Zan fɔlɔ 4:7 - ALA KA KUMA

⁷ Ne terisɔbɛw, aw ye ɲɔgɔn kanu bari n'i ko Ala, i ko ɲɔgɔn kanuya. Mɔgɔ o mɔgɔ b'a mɔgɔɲɔgɔn kanu, o tigi ye Ala deen ye, a be Ala lɔn.

Jula NT of Côte d’Ivoire

⁷ Ne balema kanuninw, an ye ɲɔgɔn kanu, sabu kanuya bɛ bɔ Ala le ra. Mɔgɔ min bɛ a mɔgɔɲɔgɔn kanu, o tigi ye Ala den le ye, a ka Ala lɔn fana.

LAYIDUKURA

⁷ Ne terisɛbɛw, aw ye nyɔgɔn kanu bari n'i ko Ala, i ko nyɔgɔn kanuya. Mɔgɔ o mɔgɔ b'a mɔgɔnyɔgɔn kanu, o tigi ye Ala deen ye, a bɛ Ala lɔn.

Zan fɔlɔ 4:7 Iomraidhean Croise

Yuhana 13:34

«Ne be cikura di aw ma ko: aw ka ɲɔgɔn kanu, ne y'aw kanu cogo min na, aw fana ka ɲɔgɔn kanu ten.

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Kor fɔlɔ 8:3

Ala koo ka di mɔgɔ min ye, Ala b'o tigi lɔn.

Kor 2nan 4:6

Bari Ala min tun y'a fɔ ko kɛnɛ ka bɔ dibi cɛma, ale kelen le ye yeelen bɔ an dusu la, waasa mɔgɔw k'a ka nɔɔrɔ ye, min be manamana Krista ɲada kan.

Galasikaw 4:9

Nga sisan aw ye Ala lɔn, walima Ala le y'aw lɔn. Fɛɛn minw te foyi ɲa, a kɛra di aw be kɔsegi ka kɛ olu ka jɔɔnw ye tugu?

Galasikaw 5:22

Nga Nii Senuman be fɛɛn minw di, o ye nin ye: kanuya, nisɔndiya, hɛrɛ, muɲuli, ɲumanya, hinɛ, tilenninya, sabali, ni yɛrɛminɛ.

Sariya 30:6

«Masaba aw ka Ala yɛrɛ bena aw dusu saniya, n'aw kɔmɔgɔw taw, janko a koo ka diya aw ye tigitigi, o la, aw bena se ka balo.

Tim 2nan 1:7

Bari Ala ye Nii Senuman min d'an ma, o ma d'an ma waasa an ka kɛ siranbagatɔw ye, o be fanga le d'an ma, ka kanuya don an dusu la, k'an kɛ yɛrɛminɛlaw ye.

Piy fɔlɔ 1:22

Aw sɔnna Ala ka tiɲɛkuma ma minkɛ, o le y'aw dusu saniya, waasa aw ka se ka ɲɔgɔn kanu badenya la ni kɔnɔgwɛ ye. Aw ka ɲɔgɔn kanu kosɔbɛ n'aw dusu bɛɛ ye.

Zan fɔlɔ 2:10

Nga ni mɔgɔ min b'a mɔgɔɲɔgɔn kanu, o tigi gwɛnin lo, a te kɛ sababu ye k'a tɔɲɔgɔn bila kojugu la.

Zan fɔlɔ 2:29

Aw b'a lɔn ko Krista ka koo tilennin lo. Ayiwa, aw k'a lɔn fana ko ni mɔgɔ o mɔgɔ be kotilennin kɛ, k'o tigi ye Ala deen ye.

Zan fɔlɔ 2:3

Ayiwa, n'an be Ala ka kuma bato, o la, an b'a lɔn ko an be Ala lɔn.

Zan fɔlɔ 2:4

Ni mɔgɔ min y'a fɔ ko ale be Ala lɔn k'a sɔrɔ a t'a ka kuma bato, o tigi ye galontigɛla le ye, tiɲɛ man d'a ye.

Zan fɔlɔ 2:7

N terisɔbɛw, ne te cikura sɛbɛnna k'a ci aw ma, nga cii kɔrɔman lo, min fɔra aw ye kabini a daminɛtuma na. Aw y'o mɛn ka kɔrɔ.

Zan fɔlɔ 3:9

Mɔgɔ o mɔgɔ kɛra Ala deen ye, o tigi te hakɛ kɛ tugu. Bari Ala y'a Faa ye. A te se ka to hakɛkɛ la tugu bari Ala deen lo.

Zan fɔlɔ 4:11

Ne terisɔbɛw, ni Ala y'an kanu ten, an fana ka kan ka ɲɔgɔn kanu dɛ!

Zan fɔlɔ 4:12

Mɔgɔ si ɲaa ma deli ka la Ala kan ka ye. Nga n'an be ɲɔgɔn kanu, o b'a yira ko Ala b'an fɛ. Ni Ala b'an fɛ, a ye kanuya min don an dusu la, o be kɛ ko dafanin ye.

Zan fɔlɔ 4:16

Ala b'an kanu cogo min na, anw kɔni b'o lɔn, ani anw lara o la. N'i ko Ala, i ko kanuya. Ni mɔgɔ min b'a mɔgɔɲɔgɔn kanu, o tigi nɔrɔnin be Ala la, Ala fana be n'o tigi ye.

Zan fɔlɔ 4:20

Ni mɔgɔ min y'a fɔ ko Ala koo ka di a ye k'a sɔrɔ a b'a mɔgɔɲɔgɔn kɔniya, o tigi ye galontigɛla ye. A ɲaa be a mɔgɔɲɔgɔn min na, n'a t'o kanu, a te se ka Ala kanu, a ɲaa te min na.

Zan fɔlɔ 4:8

Nga ni min t'a mɔgɔɲɔgɔn kanu, o tigi te Ala lɔn. Bari n'i ko Ala, i ko kanuya le.

Zan fɔlɔ 5:1

Ni mɔgɔ o mɔgɔ lar'a la ko Yezu le ye Ala ka mɔgɔ wolomanin ye, o tigi ye Ala deen ye. Mɔgɔ o mɔgɔ be denfa kanu, o tigi b'a deen fana kanu.

Zan 2nan 1:5

Ayiwa Muso, sisan ne b'a ɲini e fɛ ko an ka ɲɔgɔn kanu. O te cikura ye ni ne b'o fɔra i ye. Nga kɔrɔman lo, an ye min sɔrɔ kabini a daminɛtuma na.