Zan fɔlɔ 3:18 - ALA KA KUMA

¹⁸ Ne deenw, an kan'a fɔ an daa la dɔrɔn ko an tɔɲɔgɔn koo ka di an ye. Nga an k'a yira tiɲɛ na n'an ka kɛwaliw ye.

Jula NT of Côte d’Ivoire

¹⁸ Ne ta denmisɛnw, an kana ɲɔgɔn kanu ni an kumacogo dama ye, ani an ta kumadimanw; an ye ɲɔgɔn kanu ni an ta kɛwalew ye, ni can fana ye.

LAYIDUKURA

¹⁸ Ne deenw, an kan'a fɔ an daa la dɔrɔn ko an tɔnyɔgɔn koo ka di an ye. Nga an k'a yira tinyɛ na n'an ka kɛwaliw ye.

Zan fɔlɔ 3:18 Iomraidhean Croise

Bɔri 33:21

O kɔ, Masaba ko: «Yɔrɔ dɔ filɛ n gɛrɛfɛ yan, i be se ka lɔ yɔrɔ min na fara kan.

Ezekiyɛli 33:31

O kɔ, ne ka jama be taga lajɛn i fɛ ka sigi i ɲakɔrɔ k'i ka kumaw mɛn, nga i ye min fɔ, u t'o kɛ. U dalakuma ka di k'a sɔrɔ u ka miiriya bɛɛ be tɔnɔjugu ɲiniko le kan.

Luka 7:5

bari an ka siya koo ka d'a ye. Ale lo lɔra n'an ka kalanso lɔli musakaw ye.»

Yuhana 17:19

Ne fana be ne yɛrɛ di u kosɔn, janko u fana ka se k'u yɛrɛ d'i ma sɔbɛ la.

Rɔmukaw 12:9

Kanuyasɔbɛ ka sɔrɔ aw dusu la. Aw ka kojugu dabila, ka koɲuman kɛ kosɔbɛ.

Galasikaw 5:13

N balimaw, aw welela hɔrɔnyali le kama. O hɔrɔnyali nin kana kɛ sababu ye aw b'aw farikolo sago kɛ. Nga aw ka ɲɔgɔn kanu ka ɲɔgɔn dɛmɛ.

Ɛfɛsikaw 4:15

Nga n'an be tiɲɛ fɔ kanuya la, an bena se ka taga ɲa fɔɔ ka se ka jɛn ni Krista ye kosɔbɛ, ale min ye Kuntigi ye.

Tes fɔlɔ 1:3

Aw lara Ala la ka jija ka baara kɛ a ye, baara gwɛlɛman, kanuya kosɔn cogo min na, ani aw be muɲuna cogo min na Matigi Yezu Krista kosɔn, an hakili b'o bɛɛ la an Faa Ala ɲakɔrɔ.

Piy fɔlɔ 1:22

Aw sɔnna Ala ka tiɲɛkuma ma minkɛ, o le y'aw dusu saniya, waasa aw ka se ka ɲɔgɔn kanu badenya la ni kɔnɔgwɛ ye. Aw ka ɲɔgɔn kanu kosɔbɛ n'aw dusu bɛɛ ye.

Zan fɔlɔ 2:1

Ne deenw, ne be sɛbɛ nin cira aw ma, waasa aw kana hakɛ kɛ. Nga ni min nan'a kɛ, soronanikɛla b'an fɛ Faa Ala kɔrɔ n'o ye Yezu Krista ye, mɔgɔtilennin lo.

Zan fɔlɔ 3:7

Ne deenw, aw kan'a to mɔgɔ si b'aw lafili. Mɔgɔ o mɔgɔ be tilenninya sira taama, o tigi ye mɔgɔtilennin ye i n'a fɔ ale Yezu Krista.

Zan 2nan 1:1

Muso, Ala ye e min woloma, ne min ye a ka jama ɲamɔgɔ ye, ne be bataki nin ci ele n'i deenw ma. Aw koo ka di ne ye tiɲɛ na. A ma kɛ i n'a fɔ aw koo ka di ne dama ye dɛ, mɔgɔ o mɔgɔ be tiɲɛ lɔn, aw koo ka di olu bɛɛ ye.

Zan 3nan 1:1

Ne min ye Krista ka jama ɲamɔgɔ ye, ne be bataki nin ci ele Gayusi ma. I koo ka di ne ye tiɲɛ na.