Zan fɔlɔ 2:4 - ALA KA KUMA

⁴ Ni mɔgɔ min y'a fɔ ko ale be Ala lɔn k'a sɔrɔ a t'a ka kuma bato, o tigi ye galontigɛla le ye, tiɲɛ man d'a ye.

Jula NT of Côte d’Ivoire

⁴ Mɔgɔ min b’a fɔ ko ale k’a lɔn, k’a sɔrɔ a tɛ a ta cifɔninw sira tagama, o tigi ye faninyafɔbaga le ye; can tɛ a jusukun na.

LAYIDUKURA

⁴ Ni mɔgɔ min y'a fɔ ko ale bɛ Ala lɔn k'a sɔrɔ a t'a ka kuma labato, o tigi ye galontigɛla le ye, tinyɛ man d'a ye.

Zan fɔlɔ 2:4 Iomraidhean Croise

Yuhana 8:44

Aw faa ye Sutana le ye. Aw do b'a fɛ k'ale sago le kɛ. Kabini diɲɛ daminɛtuma na, ka mɔgɔ nii bɔ, o le kɛra a sago ye. A ma sɔn ka tiɲɛ fɔ ka ye, bari tiɲɛtigi tɛ. N'a be kuma o kuma fɔ, o bɛɛ be kɛ galon ye, bari, ale yɛrɛ le ye galon faa ye.

Tite 1:10

Mɔgɔ caaman be yan, minw te u yɛrɛ majigi, u kɛra kumakolon fɔbagaw ni mɔgɔlafilibagaw ye. U caaman ye zuwifu ye minw sɔnna Krista ma.

Tite 1:16

U b'u yɛrɛ kɛ Alalɔnbagaw ye, nga u ka kɛwaliw b'a yira k'u te sɔn Ala ma. U kɛra fɛnjuguw ye, u te mɛnni kɛ, u te se ka koɲuman si kɛ.

Zan fɔlɔ 1:10

Nga n'an y'a fɔ ko an ma hakɛ kɛ, an be Ala kɛ galontigɛla ye, a ka kuma te an dusu la.

Zan fɔlɔ 1:6

N'an ko an ni Ala jɛnnin lo k'a sɔrɔ an be dibidibiko kɛ, o tuma na, an kɛra galontigɛlaw ye, an te tiɲɛko kɛ.

Zan fɔlɔ 1:8

N'an y'a fɔ ko an ma hakɛ kɛ, an b'an yɛrɛ nigɛ, an te kɛ tiɲɛtigiw ye.

Zan fɔlɔ 2:3

Ayiwa, n'an be Ala ka kuma bato, o la, an b'a lɔn ko an be Ala lɔn.

Zan fɔlɔ 2:9

Ni mɔgɔ min ko ale kɔnɔ gwɛnin lo k'a sɔrɔ a mɔgɔɲɔgɔn koo man d'a ye, o tigi ye dibi kɔnɔ mɔgɔ le ye halibi.

Zan fɔlɔ 3:6

Ayiwa, ni mɔgɔ o mɔgɔ nɔrɔnin be Krista la, o tigi te hakɛ kɛ tugu, nga ni min be hakɛ kɛ, o tigi te Krista ye, a t'a lɔn fana.

Zan fɔlɔ 4:20

Ni mɔgɔ min y'a fɔ ko Ala koo ka di a ye k'a sɔrɔ a b'a mɔgɔɲɔgɔn kɔniya, o tigi ye galontigɛla ye. A ɲaa be a mɔgɔɲɔgɔn min na, n'a t'o kanu, a te se ka Ala kanu, a ɲaa te min na.

Zan fɔlɔ 4:7

Ne terisɔbɛw, aw ye ɲɔgɔn kanu bari n'i ko Ala, i ko ɲɔgɔn kanuya. Mɔgɔ o mɔgɔ b'a mɔgɔɲɔgɔn kanu, o tigi ye Ala deen ye, a be Ala lɔn.