Zan fɔlɔ 3:21 - ALA KA KUMA

²¹ Ne terisɔbɛw, n'an kɔnɔnako t'an jalaki, an be se ka Ala daali ni hakilisigi ye.

Jula NT of Côte d’Ivoire

²¹ Ne balema kanuninw, ni an jusukun tɛ an jaraki, o tuma an hakiri siginin lo Ala ɲa kɔrɔ.

LAYIDUKURA

²¹ Ne terisɛbɛw, n'an kɔnɔnako t'an jalaki, an bɛ se ka Ala dali ni hakilisigi ye.

Zan fɔlɔ 3:21 Iomraidhean Croise

Ayuba 22:26

O la, Setigi bena kɛ i diyanafɛn ye, i bena e ɲaa kɔrɔta k'a filɛ.

Ayuba 27:6

Ne lanin be n ka tilenninya la, n tena segi kɔfɛ, ne kɔni ma n yɛrɛ jalaki foyi la.

Zaburu 101:2

Ne b'a fɛ ka to mɔgɔɲumanya la. E bena na ne fɛ tuma jumɛn? Ne bena taama n ka soo ka kɛɲɛ ni n ka dusuɲumanya ye.

Rɔmukaw 14:22

Jigi min b'i fɛ o la, i k'o to i ni Ala cɛ. Mɔgɔ min te siga a ka kɛtaw la, o tigi dagamunin lo.

Kor fɔlɔ 4:4

Hali ni ne dusu te ne jalaki, a ma kɛ k'o le kosɔn ne ye jalakibali ye, nga ne jalakibaga ye Matigi ye.

Kor 2nan 1:12

An ka kunkɔrɔta ye min ye: o ye an ka taamacogo ye, aw cɛma, ani yɔrɔ bɛɛ, an y'o min kɛ ni kɔnɔgwɛ ye Ala ɲasiran na. O ma kɛ adamaden ka lɔnniya sababu la, nga Ala ka nɛɛma nɔɔ lo.

Ɛfɛsikaw 3:12

N'an lara ale la ka jɛn n'a ye, sira dinin b'an ma ka gwɛrɛ Ala la ni jigi ye.

Tim fɔlɔ 2:8

O la, ne b'a fɛ cɛɛw ka Ala daali yɔrɔ bɛɛ, k'u bolo kɔrɔta sanfɛ ka Ala daali ni dusugwɛ ye, dimi ni sɔsɔli kana sɔrɔ u kɔnɔ.

Heburuw 10:22

O la, an ka miirijuguw bɔ an kɔnɔ, k'an yɛrɛ saniya ni jiɲuman ye, ka gwɛrɛ Ala la ni lanaya dafanin ye.

Heburuw 4:16

O tuma na sa, an k'an jigi la a kan, ka gwɛrɛ a ka masasigilan yɔrɔ la ni hakilisigi ye, a ka nɛɛma kosɔn janko a ka makari an na, ka nɛɛma kɛ an ye, k'an dɛmɛ an dɛsɛ tuma na.

Zan fɔlɔ 2:28

Ayiwa, ne deenw, aw ye nɔrɔ ka ɲa Krista la waasa a bena kɔsegi loon min na, o k'a sɔrɔ jigi b'an fɛ, an kana maloya sɔrɔ.

Zan fɔlɔ 2:7

N terisɔbɛw, ne te cikura sɛbɛnna k'a ci aw ma, nga cii kɔrɔman lo, min fɔra aw ye kabini a daminɛtuma na. Aw y'o mɛn ka kɔrɔ.

Zan fɔlɔ 3:2

Ne terisɔbɛw, k'a ta sisan ma, an ye Ala deenw ye. Nga an bena kɛ fɛɛn min ye tigitigi, o le ma gwɛ fɔlɔ. An be min lɔn, ni Krista segira ka na tuma min na, ale be cogo min na, an fana bena kɛ ten. Bari an ben'a ye ten.

Zan fɔlɔ 3:20

N'an kɔnɔnako b'an jalaki, Ala ka bon n'an kɔnɔnako ye. Ale be koo bɛɛ lɔn.

Zan fɔlɔ 4:17

Ni kanuya dafanin be an dusu la, an hakili bena sigi Ala ka kiti tigɛlon na. Bari Yezu Krista n'a Faa be ɲɔgɔn fɛ cogo min na, k'anw to diɲɛ nin kɔnɔ, an fana be ten.

Zan fɔlɔ 5:14

Ayiwa, n'an ye fɛɛn o fɛɛn daali Ala fɛ, n'o kɛra a sago ye, an jigi b'a la ko a be mɛnni kɛ an fɛ.