Piy fɔlɔ 1:13 - ALA KA KUMA

¹³ Ayiwa, aw labɛnnin ka to baara kama, k'aw yɛrɛ minɛ. Yezu Krista bena nɛɛma kɛ aw ye a kɔsegilon cogo min na, aw k'aw jigi la o kan kosɔbɛ.

Jula NT of Côte d’Ivoire

¹³ O kosɔn aw ye aw yɛrɛ cɛsiri, ka aw yɛrɛ minacogo lɔn; Ala bɛna nɛɛma min di aw ma Yesu Kirisita nalon na, aw ye aw jigiya bɛɛ la o le kan.

LAYIDUKURA

¹³ Ayiwa, aw labɛnnin ka to baara kama, k'aw yɛrɛ minɛ. Yezu Krista bɛna makari aw la a kɔsegilon cogo min na, aw k'aw jigi la o kan kosɛbɛ.

Piy fɔlɔ 1:13 Iomraidhean Croise

Mas fɔlɔ 18:46

Masaba ka sebagaya jigira Eli kan, a y'a cɛɛ siri ka bila Akabu ɲa ka boli fɔɔ ka taga se Zizireyɛli dugu donda la.

Mas 2nan 4:29

Elize y'a fɔ Geyazi ye ko: «I cɛɛ siri ka ne ka bere ta i bolo ka taga. N'i ye mɔgɔ kunbɛn, i kan'a fo, ni min y'i fo, kan'a laminɛ. Taga ne ka bere la deen nin ɲaa kan.»

Ayuba 38:3

I cɛɛ siri, k'i yɛrɛ kɛ cɛɛ ye, ne bena e ɲininga, e ka dɔ fɔ ne ye.

Ayuba 40:7

«I cɛɛ siri, kɛ cɛɛ ye, ne bena i ɲininga, e ka dɔ fɔ ne ye.

Bɔri 12:11

Aw ka kan k'o dumu cogo min na, o filɛ nin ye: aw k'aw cɛɛ siri k'aw ka sanbaraw don k'aw ka bere minɛ aw bolo. Aw k'a dumu teliya la. O ye Masaba ka *Hɔrɔnya loon ye.

Ezayi 11:5

Tilenninya bena kɛ a ka cɛsirilan ye, kantigiya bena kɛ a cɛsirifɛn ye.

Yeremi 1:17

Ele kɔni, i k'i cɛ siri. Ne bena min fɔ i ye, i ka wili k'o bɛɛ fɔ u ye. I kana siran u ɲa dɛ! N'o tɛ, ne ben'a kɛ i be siran u ɲa.

Matiyu 20:4

A y'a fɔ olu fana ye ko: ‹Aw ye taga ne ka foro la ka baara kɛ, ni tile banna, ne bena aw sara.›

Luka 12:35

«Aw k'aw cɛɛ siri, k'aw ka fitinɛ mananin minɛ aw bolo.

Luka 17:30

Mɔgɔ Dencɛ bena segi loon min na, a bena kɛ ten fana.

Luka 17:8

Ayi. A ben'a fɔ o baaraden ye ko a k'a cɛɛ siri ka dumuni labɛn k'a d'a ma. Ko ni ale tilara dumuni na tuma min na, o kɔ a fana be sɔrɔ ka dumuni kɛ ka minni kɛ.

Rɔmukaw 13:13

An ka taama tilenninya la i n'a fɔ mɔgɔ be taama cogo min na tilefɛ. An kana kɛ nugubatɔw ni dɔrɔtɔw ye. An k'an yɛrɛ kɔlɔsi kakalaya sifa bɛɛ ma, an kana kɛ kɛlɛtigɛlaw ye, ani keliya kana sɔrɔ an dusu la.

Rɔmukaw 8:19

Bari Ala bena boɲa la a ka deenw kan loon min na, diɲɛ kɔrɔtɔnin be k'o loon makɔnɔ.

Kor fɔlɔ 1:7

K'aw to an Matigi Yezu Krista nalon makɔnɔni na, Ala be seko minw di, aw ma dɛsɛ o si la.

Kor fɔlɔ 13:13

Sisan fɛɛn saba nunu le be yen: lanaya, jigi, ani kanuya, nga o fɛɛn saba nunu na, kanuya le be ɲafɛ.

Ɛfɛsikaw 6:14

Aw ye jija ka tiɲɛ kɛ aw ka cɛsirilan ye, ani tilenninya ka kɛ aw ka nigɛkunbɛnnan ye.

Kɔlɔsikaw 3:4

Krista min kɛra aw ka nii ye, n'ale y'a yɛrɛ yira tuma min na, aw fana bena ye o tuma na ni nɔɔrɔ ye.

Tes 2nan 1:7

O la, aw minw be tɔɔrɔ la, a ka hɛrɛ kɛ aw ye i n'a fɔ anw. O bena kɛ an Matigi Yezu kɔsegituma na n'a ben'a yɛrɛ yira ka bɔ sankolo la n'a ka mɛlɛkɛ setigiw ye.

Tim 2nan 4:5

Nga ele kɔni, i k'i yɛrɛ minɛ kosɔbɛ koo bɛɛ la. I ka sigɛn muɲu, k'i ka baara kɛ ka ɲa min ye kibaru diman fɔli ye.

Tim 2nan 4:8

Sisan yɛrɛ, ne ka see sɔrɔli sara be ne makɔnɔna, o ye tilenninya sara ye, Matigi min kɛra kititigɛla tilennin ye, a bena o di ne ma laban loon na. A tena o di ne kelen dama ma dɛ, nga mɔgɔ minw b'a ka nali makɔnɔna ni nisɔndiya ye, a ben'a di olu bɛɛ ma fana.

Heburuw 10:35

Aw jigi kana tigɛ, bari a nafa ka bon.

Heburuw 3:6

An y'an jigi la fɛɛn min kan, n'an y'an jaa gwɛlɛya ka la o la kosɔbɛ, anw be kɛ a ka somɔgɔw ye.

Heburuw 6:19

Jigi min b'an fɛ, barika b'o la. O b'a kɛ an be lɔ ka ɲa, a b'an dɛmɛ ka tɛmɛ cɛtigɛ fanin na ka taga se Ala fɛ.

Heburuw 9:28

o cogo kelen na, Krista y'a yɛrɛ saraka siɲɛ kelen, ka mɔgɔ bɛɛ ka hakɛw yafa. O kɔ, a bena segi ka na, o tena kɛ hakɛw yafako kama tugu, nga mɔgɔ minw b'a makɔnɔna, olu kisili kosɔn lo.

Piy fɔlɔ 1:10

Aw tun ka kan ka kisili min sɔrɔ, kiraw kumana o nɛɛma koo la, ani u ka miiriya bɛɛ tun be sinna o le ma.

Piy fɔlɔ 3:15

Aw k'a lɔn aw dusu la ko aw Matigi Krista ye senu ye. Aw jigi min lanin b'a kan, ni dɔ kɛra aw ɲiningabaga ye, aw labɛnnin ka sɔrɔ tuma bɛɛ k'a tigi jaabi o la.

Piy fɔlɔ 4:7

Fɛɛnw bɛɛ banwaati surunyana. O la, aw ka kɛ hakilitigiw ye, aw labɛnnin ka to waati bɛɛ, waasa ka se ka Ala dali.

Piy fɔlɔ 5:12

Ne ka kuma damani nunu n be minw cira aw ma, Silivɛn le y'o sɛbɛn. N b'a jati n badensɔbɛ ye. N b'a fɛ k'aw ladi, k'a yira aw la ko Ala ka nɛɛma tigitigi lo ne ye min koo fɔ aw ye, aw bolo lanin be min kan.

Piy fɔlɔ 5:8

Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana be munumununa i n'a fɔ jara, a b'a fɛ ka dɔ le minɛ k'a ɲimi.

Zan fɔlɔ 3:3

Mɔgɔ o mɔgɔ jigi b'a kan, o tigi b'a yɛrɛ saniya i n'a fɔ Yezu Krista yɛrɛ be cogo min na.