Zan fɔlɔ 3:1 - ALA KA KUMA

¹ Aw m'a ye an koo diyara Faa Ala ye cogo min na wa, fɔɔ an be wele yɛrɛ ko Ala deenw. An ye Ala deenw ye tiɲɛ na! O kama, Ala juguw t'an lɔn, bari u te Ala lɔn.

Jula NT of Côte d’Ivoire

¹ Ayiwa, aw m’a ye Fa Ala bɛ an kanu cogo min na wa, fɔ a bɛ an wele ko a denw. Can lo, an fana ye o le ye. O le kosɔn dunuɲamɔgɔw tɛ an faamu, sabu o ma Ala lɔn!

LAYIDUKURA

¹ Aw m'a ye an koo diyara Faa Ala ye cogo min na wa, fɔɔ an bɛ wele yɛrɛ ko Ala deenw. An ye Ala deenw ye tinyɛ na! O kama Ala juguw t'an lɔn, bari u ma Ala lɔn.

Zan fɔlɔ 3:1 Iomraidhean Croise

Sam 2nan 7:19

Halibi, o ma kɛ foyi ye i ɲana, Matigi, Masaba, fɔɔ i tagara ɲa ka waati nata layidu ta i ka baarakɛla ka soo ye, Matigi, Masaba, o fana bɛnna adamaden ka miiriya ma.

Zaburu 31:19

Galontigɛla nunu kɛ bobow ye, olu minw be dabayakuma fɔ mɔgɔtilennin ma. U b'u yɛrɛ boɲa n'a ye, u b'a dɔgɔya fana.

Yeremi 3:19

«Ne tun y'a fɔ n kɔnɔ ko: ‹Ne bena aw jati n dencɛw cɛma, ka jamanaɲuman di aw ma, min ka ɲi ni siyaw bɛɛ sigiyɔrɔw ye.› Ne tun ko: ‹Aw bena ne wele ko aw Faa. Ko aw tena bɔ ne kɔ tugu.›

Luka 20:36

Olu tena sa tugu, bari u bena kɛ i n'a fɔ mɛlɛkɛw. Ala bena u jati a deenw ye bari a y'u kunun u sanin kɔ.

Yuhana 1:12

Nga minw sɔnn'a ma, ka l'a la, a ye see di olu ma ka kɛ Ala deenw ye.

Yuhana 11:52

O fana tun te kɛ u ka siya dama kosɔn, nga Ala deenw minw jɛnsɛnnin be, a ka se k'olu lajɛn.

Yuhana 15:21

U bena o bɛɛ kɛ aw la ne kosɔn bari u ma ne cibaga lɔn.

Yuhana 16:3

U bena o baara sugu nunu kɛ bari u te ne lɔn, u te n Faa fana lɔn.

Yuhana 17:25

N Faa, e min ka ɲi, diɲɛ mɔgɔw ma e lɔn, ne y'i lɔn. Nunu fana y'a lɔn ko e lo ye ne ci.

Yuhana 3:16

Ala ye diɲɛ kanu haali, fɔɔ a y'a Deen kelenpe ci mɔgɔw ma, waasa ni mɔgɔ min y'a jigi la a kan, o tigi kana halaki, nga o ka nii banbali sɔrɔ.

Rɔmukaw 5:8

Nga Ala y'a yira an na ko a b'an kanu. K'an to an ka hakɛ la, Krista sara an kosɔn.

Rɔmukaw 8:19

Bari Ala bena boɲa la a ka deenw kan loon min na, diɲɛ kɔrɔtɔnin be k'o loon makɔnɔ.

Rɔmukaw 8:21

Ala ben'a bɔ cɛnni bolo, k'a niin don a ka deenw ka yɛrɛsɔrɔ n'u ka boɲa na.

Rɔmukaw 8:32

Ale min ma ban k'a yɛrɛ Dencɛ di ka sa an bɛɛ kosɔn, a be kɛ cogo di n'a tena fɛɛn bɛɛ di an ma ka fara a Dencɛ kan?

Kor 2nan 6:18

Matigi, min ye Setigi ye, ale tun y'a fɔ ko ale bena kɛ aw Faa ye, aw fana bena kɛ a dencɛw n'a denmusow ye.

Galasikaw 3:26

Bari aw minw lara Yezu Krista la, aw bɛɛ ye Ala deenw ye jigi barika la.

Galasikaw 3:29

N'aw kɛra Krista ta ye, aw ye Ibrayima kɔmɔgɔw ye, aw fana bena niyɔrɔ sɔrɔ Ala ka dadili la.

Sariya 14:1

«Aw ye Masaba aw ka Ala deenw ye. Ni mɔgɔ sara aw fɛ, aw kana aw fari yɔrɔ dɔ tigɛ, aw fana kana aw tenda li,

Kɔlɔsikaw 3:3

bari a kɛra i n'a fɔ aw sara diɲɛ faan fɛ, aw nii be ni Krista ye Ala fɛ.

Zan fɔlɔ 3:10

Ala deenw ni Sutana ka mɔgɔw be lɔn ka bɔ ɲɔgɔn na kɛwali nunu le fɛ. Mɔgɔ o mɔgɔ te tilenninya sira taama, ani n'a t'a mɔgɔɲɔgɔn kanu, o tigi te Ala ta ye.

Zan fɔlɔ 3:2

Ne terisɔbɛw, k'a ta sisan ma, an ye Ala deenw ye. Nga an bena kɛ fɛɛn min ye tigitigi, o le ma gwɛ fɔlɔ. An be min lɔn, ni Krista segira ka na tuma min na, ale be cogo min na, an fana bena kɛ ten. Bari an ben'a ye ten.

Zan fɔlɔ 4:17

Ni kanuya dafanin be an dusu la, an hakili bena sigi Ala ka kiti tigɛlon na. Bari Yezu Krista n'a Faa be ɲɔgɔn fɛ cogo min na, k'anw to diɲɛ nin kɔnɔ, an fana be ten.

Yirari 21:7

Min mana see sɔrɔ, n bena o kɛ k'o tigi sara, ani ka kɛ a ka Ala ye, a fana ka kɛ n deen ye.