Piy fɔlɔ 1:17 - ALA KA KUMA

¹⁷ Ɔnhɔn, aw ka dalili la, aw be Ala wele ko aw Faa. A te wolomani kɛ, a be mɔgɔ bɛɛ kiti kelen kelen u ka kɛwaliw kosɔn. O tuma na sa, aw ka taama Alaɲasiran na, k'aw to diɲɛ na.

Jula NT of Côte d’Ivoire

¹⁷ Ala le bɛna kiti tigɛ adamaden bɛɛ kelen kelen kan ka kaɲa ni a yɛrɛ ta kɛwalew ye; a fana tɛna mɔgɔ bɔ mɔgɔ ra. Ni aw bɛ ale le wele ko aw Fa, o tuma aw fana ye aw ta dunuɲalatigɛ kɛ ni Alaɲasiran ye.

LAYIDUKURA

¹⁷ Ɔnhɔn, aw ka dalili la, aw bɛ Ala wele ko aw Faa. A tɛ wolomani kɛ, a bɛ mɔgɔ bɛɛ kiti kelen kelen u ka kɛwaliw kɔsɔn. O tuma na sa, aw ka taama Alanyasiran na, k'aw to dinyɛ na.

Piy fɔlɔ 1:17 Iomraidhean Croise

Damina 47:9

Yakuba y'a jaabi ko: «N saan kɛmɛ ni bi saba ye nin ye ni n be yaala la jamanaw ni jamanaw cɛ. O man ca, ne ye tɔɔrɔ sɔrɔ o kɔnɔ. Ne sii ma se n faaw ta ɲɔgɔn ma fɔlɔ o taama nin kɔnɔ.»

Lok fɔlɔ 29:15

An kɛra lonanw ye i ɲakɔrɔ, an tɛmɛtɔ lo i n'a fɔ an faaw bɛɛ. An sii kɛra i n'a fɔ suma, diɲɛ na, an ye jigitanw ye.

Lok 2nan 19:7

Aw ka siran Masaba ɲa sisan. Aw k'aw ka kɛwaliw kɔlɔsi, bari namara te Masaba an ka Ala ka koo la. A te mɔgɔ bɔ mɔgɔ la, a te dasanfɛn fɛ.»

Ayuba 34:19

Ale min te ɲamɔgɔ fisaya ni tɔw ye, a te fantan bɔ fɛntigi la, bari ale lo y'u bɛɛ dan.

Zaburu 39:12

E be adamaden ɲaa gwan a ka filiko la. Fɛɛn min ka d'a ye, i b'o cɛn i ko bagabaga. Tiɲɛ na, adamadenw bɛɛ ye fuu le ye.

Zaburu 89:26

Ne ben'a kɛ kɔgɔji kuntigi ye, a ka fangatigiya bena se baji ma.

Zanaw 14:16

Lɔnnikɛla be siran kojugukɛ ɲa, a te sɔn o ma. Naloman kɔni be dimi joona, a lanin b'a yɛrɛ la.

Zanaw 28:14

Mɔgɔ min b'a yɛrɛ kɔlɔsi kojugu la tuma bɛɛ, o tigi dagamunin lo. Nga min kɔni b'a dusu gwɛlɛya, bɔnɛ bena o tigi sɔrɔ.

Yeremi 3:19

«Ne tun y'a fɔ n kɔnɔ ko: ‹Ne bena aw jati n dencɛw cɛma, ka jamanaɲuman di aw ma, min ka ɲi ni siyaw bɛɛ sigiyɔrɔw ye.› Ne tun ko: ‹Aw bena ne wele ko aw Faa. Ko aw tena bɔ ne kɔ tugu.›

Sofoni 3:9

«O tuma na, ne bena siyaw daa saniya, waasa u bɛɛ ka se ka ne Masaba daali, ani ka ne bato ni dusu kelen ye.

Matiyu 16:27

Ayiwa, Mɔgɔ Dencɛ bena na n'a ka mɛlɛkɛw ye a Faa ka sebagaya la, o la a bena mɔgɔ kelen kelen bɛɛ sara ka kɛɲɛ n'u ka kɛwaliw ye.

Matiyu 22:16

U y'u ka kalanden dɔw, ni *Erɔdi ka mɔgɔ dɔw ci, waasa u k'a fɔ Yezu ye ko: «Karamɔgɔ, an y'a lɔn ko i be tiɲɛ fɔ, an'i be mɔgɔ kalan ni tiɲɛ ye Ala ka sira la. I fana te siran mɔgɔ si ɲa ka sɔn o tigi ta ma, i te mɔgɔ bɔ mɔgɔ la.

Matiyu 6:9

«Aw ka kan ka Ala daali cogo min na, o filɛ: ‹An Faa min be sankolo la, i tɔgɔ ka boɲa.

Rɔmukaw 11:20

O ye tiɲɛ ye, olu tigɛra u ka lanabaliya le kama, aw nɔrɔla lanaya le barika la. O la, aw kana aw yɛrɛ boɲa, aw ka siran le.

Kor 2nan 1:2

An Faa Ala n'an Matigi Yezu Krista ka nɛɛma ni hɛrɛ kɛ aw ye.

Kor 2nan 5:6

O le y'a to, jigi b'an fɛ tuma bɛɛ. An lanin b'a la ko k'an to farisogo la kɔni, an yɔrɔ ka jan Matigi la.

Kor 2nan 7:1

Ne teriw, dadili nin kɛra an ye minkɛ, o kama, an k'an yɛrɛ saniya ka bɔ nɔgɔ sifa bɛɛ la, farisogo ta, ni dusu ta. An ka kɛ mɔgɔdafaninw ye Ala ɲasiran barika la.

Kor 2nan 7:11

Dusukasi min y'aw sɔrɔ ka bɔ Ala fɛ. Ale ye baara min kɛ, aw y'o ye, o le y'a to aw siranna Ala ɲa. Ka sin ka koo nin ta ni sɔbɛ ye, k'a yira ko a tun man d'aw ye fana, fɔɔ aw dimina. Ne koo donna aw kɔnɔ kosɔbɛ, ani aw banbana kosɔbɛ ka kojugukɛla nin jalaki. Aw y'a yira cogo bɛɛ la ko aw seen tun te o koo la fana.

Galasikaw 2:6

Hali mɔgɔ minw tun be jati ɲamɔgɔw ye, o n'u ka ɲamɔgɔya bɛɛ, ne tun t'o jati, bari Ala fana te adamadenya jati. O ɲamɔgɔ nunu ma foyi fɔ ne ye fana.

Ɛfɛsikaw 1:17

An Matigi Yezu Krista ka Ala, min ye Faa Nɔɔrɔtigi ye, n b'ale daali a ka Nii Senuman di aw ma, min bena lɔnniya di aw ma, k'a ka koo gwɛ aw ye aw ka se k'o lɔn kosɔbɛ,

Ɛfɛsikaw 3:14

O le kosɔn, ne be n kunbiri gwan Faa Ala ɲakɔrɔ,

Ɛfɛsikaw 6:9

Kuntigiw, aw fana k'o koo ɲɔgɔn kɛ u ye. Aw kana fariya u ma, bari aw b'a lɔn k'u Kuntigi n'aw fana ta ye kelen ye min be sankolo la, ani ale te mɔgɔ woloma ka bɔ mɔgɔ la.

Sariya 10:17

bari batofɛn bɛɛ ka Ala lo, matigiw ka Matigi lo, a ka bon, see b'a ye, siranyafɛn lo. A te mɔgɔ woloma, boɲafɛn t'a ɲagami.

Filipikaw 2:12

Ne teriw, aw tun be ne ka kuma bato ka ne to aw fɛ, halibi aw ka taga ɲa ka dɔ fara o kan, aw ka jija ka baara kɛ aw ka kisili kosɔn ni Alaɲasiran ye kosɔbɛ.

Kɔlɔsikaw 3:25

Ni mɔgɔ min ye baarajugu kɛ, o tigi bena o sara le sɔrɔ, Ala te mɔgɔ woloma ka bɔ mɔgɔ la.

Heburuw 12:28

Ayiwa, Ala bena sigiyɔrɔ d'an ma min te se ka cɛn, o la, an k'a fo k'a bato, ka kɛɲɛ n'a yɛrɛ sago ye, ni yɛrɛmajigi ni siranya ye.

Heburuw 4:1

Ala y'a daa di ko an bena se ka don ka lafiɲɛ a ka yɔrɔ labɛnnin kɔnɔ. O dadili nin be seen kan halibi. O la, an k'an yɛrɛ minɛ waasa mɔgɔ si kana to kɔfɛ.

Piy fɔlɔ 2:11

Ne teriɲumanw, aw minw ye tɛmɛbagaw ye diɲɛ na, n b'a ɲini aw fɛ, ko aw k'aw yɛrɛ kɔlɔsi nigɛjuguw ma minw ni Ala ka koo te bɛn dɛ!

Piy fɔlɔ 3:15

Aw k'a lɔn aw dusu la ko aw Matigi Krista ye senu ye. Aw jigi min lanin b'a kan, ni dɔ kɛra aw ɲiningabaga ye, aw labɛnnin ka sɔrɔ tuma bɛɛ k'a tigi jaabi o la.