Zan fɔlɔ 4:9 - ALA KA KUMA

⁹ Dencɛ kelenpe min be Ala fɛ, a y'o ci diɲɛ na waasa an ka balo ale barika la. Ala y'a ka kanuya yira an na ten le.

Jula NT of Côte d’Ivoire

⁹ Fa Ala ka a ta kanuya yira an na cogo min na, o flɛ nin ye: Den* kelenpe min bɔra Ala ra, a ka o ci ka na dunuɲa ra, janko an ye ɲanamanya sɔrɔ o sababu ra.

LAYIDUKURA

⁹ Dencɛ kelenpe min bɛ Ala fɛ, a y'o ci dinyɛ na waasa an ka hɛrɛ banbali sɔrɔ ale barika la. Ala y'a ka kanuya yira an na o cogo le la.

Zan fɔlɔ 4:9 Iomraidhean Croise

Damina 22:2

Ala ko: «I dencɛ minɛ, i dencɛ kelenpe, Isiyaka min koo ka d'i ye, i ka taga n'a ye Moriya mara la. Ne bena kulu min yira i la, i k'a kɛ saraka ye k'a jɛni o yɔrɔ la.»

Zaburu 2:7

Ne bena Masaba ka kolatigɛnin fɔ. A ko ne ma: «I ye ne Dencɛ ye, ne le y'i wolo bii.

Marika 12:6

Mɔgɔ kelen min tora forotigi fɛ sisan, o y'a dencɛ ye. A tun b'o kanu kosɔbɛ. A y'o fana ci u fɛ a laban na. A tun be miiri ko: ‹U bena n dencɛ boɲa.›

Luka 4:18

«Matigi ka Nii be ne fɛ, bari a ye ne woloma ka kibaru diman fɔ fantanw ye. A ye ne ci ko n k'a fɔ jɔɔnw ye k'u bena hɔrɔnya, ko n k'a fɔ fiɲɛntɔw ye k'u ɲaa bena yɛlɛ, ko n ka mɔgɔtɔɔrɔninw bɔ u juguw bolo k'u bila,

Yuhana 10:10

Soon kɔni te na foyi kama ni soɲali ni fagali ni cɛnni tɛ. Ne nana waasa mɔgɔw ka kisi ani u ka hɛrɛ ka sabati.

Yuhana 14:6

Yezu y'a jaabi ko: «Ne le ye sira, ni tiɲɛ, ani nii dibaga ye. Mɔgɔ si te se n Faa fɛ ni ne sababu tɛ.

Yuhana 3:16

Ala ye diɲɛ kanu haali, fɔɔ a y'a Deen kelenpe ci mɔgɔw ma, waasa ni mɔgɔ min y'a jigi la a kan, o tigi kana halaki, nga o ka nii banbali sɔrɔ.

Yuhana 3:18

Ni mɔgɔ min y'a jigi la a kan, o tigi kisira kiti ma, nga ni min m'a jigi la a kan, o tigi jalakira ka ban bari a ma sɔn ka la Ala Dencɛ kelenpe la.

Yuhana 5:23

waasa bɛɛ k'a Deen boɲa i n'a fɔ u be Faa boɲa cogo min na. Ni mɔgɔ min m'a Deen boɲa, o tigi ma Faa fana boɲa, min y'a cibaga ye.

Yuhana 6:29

Yezu y'u jaabi ko: «Ala ye min ci, fɔɔ aw ka la ale la. O le ye Ala sago ye.»

Yuhana 6:51

«Dumuni ɲanaman min bɔra sankolo la, ne lo. Ni min y'o dumu, o tigi be to nii na tuma bɛɛ. Ne bena dumuni min di, o ye ne fari yɛrɛ le ye. Ne be n yɛrɛ di waasa diɲɛ ka se ka nii banbali sɔrɔ.»

Yuhana 6:57

N Faa ye n ci, ale ye nii tigi ye, ne be nii na ale barika la, o la, ni min ye ne dumu, o tigi fana bena to nii na ne barika la.

Yuhana 8:29

Ne cibaga be ni ne ye. A ma ne to n kelen, bari min ka d'a ye, ne be o le kɛ tuma bɛɛ.»

Yuhana 8:42

Yezu y'a fɔ u ye ko: «Ni Ala tun ye aw Faa ye, ne koo tun bena diya aw ye, bari ne bɔra Ala le fɛ ka na. Ne ma na n yɛrɛ ma. Ale lo ye ne ci.

Yuhana 9:3

Yezu y'u jaabi ko: «Ale ka koo tɛ, a somɔgɔw fana ka koo tɛ. Nga nin kɛra, waasa Ala ka sebagaya ka yira o sababu la.

Rɔmukaw 8:32

Ale min ma ban k'a yɛrɛ Dencɛ di ka sa an bɛɛ kosɔn, a be kɛ cogo di n'a tena fɛɛn bɛɛ di an ma ka fara a Dencɛ kan?

Heburuw 1:5

Ala delila k'a fɔ a ka mɛlɛkɛw jumɛn ye ko: «I ye ne Dencɛ ye, ne y'i wolo bii.» Ala ma deli k'a fɔ mɛlɛkɛ si ye fana ko: «Ne bena kɛ i Faa ye, i bena kɛ ne Deen ye.»

Zan fɔlɔ 3:16

Yezu Krista y'a nii saraka anw kosɔn. An be kanuya lɔn o le fɛ. An fana ka kan k'an nii saraka an mɔgɔɲɔgɔn kosɔn.

Zan fɔlɔ 4:10

Kanuya filɛ nin ye. A ma kɛ i n'a fɔ anw ye Ala kanu! Ale lo y'an kanu k'a Dencɛ ci an ma. An ka hakɛw yafara ale ka yɛrɛ saraka barika la.

Zan fɔlɔ 4:16

Ala b'an kanu cogo min na, anw kɔni b'o lɔn, ani anw lara o la. N'i ko Ala, i ko kanuya. Ni mɔgɔ min b'a mɔgɔɲɔgɔn kanu, o tigi nɔrɔnin be Ala la, Ala fana be n'o tigi ye.

Zan fɔlɔ 5:11

O seereya nin filɛ: ko Ala ye nii banbali d'an ma, min be sɔrɔ a Dencɛ sababu la.

Zan fɔlɔ 5:13

N ye nin sɛbɛn k'a ci aw ma, aw minw lanin be Ala Dencɛ la, waasa aw k'a lɔn ko nii banbali y'aw ta ye.