Zan fɔlɔ 3:14 - ALA KA KUMA

¹⁴ An b'a lɔn ko an bɔra saya la ka don ɲanamanya la, bari an b'an mɔgɔɲɔgɔn kanu. Mɔgɔ min te a mɔgɔɲɔgɔn kanu, o tigi be i n'a fɔ suu.

Jula NT of Côte d’Ivoire

¹⁴ Ni an bɛ an balemaw kanu, o le b’a yira ko an bɔra saya ra ka don ɲanamanya ra. Mɔgɔ min tɛ a balemaw kanu, o tigi bɛ saya le ra.

LAYIDUKURA

¹⁴ An b'a lɔn ko an kɛra mɔgɔ nyanamanw ye Ala faan fɛ, bari an b'an mɔgɔnyɔgɔn kanu. Mɔgɔ min tɛ a mɔgɔnyɔgɔn kanu, o tigi bɛ i n'a fɔ suu.

Zan fɔlɔ 3:14 Iomraidhean Croise

Zaburu 16:3

E ka mɔgɔ minw be jamana kɔnɔ, ne ɲaa be fa olu ka boɲa le la.

Zanaw 21:16

Mɔgɔ o mɔgɔ mana hakilitigiya sira bila, o tigi be tagara to ni suuw ye.

Matiyu 25:40

A bena u jaabi ko: ‹Tiɲɛ na, ne b'a fɔ aw ye, ko aw y'o koo nunu kɛ ne balima o balima ye, aw y'o kɛ ne le ye.›

Luka 15:24

bari ne deen min filɛ nin ye, a tun tununa, a yera. A kɛra i n'a fɔ a sara ka kunun.› U ye ɲanagwɛ daminɛ.

Luka 15:32

Nga an ka kan ka nisɔndiya ka ɲanagwɛ, bari i dɔgɔnin min filɛ nin ye, a kɛra i n'a fɔ a sara ka kunun, a tun tununa, nga a yera.› »

Luka 7:5

bari an ka siya koo ka d'a ye. Ale lo lɔra n'an ka kalanso lɔli musakaw ye.»

Yuhana 13:35

Mɔgɔ bɛɛ ben'a lɔn o seen fɛ ko aw kɛra ne ka kalandenw ye, ni aw be ɲɔgɔn kanu.»

Yuhana 15:12

«Ne ka cii ye nin ye, aw ka ɲɔgɔn kanu i n'a fɔ ne y'aw kanu cogo min na.

Yuhana 15:17

Ne be min ɲini aw fɛ o ye nin ye: aw ka ɲɔgɔn kanu.»

Yuhana 5:24

Tiɲɛ tiɲɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye nii banbali sɔrɔ. A tena kiti, a niin bɔra saya la ka don hɛrɛ la ka ban.

Kor 2nan 5:1

An farikolo, min ye an nii ka soo ye dugukolo kan, o bena cɛn. Nga, an b'a lɔn ko Ala ye dɔ wɛrɛ labɛn an ye arijana na, min te cɛn abada, o ma dilan adamaden barika la.

Galasikaw 5:22

Nga Nii Senuman be fɛɛn minw di, o ye nin ye: kanuya, nisɔndiya, hɛrɛ, muɲuli, ɲumanya, hinɛ, tilenninya, sabali, ni yɛrɛminɛ.

Ɛfɛsikaw 1:15

O le y'a to, kabini ne y'a mɛn ko aw jigi lanin bɛ Matigi Yezu kan ani ko aw be Ala ka mɔgɔw bɛɛ kanu,

Ɛfɛsikaw 2:1

Aw minw tun be i n'a fɔ suuw Ala fɛ aw ka kojuguw n'aw ka hakɛw kosɔn,

Ɛfɛsikaw 2:5

O la, an minw tun sara an ka kojuguw kosɔn, Ala y'an kunun ni Krista ye. Aw kisira nɛɛma le barika la.

Kɔlɔsikaw 1:4

Bari an y'a mɛn ko aw fana lara Yezu Krista la ani ko aw be Ala ka mɔgɔw kanu.

Tes fɔlɔ 4:9

Kuun t'a la tugu ka sɛbɛ ci aw ma ɲɔgɔnkanuko la, bari aw y'o dege ka ban Ala barika la.

Heburuw 13:1

Ɲɔgɔnkanuya ka barika sɔrɔ aw cɛma.

Piy fɔlɔ 1:22

Aw sɔnna Ala ka tiɲɛkuma ma minkɛ, o le y'aw dusu saniya, waasa aw ka se ka ɲɔgɔn kanu badenya la ni kɔnɔgwɛ ye. Aw ka ɲɔgɔn kanu kosɔbɛ n'aw dusu bɛɛ ye.

Piy fɔlɔ 3:8

Ayiwa, aw bɛɛ ka ɲɔgɔn minɛ ka ɲa ni miiriya kelen ye. Aw ka ɲɔgɔn kanu i n'a fɔ balimaw, ka ɲɔgɔn dɛmɛ, ka makari ɲɔgɔn na, k'aw majigi ɲɔgɔn ye.

Piy 2nan 1:7

ka ɲɔgɔnkanuya fara Alaɲasiran kan, kanuya ka jiidi aw cɛma.

Zan fɔlɔ 2:3

Ayiwa, n'an be Ala ka kuma bato, o la, an b'a lɔn ko an be Ala lɔn.

Zan fɔlɔ 3:23

A ka sariya filɛ nin ye, ko an ka la a Deen Yezu Krista la, ani ka ɲɔgɔn kanu. Ale yɛrɛ le y'o cii nin don an bolo.

Zan fɔlɔ 4:12

Mɔgɔ si ɲaa ma deli ka la Ala kan ka ye. Nga n'an be ɲɔgɔn kanu, o b'a yira ko Ala b'an fɛ. Ni Ala b'an fɛ, a ye kanuya min don an dusu la, o be kɛ ko dafanin ye.

Zan fɔlɔ 5:13

N ye nin sɛbɛn k'a ci aw ma, aw minw lanin be Ala Dencɛ la, waasa aw k'a lɔn ko nii banbali y'aw ta ye.

Zan fɔlɔ 5:2

N'an be Ala kanu k'a ka ciiw bato, o tuma na, an b'a lɔn ko an b'a deenw kanu.