Piy fɔlɔ 1:1 - ALA KA KUMA

¹ Ne Piyɛri, Yezu Krista ka ciden, be bataki nin ci aw ma, Ala ye aw minw woloma n'aw be lonanya la Pɔn mara la, ni Galati, ani Kapadɔsi, ni Azi ani Bitini mara la.

Jula NT of Côte d’Ivoire

¹ Ne Piyɛri, ne min ye Yesu Kirisita ta ciraden* ye, ne bɛ nin sɛbɛ ci Ala ta mɔgɔ ɲanawolomaninw ma, minw janjanna ka taga kɛ lonanw ye Pɔn mara ra, ani Galasi, ani Kapadɔsi, ani Azi, ani Bitini jamanaw ra.

LAYIDUKURA

¹ Ne Piyɛri, Yezu Krista ka ciden, bɛ bataki nin ci aw ma, Ala ye aw minw woloma n'aw bɛ lonanya la Pɔn mara la, ni Galati, ani Kapadɔsi, ni Azi ani Bitini mara la.

Piy fɔlɔ 1:1 Iomraidhean Croise

Ɛsitɛri 3:8

O kɔ, Aman y'a fɔ masacɛ Sɛrisɛsi ye ko: «Siya dɔ be i ka jama cɛma min be danna tɔw la, u yɛrɛkɛnin be i ka maraw bɛɛ la, u ka landa ni tɔw ta te kelen ye. U te ele masacɛ ka sariya bato. Kuun t'a la i k'o siya nin to ɲasuma na.

Zaburu 44:11

E y'a kɛ an be bolila an juguw ɲa, an kɛlɛbagaw b'an ka minanw cɛra.

Ezekiyɛli 6:8

«Nga ne ben'a kɛ aw tɔɔ be to, u tena olu faga ni murujan ye, o tɔɔ nin bena jɛnsɛ siya wɛrɛw cɛma.

Sarakalasebagaw 26:33

Ne bena aw jɛnsɛn siyaw cɛma ka murujan bila aw nɔɔ fɛ. Aw ka jamana bena cɛn, aw ka dugubabaw bena kɛ yɔrɔlakolon ye.

Matiyu 10:2

A ye mɔgɔ tan ni fila minw kɛ cidenw ye, olu tɔgɔ filɛ: Ciden fɔlɔ tɔgɔ ko Simɔn, u b'a wele Piyɛri fana, n'ale dɔgɔcɛ Andere ni Zebede ka dencɛ fila, Zaki n'a dɔgɔcɛ Zan,

Matiyu 24:22

Ni dɔ tun tena bɔ o tɔɔrɔ waati nin la, mɔgɔ si tun tena kisi. Nga a ye minw woloma k'u kɛ a yɛrɛ taw ye, olu kosɔn, dɔ bena bɔ a la.

Matiyu 4:18

Yezu yaalatɔ Galile baa daa la, a ye balimacɛ fila dɔ ye. Simɔn min tɔgɔ ko Piyɛri fana, a n'a dɔgɔcɛ Andere tun lo. U tun be jɔɔ filila baji la, mɔnikɛlaw tun lo.

Luka 18:7

Ayiwa, Ala ye minw woloma k'u kɛ a ta ye, ni olu be dɛmɛ ɲini a fɛ suu ni tile, yala a bena mɛn k'u dɛmɛ wa?

Yuhana 11:52

O fana tun te kɛ u ka siya dama kosɔn, nga Ala deenw minw jɛnsɛnnin be, a ka se k'olu lajɛn.

Yuhana 7:35

Zuwifuw tora k'a fɔ u ni ɲɔgɔn cɛ ko: «Nin bena se ka taga yɔrɔ jumɛn n'anw ben'a yɔrɔ ɲini ka dɛsɛ? An ka siya minw jɛnsɛnnin be siya wɛrɛw cɛma, a bena taga olu le fɛ ka siya wɛrɛw kalan wa?

Kɛwalew 18:2

A ye zuwifu dɔ kunbɛn, min tɔgɔ ko Akilasi, a tun be bɔ Pɔn mara la, n'a muso, ale tɔgɔ ko Pirisili. U bɔtɔ tun lo Itali jamana na bari Ɔrɔmu masacɛ Kulodi tun y'a ŋaniya ta ka zuwifuw bɛɛ gwɛn ka bɔ Ɔrɔmu dugu kɔnɔ. Pɔli sigira u fɛ ka jɛn n'u ye,

Kɛwalew 18:23

A ye waati dɔɔni kɛ yen. O kɔ, a bɔra ka Galati ni Firizi mara nunu yaalayaala k'a ka kalandenw ladi k'u jaa gwɛlɛya.

Kɛwalew 19:10

A y'a kɛ ten saan fila fɔɔ Azi jamana mɔgɔw bɛɛ, zuwifu fara girɛkiw kan, u bɛɛ ye Matigi ka kibaru diman mɛn.

Kɛwalew 6:9

O bɛɛ kama, kalanso min be wele ko Jɔnhɔrɔnyaninw ka kalanso, o mɔgɔ dɔw nana sɔsɔli daminɛ ni Etiyɛni ye. Sirɛnikaw ni Alɛkisandirikaw ni Silisikaw, ani Azikaw fana niin tun b'o la.

Kɛwalew 8:4

Minw tun bolila ka bɔ Zeruzalɛmu, ni olu sera yɔrɔ o yɔrɔ, u tun be Yezu ka kibaru diman fɔ o yɔrɔ la.

Kor fɔlɔ 16:19

Krista ka jamakulu minw be Azi mara la, olu b'aw fo. Akilasi ni Pirisili ani Krista ka jama min be ɲɔgɔn lajɛn u fɛ, u bɛɛ b'aw fo kosɔbɛ Matigi tɔgɔ kosɔn.

Kor 2nan 1:8

Tɔɔrɔ min y'an sɔrɔ Azi mara la, an t'a fɛ k'aw to o lɔnbaliya la. O tun digira an na fɔɔ ka se an barika daan ma, fɔɔ an yɛrɛ tun t'a miiri ko an bena to nii na.

Galasikaw 1:2

Ne n'an balima minw bɛɛ be yan, an le be bataki nin cira Krista ka jamakulu ma minw be Galati mara la.

Ɛfɛsikaw 2:12

O waati la, aw tun te Krista lɔn, niyɔrɔ tun te aw fɛ Isirayɛlidenw cɛma. Ala tun y'a daa di bɛɛn min la, aw niin tun t'o la. Aw tun be yen ten, jigi layɔrɔ tun t'aw fɛ, aw tun te Ala lɔn fana.

Ɛfɛsikaw 2:19

A kɛra ten, aw te lonanw ye tugu, walima jamana wɛrɛ mɔgɔw, nga aw ye Ala ka mara mɔgɔw le ye, Ala ka somɔgɔw.

Sariya 28:64

«Masaba bena aw yɛrɛkɛ siyaw bɛɛ cɛma, k'a ta dugukolo faan dɔ fɛ ka ta'a bila faan wɛrɛ fɛ. O yɔrɔ la, aw bena fɛɛn wɛrɛw bato, joo yirilamanw ani kabakurulamanw, aw ni aw bɛmaw tun te minw lɔn.

Sariya 32:26

Ne tun ko n bena u bɛɛ halaki pewu, k'u tɔgɔ tunu ka bɔ mɔgɔw hakili la.

Sariya 4:27

Masaba bena aw yɛrɛkɛ siya wɛrɛw cɛma, mɔgɔ damani dɔrɔn le bena to aw la siya nunu cɛma. A bena aw yɛrɛkɛ minw fɛ.

Tim 2nan 1:15

E y'a lɔn ko Krista kɔmɔgɔ minw be Azi mara la, olu bɛɛ banna ne la. Fizɛli ani Ɛmozɛni niin b'o la.

Heburuw 11:13

Ala y'a daa di koo min na, u bɛɛ lara o la fɔɔ ka taga sa n'u ma o sɔrɔ. U ɲaa y'a ye yɔrɔjan ka nisɔndiya a koo la. U y'a lɔn ten k'olu ye lonanw ye, k'u tɛmɛtɔ lo diɲɛ na.

Yakuba 1:1

Ne Zaki min ye Ala ni Matigi Yezu Krista ka baarakɛla ye, n be bataki nin ci aw Isirayɛlidenw ma minw jɛnsɛnnin be diɲɛ faan bɛɛ la, k'aw fo.

Piy fɔlɔ 2:11

Ne teriɲumanw, aw minw ye tɛmɛbagaw ye diɲɛ na, n b'a ɲini aw fɛ, ko aw k'aw yɛrɛ kɔlɔsi nigɛjuguw ma minw ni Ala ka koo te bɛn dɛ!

Piy 2nan 1:1

Ne Simɔn Piyɛri min ye Yezu Krista ka ciden, n'a ka baaraden ye, ne be bataki nin ci aw ma, aw minw ye an ka jigi ɲanaman ɲɔgɔn sɔrɔ anw ka Ala n'an kisibaga Yezu Krista ka tilenninya kosɔn.

Yirari 1:11

A y'a fɔ ko: «I be min yera, o sɛbɛn k'a ci Ala ka jama ma dugu wolonwula nunu kɔnɔ: Efɛzi ni Simirini, ani Pɛrigamu, Tiyatiri, ni Saadi ni Filadɛlifi ani Lawodise.»