Zan fɔlɔ 5:10 - ALA KA KUMA

¹⁰ Ni mɔgɔ min lara Ala Dencɛ la, Ala ye seereya min kɛ a ka koo la, o tigi b'o seereya nin mara a dusu la. Nga ni min ma la Ala la, o tigi ye Ala kɛ galontigɛla ye. Bari Ala ye seereya min kɛ a Dencɛ ka koo la, o tigi ma la o la.

Jula NT of Côte d’Ivoire

¹⁰ Den min bɔra Ala ra, ni mɔgɔ min ka la o ra, Ala ta seereya bɛ o tigi jusukun na. Nka ni mɔgɔ min ma la Ala ra, o tigi ka Ala kɛ faninyafɔbaga le ye, sabu Den min bɔra a ra, Ala ka seereya min kɛ o ta ko ra, o tigi ma la o ra.

LAYIDUKURA

¹⁰ Ni mɔgɔ min lara Ala Dencɛ la, Ala ye seereya min kɛ a koo la, o tigi b'o seereya nin mara a dusu la. Nga ni min ma la Ala la, o tigi ye Ala kɛ galontigɛla ye. Bari Ala ye seereya min kɛ a Dencɛ koo la, o tigi ma la o la.

Zan fɔlɔ 5:10 Iomraidhean Croise

Ayuba 24:25

Ne be min fɔra, n'o te tiɲɛ ye, mɔgɔ dɔ ka n sɔsɔ. Jɔn bena se ka ne ka kuma kɔɔ kari sa?»

Zaburu 25:14

Masaba b'a ka kodogonin yira a ɲasiranbagaw la, a b'a ka bɛɛn musaga yira u la.

Zanaw 3:32

Bari, mɔgɔjugu koo ka go Masaba ye. Nga a be mɔgɔɲumanw kɛ a teriw ye.

Ezayi 53:1

An be min mɛnna, jɔn le lara o la? Masaba y'a ka sebagaya yira jɔn na?

Yeremi 15:18

Mun na ne ka tɔɔrɔ te banna ka ye? Mun na ne ka joli te banna? Mun na a be ban furaw bɛɛ ma? O tuma na, e kɛra ne fɛ i ko kɔjugu le wa, mɔgɔ te la min jii la?

Jateri 23:19

Ala te mɔgɔ ye n'a be galon tigɛ, adamaden tɛ n'a b'a hakili yɛlɛma. N'a ye fɛɛn dɔ fɔ, a t'o kɛ wa? N'a ye layidu ta, a t'o dafa wa?

Yuhana 3:16

Ala ye diɲɛ kanu haali, fɔɔ a y'a Deen kelenpe ci mɔgɔw ma, waasa ni mɔgɔ min y'a jigi la a kan, o tigi kana halaki, nga o ka nii banbali sɔrɔ.

Yuhana 3:18

Ni mɔgɔ min y'a jigi la a kan, o tigi kisira kiti ma, nga ni min m'a jigi la a kan, o tigi jalakira ka ban bari a ma sɔn ka la Ala Dencɛ kelenpe la.

Yuhana 3:33

Ni mɔgɔ min lara a ka kuma fɔninw na, o tigi b'a yira ko Ala ye tiɲɛtigi ye.

Yuhana 5:38

A ka kuma sigiyɔrɔ te aw dusu la fana, bari a ye min ci, aw lanin te ale la.

Kɛwalew 8:37

Filipu y'a jaabi ko: «N'i lara Yezu la kosɔbɛ, ne be se k'i batize.» Cɛɛ ko: «Ne lara a la ko Yezu Krista ye Ala Deen ye.»]

Rɔmukaw 8:16

O Nii Senuman nin b'a yira an na ko an kɛra Ala deenw ye.

Galasikaw 4:1

Ne b'a fɛ ka min fɔ, o ye nin ye: Ni deen min ka kan k'a facɛ cɛɛn ta, k'a to denmisɛnya la, ale ni jɔɔn bɛɛ ka kan, hali ni fɛɛn bɛɛ y'a ta ye cogo o cogo.

Galasikaw 4:6

Aw ye Ala deenw ye sɔbɛ la. Ala yɛrɛ y'a Dencɛ Nii don an na, ale min b'a to an b'a fɔ ko: «Baba, an Faa.»

Kɔlɔsikaw 3:3

bari a kɛra i n'a fɔ aw sara diɲɛ faan fɛ, aw nii be ni Krista ye Ala fɛ.

Heburuw 3:12

O tuma na n badenw, aw bɛɛ k'aw yɛrɛ minɛ aw si kana kɛ mɔgɔjugu ye, lanabaliya kan'a kɛ aw be ban Nitigi Ala la.

Piy 2nan 1:19

An bolo lanin be kiraw ka kuma fɔninw kan fana. O kuma nin kɛra i n'a fɔ fitinɛ mananin, min be yeelen bɔ sufɛ fɔɔ ka taga se dugugwɛ ma, dugugwɛdafɛ lolo ka yeelen bɔ aw ye.

Zan fɔlɔ 1:10

Nga n'an y'a fɔ ko an ma hakɛ kɛ, an be Ala kɛ galontigɛla ye, a ka kuma te an dusu la.

Zan fɔlɔ 5:1

Ni mɔgɔ o mɔgɔ lar'a la ko Yezu le ye Ala ka mɔgɔ wolomanin ye, o tigi ye Ala deen ye. Mɔgɔ o mɔgɔ be denfa kanu, o tigi b'a deen fana kanu.

Yirari 12:17

Sogojugu nin tun te sera ka muso nin sɔrɔ minkɛ, a dimina a kɔrɔ kosɔbɛ, ka kɛlɛ nin yɛlɛma k'a sin a deenw ma, minw be Ala ka kuma batora n'u sɔnnin be Yezu ka kuma ma.

Yirari 2:17

Nii Senuman be min fɔra Krista ka jama ye, ni min b'a fɛ ka faamuli kɛ o la, o tigi k'a tulo malɔ a fɛ ka ɲa. Ni min muɲuna ka see sɔrɔ, ne bena *maanɛ dogonin dɔ di o tigi ma, ka kabakuru gwɛman dɔ d'a ma fana, tɔgɔ dɔ b'o kan, mɔgɔ si te o tɔgɔkura min lɔn n'o kabakuru sɔrɔbaga tɛ.

Yirari 2:28

Ne yɛrɛ y'o fanga nin sɔrɔ n Faa fɛ. Loloba min be bɔ dugugwɛdafɛ, ne bena o d'a ma fana.