Zan fɔlɔ 2:22 - ALA KA KUMA

²² Mɔgɔ min b'a fɔ ko Yezu te Ala ka mɔgɔ wolomanin ye, o tigi le ye galontigɛla ye. Krista jugu le be ban Faa Ala n'a Dencɛ la.

Jula NT of Côte d’Ivoire

²² Jɔntigi le ye faninyafɔbaga ye? Mɔgɔ min bɛ ban ka la a ra ko Kirisita* le ye Kisibaga* ye, o tigi lo. Mɔgɔ min bɛ ban Fa Ala ra, Den* min bɔra Ala ra, ka ban o ra, o tigi le ye Kirisita Kɛrɛbaga ye.

LAYIDUKURA

²² Mɔgɔ min b'a fɔ ko Yezu tɛ Ala ka mɔgɔ wolomani ye, o tigi le ye galontigɛla ye. Krista jugu le bɛ ban Faa Ala n'a Dencɛ la.

Zan fɔlɔ 2:22 Iomraidhean Croise

Matiyu 24:24

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Matiyu 24:5

Bari, mɔgɔ caaman bena na ne tɔgɔ la k'a fɔ k'olu ye Ala ka Mɔgɔ wolomanin nin ye ka mɔgɔ caaman fili.

Yuhana 8:44

Aw faa ye Sutana le ye. Aw do b'a fɛ k'ale sago le kɛ. Kabini diɲɛ daminɛtuma na, ka mɔgɔ nii bɔ, o le kɛra a sago ye. A ma sɔn ka tiɲɛ fɔ ka ye, bari tiɲɛtigi tɛ. N'a be kuma o kuma fɔ, o bɛɛ be kɛ galon ye, bari, ale yɛrɛ le ye galon faa ye.

Zan fɔlɔ 1:6

N'an ko an ni Ala jɛnnin lo k'a sɔrɔ an be dibidibiko kɛ, o tuma na, an kɛra galontigɛlaw ye, an te tiɲɛko kɛ.

Zan fɔlɔ 2:18

Ne deenw, diɲɛ labantuma surunyana. Aw y'a mɛn ko Krista jugu ka kan ka na. K'a sɔrɔ a juguw yɛrɛ ka ca bii nin na. An b'a lɔn o le fɛ ko diɲɛ labantuma surunyana.

Zan fɔlɔ 2:23

Ni mɔgɔ min banna Ala Dencɛ la, o tigi te Faa Ala fɛ fana. Ni min sɔnna a ma, o tigi be Faa Ala fɛ fana.

Zan fɔlɔ 2:4

Ni mɔgɔ min y'a fɔ ko ale be Ala lɔn k'a sɔrɔ a t'a ka kuma bato, o tigi ye galontigɛla le ye, tiɲɛ man d'a ye.

Zan fɔlɔ 4:20

Ni mɔgɔ min y'a fɔ ko Ala koo ka di a ye k'a sɔrɔ a b'a mɔgɔɲɔgɔn kɔniya, o tigi ye galontigɛla ye. A ɲaa be a mɔgɔɲɔgɔn min na, n'a t'o kanu, a te se ka Ala kanu, a ɲaa te min na.

Zan fɔlɔ 4:3

Nga ni min be ban o ma, o tigi te Ala ta ye, Krista jugu lo, aw ye min nako mɛn ka kɔrɔ. Ayiwa, kabini sisan, a be diɲɛ kɔnɔ ka ban.

Zan fɔlɔ 5:1

Ni mɔgɔ o mɔgɔ lar'a la ko Yezu le ye Ala ka mɔgɔ wolomanin ye, o tigi ye Ala deen ye. Mɔgɔ o mɔgɔ be denfa kanu, o tigi b'a deen fana kanu.

Zan 2nan 1:7

Bari galontigɛla caaman be diɲɛ na sisan. U b'a fɔ ko Yezu Krista tun te mɔgɔ yɛrɛ yɛrɛ ye. Min be ban ten, o le ye galontigɛla ni Krista jugu ye.

Zude 1:4

Bari namaramɔgɔ dɔw donna aw cɛma minw ka jalakiko fɔra Ala ka kuma na kabini tumajan. O Alaɲasiranbali nunu be an ka Ala ka nɛɛma koo ta k'o kɛ kokolon kɛli ye, ani u bɛɛ be ban an Matigi Yezu Krista la, ale min kelenpe ye an kuntigi ye.

Yirari 3:9

Ayiwa, n bena Sutana batobagaw karaba aw ye, olu minw k'u ye zuwifuw ye k'a sɔrɔ zuwifuw tɛ, galontigɛlaw lo. N bena u wajibiya ka na u kunbiri gwan aw kɔrɔ. O la, u ben'a lɔn ko aw koo ka di ne ye.