɲagami k'aw jigi bɔ kibaru diman kan aw ye min mɛn, ale min fɔra danfɛnw bɛɛ ye diɲɛ kɔnɔ. Ne Pɔli kɛra min baarakɛla ye.

Kɔlɔsikaw 1:27

A b'a fɛ ka o koo dogonin ɲumanya yira siyaw cɛma, min ye nin ye: Krista be aw cɛma, ale kɛra aw jigi ye ko aw bena nɔɔrɔ sɔrɔ sini.

Tes fɔlɔ 1:3

Aw lara Ala la ka jija ka baara kɛ a ye, baara gwɛlɛman, kanuya kosɔn cogo min na, ani aw be muɲuna cogo min na Matigi Yezu Krista kosɔn, an hakili b'o bɛɛ la an Faa Ala ɲakɔrɔ.

Tes fɔlɔ 4:13

N balimaw, mɔgɔ minw sara, an t'a fɛ aw ka to olu ka koo lɔnbaliya la, waasa aw dusu kana kasi i n'a fɔ mɔgɔ tɔw, jigi te minw fɛ.

Tes 2nan 2:16

An Matigi Yezu Krista yɛrɛ, n'an Faa Ala, min y'an kanu n'a b'an jaa gwɛlɛya tuma bɛɛ, ani ka jigiɲuman d'an ma, a ka nɛɛma kosɔn,

Tim fɔlɔ 1:14

An Matigi ye nɛɛma kɛ ne ye kosɔbɛ, ka lanaya ni kanuya di ne ma min be sɔrɔ Yezu Krista ka jɛnɲɔgɔnya fɛ.

Tite 2:13

K'an to nisɔndiya loon makɔnɔni na, min ye Setigi Ala an kisibaga Yezu Krista ka nɔɔrɔ loon ye.

Heburuw 3:6

An y'an jigi la fɛɛn min kan, n'an y'an jaa gwɛlɛya ka la o la kosɔbɛ, anw be kɛ a ka somɔgɔw ye.

Yakuba 1:18

A diyara Ala ye, a y'an dan a ka tiɲɛkuma barika la, waasa an ka kɛ a ka danfɛnw bɛɛ ɲamɔgɔw ye.

Piy fɔlɔ 1:13

Ayiwa, aw labɛnnin ka to baara kama, k'aw yɛrɛ minɛ. Yezu Krista bena nɛɛma kɛ aw ye a kɔsegilon cogo min na, aw k'aw jigi la o kan kosɔbɛ.

Piy fɔlɔ 1:21

Ala min ye Krista kunun a sanin kɔ, ka nɔɔrɔ d'a ma, aw lara ale la Krista yɛrɛ sababu la. Aw be la Krista la cogo min na, aw jigi be Ala kan ten.

Piy fɔlɔ 1:23

Bari aw kɛra danfɛnkuraw ye min ma bɔ fɛɛn tolita la, fɔɔ fɛɛn tolibali. O kɛra Ala ka kuma barika la, kuma ɲanaman lo tuma bɛɛ,

Piy fɔlɔ 2:2

Siin ka di denɲɛnin ye cogo min na, Ala ka kuma fana ka kɛ aw fɛ ten janko aw ka kɔgɔ ka kisi,

Piy fɔlɔ 3:15

Aw k'a lɔn aw dusu la ko aw Matigi Krista ye senu ye. Aw jigi min lanin b'a kan, ni dɔ kɛra aw ɲiningabaga ye, aw labɛnnin ka sɔrɔ tuma bɛɛ k'a tigi jaabi o la.

Piy fɔlɔ 3:21

O jii nin tun kɛra batizeli taamasiɲɛ ye, min b'aw kisi bii. O te fari saniyako ye. Nga ŋaniyaɲuman lo an be min ta Ala faan fɛ. A b'aw kisi Yezu Krista ka kununni barika la a sanin kɔ,

Piy fɔlɔ 3:5

Muso minw jigi tun be Ala kan fɔlɔfɔlɔ, olu sɔɔn tun be ten. U majiginin tun be u furucɛw ye,

Zan fɔlɔ 2:29

Aw b'a lɔn ko Krista ka koo tilennin lo. Ayiwa, aw k'a lɔn fana ko ni mɔgɔ o mɔgɔ be kotilennin kɛ, k'o tigi ye Ala deen ye.

Zan fɔlɔ 3:3

Mɔgɔ o mɔgɔ jigi b'a kan, o tigi b'a yɛrɛ saniya i n'a fɔ Yezu Krista yɛrɛ be cogo min na.

Zan fɔlɔ 3:9

Mɔgɔ o mɔgɔ kɛra Ala deen ye, o tigi te hakɛ kɛ tugu. Bari Ala y'a Faa ye. A te se ka to hakɛkɛ la tugu bari Ala deen lo.

Zan fɔlɔ 4:7

Ne terisɔbɛw, aw ye ɲɔgɔn kanu bari n'i ko Ala, i ko ɲɔgɔn kanuya. Mɔgɔ o mɔgɔ b'a mɔgɔɲɔgɔn kanu, o tigi ye Ala deen ye, a be Ala lɔn.

Zan fɔlɔ 5:1

Ni mɔgɔ o mɔgɔ lar'a la ko Yezu le ye Ala ka mɔgɔ wolomanin ye, o tigi ye Ala deen ye. Mɔgɔ o mɔgɔ be denfa kanu, o tigi b'a deen fana kanu.

Zan fɔlɔ 5:18

An b'a lɔn ko mɔgɔ o mɔgɔ ye Ala deen ye, o tigi te to hakɛ la, bari Ala Deen b'a tanga. Sutana fanga te se a kɔrɔ.

Zan fɔlɔ 5:4

bari mɔgɔ min ye Ala deen ye ka ban, o tigi sera diɲɛ kɔrɔ. Lanaya min b'an na, o le b'a to an be se diɲɛ kɔrɔ.