Zan fɔlɔ 4:21 - ALA KA KUMA

²¹ Ayiwa, Krista ye cii min d'an ma, o filɛ nin ye, a ko: Ni Ala koo ka di mɔgɔ min ye, o tigi ka kan k'a mɔgɔɲɔgɔn fana kanu.

Jula NT of Côte d’Ivoire

²¹ Yesu Kirisita ka ci min fɔ an ye, o le ye nin ye: ni mɔgɔ min bɛ Ala kanu, o tigi ka kan ka a balemaw fana kanu.

LAYIDUKURA

²¹ Ayiwa, Krista ye cii min d'an ma, o filɛ nin ye, a ko: Ni Ala koo ka di mɔgɔ min ye, o tigi ka kan k'a mɔgɔnyɔgɔn fana kanu.

Zan fɔlɔ 4:21 Iomraidhean Croise

Sarakalasebagaw 19:18

Aw kana kojugu juru sara ɲɔgɔn na. Aw kana aw ka siyaden ka koo mara aw kɔnɔ. Aw k'aw mɔgɔɲɔgɔn kanu i n'a fɔ aw yɛrɛ. Ne le ye Masaba ye.

Matiyu 5:43

«Aw y'a mɛn, a fɔra ko: ‹I k'i tɔɲɔgɔn kanu k'i jugu kɔniya.›

Luka 10:37

A y'a jaabi ko: «A hinɛ donna min na.» Yezu ko a ma: «I fana ka taga o ɲɔgɔn kɛ.»

Yuhana 15:12

«Ne ka cii ye nin ye, aw ka ɲɔgɔn kanu i n'a fɔ ne y'aw kanu cogo min na.

Galasikaw 5:14

Bari sariya kuma bɛɛ be sɔrɔ kuma kelen nin le la ko: «E k'i tɔɲɔgɔn kanu i n'a fɔ i yɛrɛ.»

Galasikaw 5:6

N'an lanin be Yezu Krista la, i kɛnɛkɛnɛna wo, i ma kɛnɛkɛnɛ wo, o si te foyi ye. Min ye koo kuun ye, o ye jigi ye, min b'a to an be koo kɛ kanuya la.

Tes fɔlɔ 4:9

Kuun t'a la tugu ka sɛbɛ ci aw ma ɲɔgɔnkanuko la, bari aw y'o dege ka ban Ala barika la.

Piy fɔlɔ 3:8

Ayiwa, aw bɛɛ ka ɲɔgɔn minɛ ka ɲa ni miiriya kelen ye. Aw ka ɲɔgɔn kanu i n'a fɔ balimaw, ka ɲɔgɔn dɛmɛ, ka makari ɲɔgɔn na, k'aw majigi ɲɔgɔn ye.

Piy fɔlɔ 4:8

Ayiwa, a fɔlɔ, aw ka ɲɔgɔn kanu kosɔbɛ. Bari kanuya sababu la, hakɛ caaman be yafa.

Zan fɔlɔ 2:7

N terisɔbɛw, ne te cikura sɛbɛnna k'a ci aw ma, nga cii kɔrɔman lo, min fɔra aw ye kabini a daminɛtuma na. Aw y'o mɛn ka kɔrɔ.

Zan fɔlɔ 3:11

An ka kan ka ɲɔgɔn kanu. Aw y'o le mɛn kabini koow daminɛtuma na.

Zan fɔlɔ 3:14

An b'a lɔn ko an bɔra saya la ka don ɲanamanya la, bari an b'an mɔgɔɲɔgɔn kanu. Mɔgɔ min te a mɔgɔɲɔgɔn kanu, o tigi be i n'a fɔ suu.

Zan fɔlɔ 3:18

Ne deenw, an kan'a fɔ an daa la dɔrɔn ko an tɔɲɔgɔn koo ka di an ye. Nga an k'a yira tiɲɛ na n'an ka kɛwaliw ye.

Zan fɔlɔ 3:23

A ka sariya filɛ nin ye, ko an ka la a Deen Yezu Krista la, ani ka ɲɔgɔn kanu. Ale yɛrɛ le y'o cii nin don an bolo.

Zan fɔlɔ 4:11

Ne terisɔbɛw, ni Ala y'an kanu ten, an fana ka kan ka ɲɔgɔn kanu dɛ!