Zan fɔlɔ 4:4 - ALA KA KUMA

⁴ Ne deenw, aw kɔni ye Ala taw ye. Aw sera kira nunu kɔrɔ bari Nii Senuman be ni aw ye. Ale fanga ka bon ni Sutana ta ye, min be diɲɛ kɔnɔ.

Jula NT of Côte d’Ivoire

⁴ Ne ta denmisɛnw, aw kɔni ye Ala ta mɔgɔw ye, o kosɔn aw ka se sɔrɔ cira faninyafɔbagaw kan; sabu Ala Nin* min bɛ aw kɔnɔ, o ka bon ka tɛmɛ dunuɲamɔgɔw ta kan.

LAYIDUKURA

⁴ Ne deenw, aw kɔni ye Ala taw ye. Aw sera kira nunu kɔrɔ bari Nii Senuman bɛ ni aw ye. Ale fanga ka bon ni Sutana ta ye, o min bɛ dinyɛ kɔnɔ.

Zan fɔlɔ 4:4 Iomraidhean Croise

Yuhana 12:31

Diɲɛ kitiwaati sera sisan yɛrɛ, diɲɛ nin kuntigi bena gwɛn ka bila kɛnɛma.

Yuhana 14:30

K'a ta sisan ma, ne tena kuma caaman fɔ aw ye tugu, bari diɲɛ nin kuntigi be nana. A te se ne kɔrɔ.

Yuhana 16:11

Min ye kitiko ye, a ben'a yira u la ko Ala ye diɲɛ nin kuntigi kiti ka ban.

Yuhana 17:23

Ne ka to u fɛ, i n'a fɔ e be ne fɛ cogo min na, janko u ka se ka bɛn ka kɛ kelen ye, ani diɲɛ mɔgɔw k'a lɔn ko e ye ne ci ani ko i y'u kanu i n'a fɔ i ye ne kanu cogo min na.

Rɔmukaw 8:31

An be mun fɔ tugu? Ni Ala b'an fɛ, jɔn be wili an kama tugu?

Rɔmukaw 8:37

Nga o bɛɛ n'a ta, an kɛra sesɔrɔlaw ye kosɔbɛ, Krista barika la, ale min y'an kanu.

Kor fɔlɔ 2:12

An kɔni, an ye hakili min sɔrɔ, o te diɲɛ ta ye, nga an ye Ala ka Nii lo sɔrɔ, waasa Ala ye nilifɛn minw di an ma, an ka se k'o lɔn.

Kor fɔlɔ 6:13

U fana ko dumunifɛn dilanna kɔnɔbara kama, kɔnɔbara fana be yen dumuni kama. Nga Ala do bena u fila bɛɛ halaki. Mɔgɔ farisogo ma kɛ kakalaya kama, o ye Matigi ta ye ani Matigi be janto a la.

Kor 2nan 4:4

Minw te la Ala la, diɲɛ kuntigi Sutana ye olu hakili dibi waasa u ka na se ka kibaru diman yeelen ye min be Krista ka nɔɔrɔ yira, ale min ye Ala jaa ye.

Kor 2nan 6:16

Bɛɛn jumɛn le be sɔrɔ Ala ka soo ni joow cɛ? Bari an ye Nitigi Ala ka soo ye i ko Ala yɛrɛ y'a fɔ cogo min na, a ko: «Ne bena sigi u cɛma ka to n'u ye. Ne bena kɛ u ka Ala ye, u bena kɛ ne ka mɔgɔw ye.»

Ɛfɛsikaw 2:2

aw tun be minw kɛ fɔlɔfɔlɔ, ka kɛɲɛ ni adamadenya ye, ani sanfɛ jinaw kuntigi ta ye fana, min be baara kɛ ni mɔgɔmurutininw ye halibi.

Ɛfɛsikaw 3:17

janko Krista ka koo ka se ka sigi aw kɔnɔ jigi barika la, kanuyasɔbɛ ka se ka sɔrɔ aw kɔnɔ fɔɔ ka ɲa.

Ɛfɛsikaw 6:10

Ayiwa, aw k'aw jija Matigi ka koo la a ka sebagaya dafanin barika la.

Zan fɔlɔ 2:1

Ne deenw, ne be sɛbɛ nin cira aw ma, waasa aw kana hakɛ kɛ. Nga ni min nan'a kɛ, soronanikɛla b'an fɛ Faa Ala kɔrɔ n'o ye Yezu Krista ye, mɔgɔtilennin lo.

Zan fɔlɔ 2:13

Ne be nin sɛbɛn k'a ci aw denfaw ma, ko mɔgɔ min be yen kabini fɛɛn si ma dan fɔlɔ, aw b'o lɔn. Ne be nin sɛbɛn k'a ci aw kanbelenw ma ko aw ye see sɔrɔ Fɛnjugu kan.

Zan fɔlɔ 3:20

N'an kɔnɔnako b'an jalaki, Ala ka bon n'an kɔnɔnako ye. Ale be koo bɛɛ lɔn.

Zan fɔlɔ 3:24

Ni mɔgɔ min b'a ka sariya nin bato, Ala b'o tigi fɛ, o tigi ye Ala ta ye. An b'a lɔn o fɛ ko Ala b'an fɛ, a ka Nii Senuman barika la a ye min d'an ma.

Zan fɔlɔ 4:13

An b'a lɔn ko Ala b'an fɛ, ani ko anw kɛra a taw ye, bari a y'a yɛrɛ Nii le di an ma.

Zan fɔlɔ 4:16

Ala b'an kanu cogo min na, anw kɔni b'o lɔn, ani anw lara o la. N'i ko Ala, i ko kanuya. Ni mɔgɔ min b'a mɔgɔɲɔgɔn kanu, o tigi nɔrɔnin be Ala la, Ala fana be n'o tigi ye.

Zan fɔlɔ 4:6

Anw kɔni, anw ye Ala taw ye. Mɔgɔ o mɔgɔ min be Ala lɔn, o tigi be mɛnni kɛ anw fɛ. Nga ni min te Ala ta ye, o te mɛnni kɛ an fɛ. A kɛra ten, Nii Senuman min ye tiɲɛtigi ye, an be se k'ale lɔn ka bɔ galontigɛla la.

Zan fɔlɔ 5:19

Anw y'a lɔn ko anw ye Ala deenw ye. Nga diɲɛ kɔnɔ fɛɛn tɔw bɛɛ be Sutana sago kɔrɔ.

Zan fɔlɔ 5:4

bari mɔgɔ min ye Ala deen ye ka ban, o tigi sera diɲɛ kɔrɔ. Lanaya min b'an na, o le b'a to an be se diɲɛ kɔrɔ.

Yirari 12:11

Nga an badenw sera a kɔrɔ Sagaden ka joli bɔnnin, n'u ka seereya kosɔn, bari u ma ban k'u nii saraka.