Piy fɔlɔ 1:19 - ALA KA KUMA

¹⁹ Nga aw kunmabɔra ni joli ɲanaman le ye, Krista joli, min kɛra i n'a fɔ sagaden, fiɲɛ ni nɔɔ te min na,

Jula NT of Côte d’Ivoire

¹⁹ a ka aw kunmabɔ ni Kirisita* jori nafaman le ye; ale kɛra i n’a fɔ sagaden, fiyɛn tɛ min na, ani nɔ tɛ min na.

LAYIDUKURA

¹⁹ Nga aw kunmabɔra ni joli nyanaman le ye, Krista joli, o min kɛra i n'a fɔ sagaden, finyɛ tɛ min na,

Piy fɔlɔ 1:19 Iomraidhean Croise

Bɔri 12:5

O begɛn nin ka kɛ cɛman ye min ye saan kelen sɔrɔ, fiɲɛ kana sɔrɔ a la, walima sankelen bakɔrɔnin, fiɲɛ te min na.

Ezayi 44:22

Ne y'aw ka kojuguw tunu i ko sɔgɔma burun. Aw ka segi ne ma, bari, ne y'aw kunmabɔ.»

Ezayi 53:7

U y'a tɔɔrɔ! A y'a yɛrɛ to u bolo. A fana ma foyi fɔ. A kɛra i ko sagaden, u be tagara ni min ye fagayɔrɔ la. A jera i ko saga, a sii tigɛbagaw bolo, a ma foyi fɔ.

Daniyɛli 9:24

«Saan bi wolonwula sigiyɔrɔman wolonwula latigɛra i ka siya, ni dugu senuman kosɔn, a be min kɔnɔ, janko juguya ka ban, hakɛ ka dabila. Fili minw kɛra, olu ka lalaga, tilenninya ka kɛ tuma bɛɛ koo ye, janko koo min yera yelifɛnw na, o ka kɛ, ani min fɔra kirayakuma na, ani Alabatoso ka sɔrɔ ka kalifa Ala ma tugu.

Sarakalasebagaw 1:10

«Ni mɔgɔ dɔ b'a fɛ ka na ni begɛnmisɛn ye k'a kɛ saraka jɛnita ye, o tigi ka kan ka na ni sagajigi ye, walima bakɔrɔnin, fiɲɛ te min na.

Sarakalasebagaw 22:20

Aw kana na ni fɛɛn ye fiɲɛ be min na. Ne Masaba tena sɔn a la aw bolo.

Jakariya 13:7

Masaba, Setigi ko: «Wili ne ka sagadɛndɛbaga kama, murujan! Wili ne baarakɛɲɔgɔn kama! Sagadɛndɛbaga bugɔ, sagaw be jɛnsɛn. N bolo yɛrɛ bena se hali deenw ma.»

Matiyu 20:28

O cogo la, Mɔgɔ Dencɛ ma na waasa mɔgɔw ka baara kɛ a ye. Nga, a nana ka mɔgɔw mako ɲa, ani k'a yɛrɛ nii di ka kɛ mɔgɔ bɛɛ nii kunmabɔ sara ye.»

Matiyu 26:28

bari nin ye ne joli ye, joli min be Ala ka layidu dafa, joli min bena bɔn mɔgɔ bɛɛ ka hakɛw yafa kosɔn.

Yuhana 1:29

O dugusagwɛ, Zan ye Yezu natɔ ye a fɛ, a y'a fɔ ko: «Ala ka Sagaden filɛ min be mɔgɔw ka hakɛw ban.

Yuhana 1:36

A ye Yezu tɛmɛtɔ ye, a y'a fɔ ko: «Ala ka Sagaden filɛ nin ye.»

Kɛwalew 20:28

Aw ka janto aw yɛrɛ la. Nii Senuman ye jama min kalifa aw ma, aw ka olu fana kɔlɔsi. Krista ka jama min kɛra Ala ta ye a joli sababu la, aw y'aw janto o la.

Rɔmukaw 3:25

Mɔgɔ minw lar'a la ko a sara olu kosɔn, Ala y'a kɛ hakɛ yafa saraka ye, waasa k'ale Ala yɛrɛ ka tilenninya yira, bari mɔgɔ minw tun ye hakɛ kɛ fɔlɔfɔlɔ, a ma olu jalaki

Ɛfɛsikaw 1:7

Ale Krista ka saya barika la an kunmabɔra, an ka filiw yafara ka kɛɲɛ ni Ala ka nɛɛma dafanin ye.

Kɔlɔsikaw 1:14

Deen min barika la, an ka hakɛw yafara, an kisira.

Piy fɔlɔ 1:2

Faa Ala y'aw woloma kabini fɔlɔ, k'aw kɛ a taw ye Nii Senuman barika la, waasa aw ka mɛnni kɛ Yezu Krista fɛ ani ka saniya a joli bɔnnin na. Ala ka nɛɛma ni hɛrɛ kɛ aw ye tuma bɛɛ.

Piy fɔlɔ 3:18

Krista sara adamadenw ka hakɛw kosɔn siɲɛ kelenpe, a banna. Ale mɔgɔtilennin sara mɔgɔ tilenbaliw kosɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Zan fɔlɔ 1:7

Nga n'o y'a sɔrɔ n'an ka koow bɛɛ gwɛnin lo i n'a fɔ ale yɛrɛ be cogo min na, o tuma na, jɛɛn be kɛ an bɛɛ ni ɲɔgɔn cɛ, a Dencɛ Yezu joli b'an ka hakɛw bɛɛ bɔ an na.

Zan fɔlɔ 2:2

Bari ale lo y'a yɛrɛ saraka k'an ka hakɛw yafa. A ma dan an dama ka hakɛw yafako ma dɛ, nga diɲɛ mɔgɔw bɛɛ ta lo fana.

Yirari 1:5

Yezu Krista min ye Ala ka seeresɔbɛ ye, n'ale lo kɛra suu fɔlɔ ye ka kunun, n'a ye masaw ka Masa ye, ale ka nɛɛma ni hɛrɛ kɛ aw ye. An koo diyar'a ye, a y'an ka hakɛ yafa a joli bɔnnin sababu la,

Yirari 14:1

O kɔ, ne ko n be filɛli kɛ, n ye Sagaden nin lɔnin ye *Siyɔn kulu kan. Mɔgɔ waa kɛmɛ ni bi naani ni naani (144 000) tun be n'a ye. A tɔgɔ, n'a Faa tɔgɔ sɛbɛnnin b'u bɛɛ teen na.

Yirari 14:5

Galon ma bɔ u daa la ka ye. Olu ye jalakibaliw ye.

Yirari 5:6

O tuma na, ne ye Sagaden dɔ ye, a wilila ka lɔ. Nimanfɛn naani nunu ni cɛkɔrɔbaw tun kɛnin be k'a lamini. A kɛra i n'a fɔ a tun fagara. Gɔɔn wolonwula tun b'a la, ani ɲaden wolonwula, minw ye Ala ka Nii wolonwula ye, a be to ka minw ci diɲɛ faan bɛɛ la.

Yirari 5:9

U tun be dɔnkilikura dɔ lara ko: «E ni wale, ele le be se ka sɛbɛ nin minɛ k'a taamasiɲɛ nunu walaka. Bari u tun y'i faga. I joli min tun bɔnna, o kɛra sababu ye i ye mɔgɔ dɔw kunmabɔ k'u kɛ Ala taw ye ka bɔ siyaw bɛɛ cɛma, ani jamanaw bɛɛ la.

Yirari 7:14

N y'a jaabi ko: «E le b'o lɔn matigi.» A ko ne ma: «Minw bɔra tɔɔrɔba nin na, n'u y'u ka faniw ko ka gwɛ Sagaden joli la, olu lo.