Piy fɔlɔ 1:11 - ALA KA KUMA

¹¹ Krista tun bena tɔɔrɔ ni boɲa min sɔrɔ, a ka Nii min tun be u fɛ, ale tun b'o koo yira u la, olu tun b'a fɛ k'o waati n'a kɛcogo lɔn.

Jula NT of Côte d’Ivoire

¹¹ Kirisita* ta Nin* min tun bɛ o kɔnɔ, o Nin tun kɔnna ka Kirisita ta tɔɔrɔw yira o ra, ani a bɛna nɔɔrɔ min sɔrɔ o kɔ fɛ; o kosɔn ciraw tun jijara ka o kow kɛwagatiw, ani o kɛcogo sɛgɛsɛgɛ k’a lɔn.

LAYIDUKURA

¹¹ Krista tun bɛna tɔɔrɔ ni bonya min sɔrɔ, a ka Nii Senuman min tun bɛ u fɛ, ale tun b'o koo yira u la, lu tun b'a fɛ k'o waati n'a kɛcogo lɔn.

Piy fɔlɔ 1:11 Iomraidhean Croise

Damina 3:15

Ne bena e ni muso kɛ ɲɔgɔn juguw ye, k'i deenw n'a taw kɛ ɲɔgɔn juguw ye. Muso ka deen bena i kungolo ɲɔɲɔ, i ben'a cin a seen na.»

Damina 49:10

Masaya tena bɔ Zuda ka somɔgɔw bolo, masabere tena bɔ u bolo, fɔɔ ni a tigi yɛrɛ yɛrɛ nana, siyaw ka kan ka sɔn ale min ta ma.

Ezayi 49:6

A ko: «Ele ka kɛ n ka baarakɛla ye, ka Isirayɛlidenw ta ɲa tugu, ka kɔsegi ka na n'u tɔɔ ye, o te labɔri kɛ. Ne b'i kɛ siya wɛrɛw ka yeelen ye fana, janko ne ka kisili ka se fɔɔ diɲɛ daan na.»

Daniyɛli 2:44

«Ayiwa, o masa nunu ka tile la, Sankolotigi Ala ben'a kɛ masacɛ wɛrɛ be wili min ka masaya tena nagasi abada, a ka masaya tena bɔ a bolo ka di siya wɛrɛ ma. Ale bena masa tɔ nunu bɛɛ ka koo nagasi ka ban pewu. Ale bena to a ka masaya la tuma bɛɛ.

Jakariya 13:7

Masaba, Setigi ko: «Wili ne ka sagadɛndɛbaga kama, murujan! Wili ne baarakɛɲɔgɔn kama! Sagadɛndɛbaga bugɔ, sagaw be jɛnsɛn. N bolo yɛrɛ bena se hali deenw ma.»

Jakariya 14:9

O tuma na, Masaba bena dugukolo bɛɛ mara. O waati la, Masaba bena kɛ kelen ye mɔgɔ bɛɛ fɛ, ale kelen tɔgɔ le bena fɔ.

Matiyu 26:24

Mɔgɔ Dencɛ bena sa i ko a fɔra Ala ka kuma na a ka koo la cogo min na. Nga min bena Mɔgɔ Dencɛ don mɔgɔjuguw bolo, bɔnɛ bena o tigi sɔrɔ. N'a tigi yɛrɛ tun ma wolo, o tun ka fisa a ma.»

Luka 24:44

O kɔ, a y'a fɔ u ye ko: «Tuma min na ne tun ma sa ban, koo minw fɔra Musa ka sariya, ni kiraw ka kitabuw, ani Dɔnkiliw Ala ye kitabu la ne ka koo la, ne tun y'a fɔ aw ye ko wajibi lo o bɛɛ ka kɛ.»

Yuhana 12:41

Ezayi y'o kuma fɔ bari a tun ye Yezu ka nɔɔrɔ ye, o la a kumana ale koo la.

Kɛwalew 16:7

U sera Mizi mara faan fɛ, u tun b'a fɛ ka tɛmɛ ka taga Bitini mara la, nga Yezu ka Nii ma sira d'u ma.

Rɔmukaw 8:9

Aw kɔni, aw t'aw yɛrɛ sago kɛ tugu, aw be Nii Senuman sago le kɛ, bari Ala ka Nii be aw fɛ. Ni Krista ka Nii te mɔgɔ min fɛ, o tigi te Krista ta ye.

Galasikaw 4:6

Aw ye Ala deenw ye sɔbɛ la. Ala yɛrɛ y'a Dencɛ Nii don an na, ale min b'a to an b'a fɔ ko: «Baba, an Faa.»

Piy 2nan 1:21

A ma kɛ i n'a fɔ kirayakuma bɔra mɔgɔw fɛ, nga Nii Senuman yɛrɛ le y'a don u daa la u tora ka kuma Ala tɔgɔ la.

Yirari 19:10

Ayiwa, ne birila a kɔrɔ ko n b'a bato, nga a y'a fɔ ne ye ko: «Ayi! Kana o kɛ, bari ne fana ye Ala ka baarakɛla le ye i n'a fɔ e n'i tɔɲɔgɔnw, minw ye Yezu ka kuma minɛ ka ɲa. I ka kan ka Ala le bato.» Yezu ye tiɲɛko min fɔ, kiraw tun ye o sɔrɔ Nii Senuman barika la.