Zan fɔlɔ 3:10 - ALA KA KUMA

¹⁰ Ala deenw ni Sutana ka mɔgɔw be lɔn ka bɔ ɲɔgɔn na kɛwali nunu le fɛ. Mɔgɔ o mɔgɔ te tilenninya sira taama, ani n'a t'a mɔgɔɲɔgɔn kanu, o tigi te Ala ta ye.

Jula NT of Côte d’Ivoire

¹⁰ Ala denw, ani Setana ta denw bɛ lɔn ka bɔ ɲɔgɔn na min fɛ, o flɛ nin ye: Mɔgɔ o mɔgɔ tɛ terenninya sira tagama, o tigi tɛ Ala ta ye, ani mɔgɔ o mɔgɔ tɛ a balema kanu.

LAYIDUKURA

¹⁰ Ala deenw ni Sutana ka mɔgɔw bɛ lɔn ka bɔ nyɔgɔn na kɛwali nunu le fɛ. Mɔgɔ o mɔgɔ tɛ tilenninya sira taama, ani n'a t'a mɔgɔnyɔgɔn kanu, o tigi tɛ Ala ta ye.

Zan fɔlɔ 3:10 Iomraidhean Croise

Sam 2nan 13:22

Abisalɔn y'a daa tigɛ Amunɔn na. A y'a kɔniya, bari a y'a dɔgɔmuso Tamari ka sunguruya cɛn.

Matiyu 13:38

Foro nin, o ye diɲɛ ye. Sumansi, o ye Ala ka mɔgɔw ye. Binjugu nin, o ye Sutana ka mɔgɔw ye.

Luka 6:35

Nga, aw k'aw juguw kanu ka koɲuman kɛ u ye. Aw ka juru don mɔgɔw la, ka ɲinɛ o kɔ. O la, aw bena tɔnɔba sɔrɔ. Aw bena kɛ Fɛɛn bɛɛ kuntigi deenw ye, bari, ale be ɲuman kɛ ɲumanlɔnbaliw ni mɔgɔjuguw ye.

Yuhana 1:12

Nga minw sɔnn'a ma, ka l'a la, a ye see di olu ma ka kɛ Ala deenw ye.

Yuhana 11:52

O fana tun te kɛ u ka siya dama kosɔn, nga Ala deenw minw jɛnsɛnnin be, a ka se k'olu lajɛn.

Yuhana 8:44

Aw faa ye Sutana le ye. Aw do b'a fɛ k'ale sago le kɛ. Kabini diɲɛ daminɛtuma na, ka mɔgɔ nii bɔ, o le kɛra a sago ye. A ma sɔn ka tiɲɛ fɔ ka ye, bari tiɲɛtigi tɛ. N'a be kuma o kuma fɔ, o bɛɛ be kɛ galon ye, bari, ale yɛrɛ le ye galon faa ye.

Yuhana 8:47

Mɔgɔ min ye Ala ka mɔgɔ ye, o tigi be mɛnni kɛ Ala fɛ. Aw te Ala ka mɔgɔw ye minkɛ, o kama aw te sɔn ka mɛnni kɛ ne fɛ.»

Kɛwalew 13:10

k'a fɔ a ye ko: «E ye mɔgɔjugu ni galontigɛla ye, Sutanamɔgɔ, koɲuman y'i tana ye. E b'a fɛ tuma o tuma ka Matigi ka kokɛtaw nagasi.

Rɔmukaw 13:8

Foyi kana sɔrɔ i n'i mɔgɔɲɔgɔn cɛ fɔɔ ɲɔgɔnkanuya, bari mɔgɔ min y'a mɔgɔɲɔgɔn kanu, o tigi ye sariya bɛɛ bato.

Ɛfɛsikaw 5:1

Aw ka banba ka Ala ladege, bari aw y'a deenw ye minw koo ka d'a ye.

Kɔlɔsikaw 3:14

Koo bɛɛ la, kanuya ka sɔrɔ aw kɔnɔ, ale sababu la, aw bena se ka ɲɔgɔn minɛ kosɔbɛ.

Tim fɔlɔ 1:5

O ladikun ye min ye, o ye ka kanuya sɔrɔ min be bɔ dusu gwɛnin na, ni miiriɲuman na, ani jigisɔbɛ la.

Zan fɔlɔ 2:29

Aw b'a lɔn ko Krista ka koo tilennin lo. Ayiwa, aw k'a lɔn fana ko ni mɔgɔ o mɔgɔ be kotilennin kɛ, k'o tigi ye Ala deen ye.

Zan fɔlɔ 3:1

Aw m'a ye an koo diyara Faa Ala ye cogo min na wa, fɔɔ an be wele yɛrɛ ko Ala deenw. An ye Ala deenw ye tiɲɛ na! O kama, Ala juguw t'an lɔn, bari u te Ala lɔn.

Zan fɔlɔ 3:2

Ne terisɔbɛw, k'a ta sisan ma, an ye Ala deenw ye. Nga an bena kɛ fɛɛn min ye tigitigi, o le ma gwɛ fɔlɔ. An be min lɔn, ni Krista segira ka na tuma min na, ale be cogo min na, an fana bena kɛ ten. Bari an ben'a ye ten.

Zan fɔlɔ 4:21

Ayiwa, Krista ye cii min d'an ma, o filɛ nin ye, a ko: Ni Ala koo ka di mɔgɔ min ye, o tigi ka kan k'a mɔgɔɲɔgɔn fana kanu.

Zan fɔlɔ 4:6

Anw kɔni, anw ye Ala taw ye. Mɔgɔ o mɔgɔ min be Ala lɔn, o tigi be mɛnni kɛ anw fɛ. Nga ni min te Ala ta ye, o te mɛnni kɛ an fɛ. A kɛra ten, Nii Senuman min ye tiɲɛtigi ye, an be se k'ale lɔn ka bɔ galontigɛla la.

Zan fɔlɔ 4:8

Nga ni min t'a mɔgɔɲɔgɔn kanu, o tigi te Ala lɔn. Bari n'i ko Ala, i ko kanuya le.

Zan fɔlɔ 5:19

Anw y'a lɔn ko anw ye Ala deenw ye. Nga diɲɛ kɔnɔ fɛɛn tɔw bɛɛ be Sutana sago kɔrɔ.

Zan fɔlɔ 5:2

N'an be Ala kanu k'a ka ciiw bato, o tuma na, an b'a lɔn ko an b'a deenw kanu.

Zan 3nan 1:11

N teriɲuman, i kana mɔgɔ ka kojugu ladege fɔɔ a ka koɲuman. Mɔgɔ min be koɲuman kɛ, o tigi ye Ala ta ye. Nga kojugukɛla kɔni ɲaa te na la Ala kan.