Zan fɔlɔ 5:4 - ALA KA KUMA

⁴ bari mɔgɔ min ye Ala deen ye ka ban, o tigi sera diɲɛ kɔrɔ. Lanaya min b'an na, o le b'a to an be se diɲɛ kɔrɔ.

Jula NT of Côte d’Ivoire

⁴ Mɔgɔ o mɔgɔ kɛra Ala den ye, o tigi bɛ se sɔrɔ dunuɲa kan. Fɛn min b’a to an bɛ se sɔrɔ dunuɲa kan, o ye an ta lanaya ye.

LAYIDUKURA

⁴ bari mɔgɔ min ye Ala deen ye ka ban, o tigi sera dinyɛ kɔrɔ. Jigi min b'an fɛ, o le b'a to an bɛ se dinyɛ kɔrɔ.

Zan fɔlɔ 5:4 Iomraidhean Croise

Yuhana 1:13

O deen nunu ma sɔrɔ adamadenw sago la. Nga u sɔrɔla Ala ka sebagaya le la.

Yuhana 16:33

Ne y'o fɔ aw ye janko aw ka to ni ne ye ka hɛrɛ sɔrɔ. K'aw to diɲɛ na, dusukasi le be aw kan, nga aw k'aw jaa gwɛlɛya, ne ye see sɔrɔ diɲɛ kan ka ban.»

Yuhana 3:3

Yezu y'a fɔ a ye ko: «Tiɲɛ tiɲɛ na, ne b'a fɔ i ye ko ni mɔgɔ min ma segi ka wolo tugu, o tigi te se ka don Ala ka masaya la.»

Kor fɔlɔ 15:57

An ka barika la Ala ye, ale min be kɛ an be see sɔrɔ an Matigi Yezu Krista barika la.

Zan fɔlɔ 2:29

Aw b'a lɔn ko Krista ka koo tilennin lo. Ayiwa, aw k'a lɔn fana ko ni mɔgɔ o mɔgɔ be kotilennin kɛ, k'o tigi ye Ala deen ye.

Zan fɔlɔ 3:9

Mɔgɔ o mɔgɔ kɛra Ala deen ye, o tigi te hakɛ kɛ tugu. Bari Ala y'a Faa ye. A te se ka to hakɛkɛ la tugu bari Ala deen lo.

Zan fɔlɔ 4:4

Ne deenw, aw kɔni ye Ala taw ye. Aw sera kira nunu kɔrɔ bari Nii Senuman be ni aw ye. Ale fanga ka bon ni Sutana ta ye, min be diɲɛ kɔnɔ.

Zan fɔlɔ 5:1

Ni mɔgɔ o mɔgɔ lar'a la ko Yezu le ye Ala ka mɔgɔ wolomanin ye, o tigi ye Ala deen ye. Mɔgɔ o mɔgɔ be denfa kanu, o tigi b'a deen fana kanu.

Zan fɔlɔ 5:18

An b'a lɔn ko mɔgɔ o mɔgɔ ye Ala deen ye, o tigi te to hakɛ la, bari Ala Deen b'a tanga. Sutana fanga te se a kɔrɔ.

Zan fɔlɔ 5:5

Mɔgɔ min lanin b'a la ko Yezu ye Ala Dencɛ ye, o tigi le sera diɲɛ kɔrɔ.

Yirari 12:11

Nga an badenw sera a kɔrɔ Sagaden ka joli bɔnnin, n'u ka seereya kosɔn, bari u ma ban k'u nii saraka.

Yirari 15:2

O kɔ, n ye fɛɛn dɔ ye min bɔnin be baji fɛ, a ɲaa tun ka ɲi kosɔbɛ, a kɛra i n'a fɔ takami ɲagaminin tun b'a la. Mɔgɔ minw ye see sɔrɔ Sogo nin kan, n'u ma sɔn k'a jaa bato, n'a tɔgɔ taamasiɲɛ ma sɔrɔ ka ci u la, olu lɔnin tun b'o baji nin kan ni Ala ka gɔniw b'u bolo,

Yirari 2:11

Nii Senuman be min fɔra Krista ka jama ye, ni min b'a fɛ ka faamuli kɛ o la, o tigi k'a tulo malɔ a fɛ ka ɲa. Ni min muɲuna ka see sɔrɔ, o tigi tena sini tɔɔrɔ sɔrɔ, min ye saya filanan ye.

Yirari 2:17

Nii Senuman be min fɔra Krista ka jama ye, ni min b'a fɛ ka faamuli kɛ o la, o tigi k'a tulo malɔ a fɛ ka ɲa. Ni min muɲuna ka see sɔrɔ, ne bena *maanɛ dogonin dɔ di o tigi ma, ka kabakuru gwɛman dɔ d'a ma fana, tɔgɔ dɔ b'o kan, mɔgɔ si te o tɔgɔkura min lɔn n'o kabakuru sɔrɔbaga tɛ.

Yirari 2:26

Ni min y'a yɛrɛ minɛ ka ɲa, ka ne ka fɔtaw bɛɛ kɛ fɔɔ ka se u daan na, ne bena siya wɛrɛw ka kuntigiya di o tigi ma.

Yirari 2:7

Nii Senuman be min fɔra Krista ka jama ye, ni min b'a fɛ ka faamuli kɛ o la, o tigi k'a tulo malɔ a fɛ ka ɲa. Ni min ye see sɔrɔ, yiri min be arijana na, n'a be nii don mɔgɔ la, ne b'o deen dɔ d'a tigi ma k'a dumu.

Yirari 3:12

Ni min ye see sɔrɔ, n ben'a kɛ o tigi be to n ka Ala batoso kɔnɔ i n'a fɔ samasen. A bena to yen kudayi. Ne bena n ka Ala n'a ka dugu tɔgɔ sɛbɛn a kan, o dugu nin ye Zeruzalɛmu kura ye min bena jigi ka bɔ Ala fɛ arijana na. Ne bena n tɔgɔkura fana sɛbɛn a kan.

Yirari 3:21

Ni min ye see sɔrɔ, o tigi bena sigi ni ne ye n ka masaya la, i n'a fɔ ne ye see sɔrɔ ka sigi ni n Faa ye a ka masaya la cogo min na.

Yirari 3:5

Ayiwa, ni min ye see sɔrɔ, o tigi fana bena fani gwɛman don. N ten'a tɔgɔ jɔsi ka bɔ nii banbali sɛbɛ kɔnɔ. Nga n bena sɔn k'a yira n Faa n'a ka mɛlɛkɛw la, k'o tigi ye ne ta ye.