Piy fɔlɔ 1:23 - ALA KA KUMA

²³ Bari aw kɛra danfɛnkuraw ye min ma bɔ fɛɛn tolita la, fɔɔ fɛɛn tolibali. O kɛra Ala ka kuma barika la, kuma ɲanaman lo tuma bɛɛ,

Jula NT of Côte d’Ivoire

²³ Sabu Ala ka ɲanamanyakura min di aw ma, aw ma o sɔrɔ fɛn torita dɔ le sababu ra, nka aw k’a sɔrɔ fɛntoribari le sababu ra; o ye Ala ta Kuma ɲanaman ye, min tɛ yɛlɛma.

LAYIDUKURA

²³ Bari aw kɛra danfɛnkuraw ye min ma bɔ fɛɛn tolita la, fɔɔ fɛɛn tolibali. O kɛra Ala ka kuma barika la, o kuma nyanaman lo tuma bɛɛ,

Piy fɔlɔ 1:23 Iomraidhean Croise

Yeremi 23:28

Ni kira min sikora, o k'a ka siko lakali. Ni mɔgɔ min ye ne ka kuma mɛn, o k'o fɔ ka tilen. Sumankisɛ n'a ɲaga be se ka jati kelen ye wa? Ne Masaba le ko ten!

Sarakalasebagaw 11:37

N'u dɔ suu benna sumansi dɔ kan, o te nɔgɔ.

Malaki 2:3

Ayiwa, ne bena wili aw n'aw deenw kama, ka begɛnbo bɔn aw ɲaa na. Aw be minw faga aw ka ɲanagwɛba loonw na. Aw n'o boo nin bɛɛ bena cɛ ɲɔgɔn fɛ.

Matiyu 24:35

Sankolo ni dugukolo bena tɛmɛ, nga ne ka kuma tena tɛmɛ.

Luka 8:11

«N ye talen min la, o kɔrɔ filɛ nin ye: Sumansi, o ye Ala ka kuma le ye.

Yuhana 1:13

O deen nunu ma sɔrɔ adamadenw sago la. Nga u sɔrɔla Ala ka sebagaya le la.

Yuhana 1:3

Fɛɛn bɛɛ danna ale barika la. Fɛɛn si te yen min ma dan a barika la.

Yuhana 3:3

Yezu y'a fɔ a ye ko: «Tiɲɛ tiɲɛ na, ne b'a fɔ i ye ko ni mɔgɔ min ma segi ka wolo tugu, o tigi te se ka don Ala ka masaya la.»

Yuhana 3:5

Yezu y'a jaabi ko: «Tiɲɛ tiɲɛ na, ne b'a fɔ i ye ko ni mɔgɔ min ma wolo jii, ani Nii Senuman barika la, o tigi te se ka don Ala ka masaya la.

Yuhana 6:63

Nii Senuman le b'a to mɔgɔ be barika sɔrɔ, n'o tɛ, n'a danna farisogo ta ma, o te foyi ye. Ne ye kuma minw fɔ aw ye, o be bɔ Nii Senuman fɛ ka nii don mɔgɔ la.

Rɔmukaw 1:23

Nɔɔrɔtigi Ala min te sa, u m'ale bato fɔɔ adamaden min be sa, ale jaa ni kɔnɔw, ni sennaanifɛnw ni fɛɛn minw be fofo duguma.

Heburuw 4:12

Ala ka kuma ɲanaman lo, fanga b'a la. A ka fari ni muru faan fila dadiman ye. A be don mɔgɔ dusu la fɔɔ ka nii faran ka bɔ adamadenya la, ani ka kolo ni sɛnmɛ bɔ ɲɔgɔn na. A be mɔgɔ ka miiri, n'a kɔnɔnako bɛɛ sɛgɛsɛgɛ k'u lɔn.

Yakuba 1:18

A diyara Ala ye, a y'an dan a ka tiɲɛkuma barika la, waasa an ka kɛ a ka danfɛnw bɛɛ ɲamɔgɔw ye.

Piy fɔlɔ 1:25

Nga Matigi ka kuma be to seen kan kudayi.» O kuma nin le nana fɔ aw ye.

Piy fɔlɔ 1:3

An ka barika la Ala ye, min ye an Matigi Yezu Krista Faa ye! A makarila an na kosɔbɛ k'an kɛ danfɛnkura ye ka jigi ɲanaman di an ma Yezu Krista ka kununni barika la ka bɔ kaburu la,

Zan fɔlɔ 3:9

Mɔgɔ o mɔgɔ kɛra Ala deen ye, o tigi te hakɛ kɛ tugu. Bari Ala y'a Faa ye. A te se ka to hakɛkɛ la tugu bari Ala deen lo.

Zan fɔlɔ 5:18

An b'a lɔn ko mɔgɔ o mɔgɔ ye Ala deen ye, o tigi te to hakɛ la, bari Ala Deen b'a tanga. Sutana fanga te se a kɔrɔ.