Zan fɔlɔ 5:9 - ALA KA KUMA

⁹ N'an be sɔn adamaden ka seereya ma, Ala ka seereya ka fisa ni adamaden ta ye. Ala y'a yira an na ko ale y'a Deen seere ye.

Jula NT of Côte d’Ivoire

⁹ An bɛ sɔn adamadenw ta seereya ma, nka Ala ta seereya ka bon ni adamadenw ta ye. Den min bɔra Ala ra*, Ala ka min fɔ o ta ko ra, o le ye Ala ta seereya ye.

LAYIDUKURA

⁹ N'an bɛ sɔn adamaden ka seereya ma, Ala ka seereya ka fisa ni adamaden ta ye. Ala y'a yira an na ko ale y'a Deen seere ye.

Zan fɔlɔ 5:9 Iomraidhean Croise

Matiyu 17:5

Ka Piyɛri t'o kuma na, sankaba manamananin dɔ jigira k'u datugu. Kumakan dɔ bɔra o sankaba nin kɔnɔ k'a fɔ ko: «Nin ye ne Dencɛ kanunin ye. Ne sagoladen lo, aw ka mɛnni kɛ a fɛ.»

Yuhana 10:38

Nga ne b'o kɛra, o bɛɛ n'a ta, aw te lara ne la. Ayiwa, n be baara minw kɛra, aw ye la olu la, janko aw ka se k'a lɔn ko n Faa be ni ne ye, ko ne be ni n Faa ye.»

Yuhana 5:39

Aw be Ala ka kuma kalan kosɔbɛ bari aw be miiri ko aw bena nii banbali sɔrɔ o kalan fɛ. K'a sɔrɔ o kuma nunu be ne le koo fɔ.

Kɛwalew 17:31

O kama, a ye loon dɔ sigi. O loon nin sera, a ye mɔgɔ dɔ woloma ka ban, a bena o tigi bila ka diɲɛ mɔgɔw kiti ni tilenninya ye. A y'o tigi kunun a sanin kɔ janko k'a yira bɛɛ la, ko ale lo bena mɔgɔ bɛɛ kiti.»

Kɛwalew 5:32

Ala ye koo minw kɛ, an y'o seerew ye ani Nii Senuman, Ala ye min di a sagokɛlaw ma.»

Heburuw 2:4

Ala yɛrɛ y'a yira k'o mɔgɔ nunu ka kuma ye tiɲɛ ye taamasiɲɛw ni kabako sifa bɛɛ fɛ, ani seko dɔw fɛ a ye minw di mɔgɔw ma Nii Senuman barika la, ka kɛɲɛ n'a yɛrɛ sago ye.

Heburuw 6:18

O kobaba fila nunu na, Ala te se ka galon tigɛ an ye cogo si la. O kama, an minw jigi b'o kan, o ka kan ka barika don an na kosɔbɛ k'o koo minɛ ka ɲa.

Zan fɔlɔ 5:10

Ni mɔgɔ min lara Ala Dencɛ la, Ala ye seereya min kɛ a ka koo la, o tigi b'o seereya nin mara a dusu la. Nga ni min ma la Ala la, o tigi ye Ala kɛ galontigɛla ye. Bari Ala ye seereya min kɛ a Dencɛ ka koo la, o tigi ma la o la.

Zan fɔlɔ 5:8

Nii Senuman, jii ani joli. O seere nunu be fɛɛn kelen le fɔ.