Zan fɔlɔ 2:7 - ALA KA KUMA

⁷ N terisɔbɛw, ne te cikura sɛbɛnna k'a ci aw ma, nga cii kɔrɔman lo, min fɔra aw ye kabini a daminɛtuma na. Aw y'o mɛn ka kɔrɔ.

Jula NT of Côte d’Ivoire

⁷ Ne balema kanuninw, ne tɛ cifɔninkura le sɛbɛra k’a ci aw ma. Nka cifɔninkɔrɔ lo, min dira aw ma kabini a damina ra. Aw ka kuma min mɛn, o cifɔninkɔrɔ ye o le ye.

LAYIDUKURA

⁷ N terisɛbɛw, ne tɛ cikura sɛbɛnna k'a ci aw ma, nga cii kɔrɔman lo, o min fɔra aw ye kabini a daminɛtuma na. Aw y'o mɛn ka kɔrɔ.

Zan fɔlɔ 2:7 Iomraidhean Croise

Sarakalasebagaw 19:18

Aw kana kojugu juru sara ɲɔgɔn na. Aw kana aw ka siyaden ka koo mara aw kɔnɔ. Aw k'aw mɔgɔɲɔgɔn kanu i n'a fɔ aw yɛrɛ. Ne le ye Masaba ye.

Sarakalasebagaw 19:34

Aw ka lonan minɛ i n'a fɔ dugulen. Aw k'a kanu i n'a fɔ aw yɛrɛ, bari aw fana tun siginin be Ezipiti jamana na lonanya la. Ne le ye Masaba aw ka Ala ye.

Matiyu 5:43

«Aw y'a mɛn, a fɔra ko: ‹I k'i tɔɲɔgɔn kanu k'i jugu kɔniya.›

Yuhana 13:34

«Ne be cikura di aw ma ko: aw ka ɲɔgɔn kanu, ne y'aw kanu cogo min na, aw fana ka ɲɔgɔn kanu ten.

Kɛwalew 17:19

O la, u y'a minɛ k'a sama ka taga n'a ye u ka koo ɲanabɔyɔrɔ la. U y'a ɲininga ko: «I be mɔgɔw kalanna Alasira kuraman jumɛn na ten?

Sariya 6:5

Aw ka Masaba aw ka Ala kanu n'aw dusu bɛɛ ye, n'aw kɔnɔ bɛɛ ye, n'aw fanga bɛɛ ye.

Heburuw 6:9

Ayiwa, ne teriɲumanw, an ye kuma minw fɔ ten, a ma kɛ ko aw ka koo lo, bari an lanin b'a la ko aw be siraɲuman kan, min ye kisili sira ye.

Zan fɔlɔ 2:24

Aw kɔni, min fɔra fɔlɔ la n'aw y'a mɛn, aw k'o mara ka ɲa aw dusu la. Aw ye min mɛn kabini fɔlɔ la, n'o tora aw dusu la, Faa Ala n'a Dencɛ bena to n'aw ye.

Zan fɔlɔ 3:11

An ka kan ka ɲɔgɔn kanu. Aw y'o le mɛn kabini koow daminɛtuma na.

Zan fɔlɔ 3:2

Ne terisɔbɛw, k'a ta sisan ma, an ye Ala deenw ye. Nga an bena kɛ fɛɛn min ye tigitigi, o le ma gwɛ fɔlɔ. An be min lɔn, ni Krista segira ka na tuma min na, ale be cogo min na, an fana bena kɛ ten. Bari an ben'a ye ten.

Zan fɔlɔ 3:21

Ne terisɔbɛw, n'an kɔnɔnako t'an jalaki, an be se ka Ala daali ni hakilisigi ye.

Zan fɔlɔ 3:23

A ka sariya filɛ nin ye, ko an ka la a Deen Yezu Krista la, ani ka ɲɔgɔn kanu. Ale yɛrɛ le y'o cii nin don an bolo.

Zan fɔlɔ 4:1

Ne terisɔbɛw, mɔgɔ minw ko Nii Senuman b'u fɛ, aw kana la olu bɛɛ la. Nga aw k'u sɛgɛsɛgɛ fɔlɔ k'a filɛ ni Ala ta lo. Bari kirakolon caaman be diɲɛ na sisan.

Zan fɔlɔ 4:11

Ne terisɔbɛw, ni Ala y'an kanu ten, an fana ka kan ka ɲɔgɔn kanu dɛ!

Zan fɔlɔ 4:21

Ayiwa, Krista ye cii min d'an ma, o filɛ nin ye, a ko: Ni Ala koo ka di mɔgɔ min ye, o tigi ka kan k'a mɔgɔɲɔgɔn fana kanu.

Zan fɔlɔ 4:7

Ne terisɔbɛw, aw ye ɲɔgɔn kanu bari n'i ko Ala, i ko ɲɔgɔn kanuya. Mɔgɔ o mɔgɔ b'a mɔgɔɲɔgɔn kanu, o tigi ye Ala deen ye, a be Ala lɔn.