Zan fɔlɔ 3:16 - ALA KA KUMA

¹⁶ Yezu Krista y'a nii saraka anw kosɔn. An be kanuya lɔn o le fɛ. An fana ka kan k'an nii saraka an mɔgɔɲɔgɔn kosɔn.

Jula NT of Côte d’Ivoire

¹⁶ Fɛn min k’a to an ka kanuya lɔn, o flɛ nin ye: Yesu Kirisita ka a yɛrɛ nin di ka sa an kosɔn. O cogo ra an fana ka kan ka an yɛrɛ nin di ka sa an balemaw kosɔn.

LAYIDUKURA

¹⁶ Yezu Krista y'a nii saraka anw kɔsɔn. An bɛ kanuya lɔn o le fɛ. An fana ka kan k'an nii saraka an mɔgɔnyɔgɔn kɔsɔn.

Zan fɔlɔ 3:16 Iomraidhean Croise

Matiyu 20:28

O cogo la, Mɔgɔ Dencɛ ma na waasa mɔgɔw ka baara kɛ a ye. Nga, a nana ka mɔgɔw mako ɲa, ani k'a yɛrɛ nii di ka kɛ mɔgɔ bɛɛ nii kunmabɔ sara ye.»

Yuhana 10:11

Ne ye sagaw dɛndɛbagaɲuman ye. Sagaw dɛndɛbaga ɲanaman b'a nii di a ka sagaw kosɔn.

Yuhana 10:15

O la, ne be n Faa lɔn, n Faa fana be n lɔn. Ne be n nii di n ka sagaw kosɔn.

Yuhana 13:34

«Ne be cikura di aw ma ko: aw ka ɲɔgɔn kanu, ne y'aw kanu cogo min na, aw fana ka ɲɔgɔn kanu ten.

Yuhana 3:16

Ala ye diɲɛ kanu haali, fɔɔ a y'a Deen kelenpe ci mɔgɔw ma, waasa ni mɔgɔ min y'a jigi la a kan, o tigi kana halaki, nga o ka nii banbali sɔrɔ.

Kɛwalew 20:28

Aw ka janto aw yɛrɛ la. Nii Senuman ye jama min kalifa aw ma, aw ka olu fana kɔlɔsi. Krista ka jama min kɛra Ala ta ye a joli sababu la, aw y'aw janto o la.

Rɔmukaw 16:4

Olu tun y'u yɛrɛ nii di janko ne ka se ka kisi saya ma. Ne dama te barika la u ye dɛ, Krista ka jama bɛɛ min be siya wɛrɛw cɛma, olu fana be barika la u ye.

Rɔmukaw 5:8

Nga Ala y'a yira an na ko a b'an kanu. K'an to an ka hakɛ la, Krista sara an kosɔn.

Kor 2nan 4:12

O la, saya be n'an ye, nii be n'aw ye.

Ɛfɛsikaw 5:2

Aw ka koo bɛɛ kɛ ni kanuya ye, i n'a fɔ Krista, ale min y'an kanu k'a yɛrɛ di ka kɛ saraka ye an kosɔn min diyara Ala ye i n'a fɔ wusulan.

Ɛfɛsikaw 5:25

Cɛɛw, aw k'aw ka musow kanu, i n'a fɔ Krista ye a ka jama kanu cogo min na, fɔɔ k'a nii di a kosɔn,

Filipikaw 2:17

Hali ni ne joli ka kan ka bɔn ka kɛ saraka ye ka fara aw jigi ta kan, o be diya ne ye, ani o be ne nisɔndiya n'aw bɛɛ ye.

Filipikaw 2:30

bari a tun be ɲini ka sa Krista ka baara kosɔn, a m'a yɛrɛ nii jati fɛɛn ye, aw tun te se ka dɛmɛ min ɲɔgɔn kɛ ne ye, a y'o le kɛ ne ye.

Tes fɔlɔ 2:8

Aw ka koo tun ka gwɛlɛ an ma kosɔbɛ, o le y'a to, an tun labɛnnin lo ka Ala ka kibaru diman fɔ aw ye, hali k'an yɛrɛ nii di aw kosɔn. Bari aw koo tun b'an dusu la kosɔbɛ.

Tite 2:13

K'an to nisɔndiya loon makɔnɔni na, min ye Setigi Ala an kisibaga Yezu Krista ka nɔɔrɔ loon ye.

Piy fɔlɔ 1:18

Aw b'a lɔn ko aw kuun ma bɔ aw faaw ka koo fufafuw la ni wari ye, walima ni sanu ye min ye banta ye.

Piy fɔlɔ 2:24

A y'an ka hakɛw bɛɛ ta a yɛrɛ kunna lɔgɔ kan, waasa anw kana kɛ hakɛw ka bila la tugu, an ka taamacogokura ta min tilennin lo. Bari aw kɛnɛyara a ka jolidaw sababu la.

Piy fɔlɔ 3:18

Krista sara adamadenw ka hakɛw kosɔn siɲɛ kelenpe, a banna. Ale mɔgɔtilennin sara mɔgɔ tilenbaliw kosɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Zan fɔlɔ 2:6

Ni mɔgɔ min y'a fɔ ko a ye Ala ta ye, o tigi ka kan ka Yezu taamacogo ladege.

Zan fɔlɔ 2:9

Ni mɔgɔ min ko ale kɔnɔ gwɛnin lo k'a sɔrɔ a mɔgɔɲɔgɔn koo man d'a ye, o tigi ye dibi kɔnɔ mɔgɔ le ye halibi.

Yirari 1:5

Yezu Krista min ye Ala ka seeresɔbɛ ye, n'ale lo kɛra suu fɔlɔ ye ka kunun, n'a ye masaw ka Masa ye, ale ka nɛɛma ni hɛrɛ kɛ aw ye. An koo diyar'a ye, a y'an ka hakɛ yafa a joli bɔnnin sababu la,

Yirari 5:9

U tun be dɔnkilikura dɔ lara ko: «E ni wale, ele le be se ka sɛbɛ nin minɛ k'a taamasiɲɛ nunu walaka. Bari u tun y'i faga. I joli min tun bɔnna, o kɛra sababu ye i ye mɔgɔ dɔw kunmabɔ k'u kɛ Ala taw ye ka bɔ siyaw bɛɛ cɛma, ani jamanaw bɛɛ la.