Zan fɔlɔ 2:19 - ALA KA KUMA

¹⁹ U bɔra anw cɛma le, nga u tun t'an dɔw ye bɛrɛbɛrɛ, ni an dɔw tun lo, u tun be to n'an ye. Nga a kɛra ten waasa a k'a yira ko an dɔ te u ye tiɲɛ na.

Jula NT of Côte d’Ivoire

¹⁹ O mɔgɔw bɔra an cɛ ra, nka o tun tɛ an dɔ ye; sabu ni o tun ye an dɔ ye, o tun bɛna to ni an ye. Nka o bɔra an cɛ ra ka taga, janko an y’a lɔn ko minw bɛɛ bɛ ni an ye, ko o bɛɛ tɛ an dɔ ye.

LAYIDUKURA

¹⁹ U bɔra anw cɛma le, nga u tun t'an dɔw ye bɛrɛbɛrɛ, ni an dɔw tun lo, u tun bɛ to n'an ye. Nga a kɛra ten waasa a k'a yira ko an dɔ tɛ u ye tinyɛ tinyɛ na.

Zan fɔlɔ 2:19 Iomraidhean Croise

Ayuba 17:9

Nga, mɔgɔtilennin ka to a ka tilenninya la, mɔgɔɲuman ka barika don a yɛrɛ la.

Zaburu 37:28

Bari kotilennin le ka di Masaba ye, a t'a ka mɔgɔtilenninw to ten. A b'u mara tuma bɛɛ, nga mɔgɔjugu deenw be tunu bugubugu.

Zaburu 41:9

U ko: ‹Kojugu dɔ le b'a sigɛnna ten. A filɛ, a lara, a tena wili tugu.›

Matiyu 24:24

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Marika 13:22

Mɔgɔ dɔw bena galon tigɛ k'olu ye Ala ka Mɔgɔ wolomanin nin ye. Dɔw fana bena galon tigɛ k'olu ye kiraw ye. U bena kabakow kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Luka 8:13

Mɔgɔ dɔw fana bɔnin be farayɔrɔ fɛ. N'u y'o kuma mɛn, u be sɔn a ma ni nisɔndiya ye. Nga a te sigiyɔrɔ sɔrɔ u kɔnɔ, u be la o kuma na tumanin kelen dɔrɔn, ni kɔrɔbɔli nana, u be ban a kuma la.

Yuhana 15:2

Bolo minw bɛɛ te deen kɛ, a bena olu tigɛ k'o bɔ yen. Ni bolo min be deen kɛ, a bena olu gɛrɛfɛ bolo misɛmanw bɔ, janko a ka se ka deen caaman kɛ ka tɛmɛ fɔlɔ kan.

Yuhana 4:14

Nga jii min be ne fɛ, ni ne y'o di mɔgɔ min ma k'a min, minnɔgɔ tena o tigi minɛ tugu fewu. Ne bena jii min d'o tigi ma, o bena kɛ jii woyota ye min bena woyo a kɔnɔ tuma bɛɛ, min be nii banbali di.»

Kɛwalew 15:24

«An y'a mɛn ko mɔgɔ dɔw bɔra anw fɛ Zeruzalɛmu, ka taga aw hakili ɲagami ni kumafu ye, k'a sɔrɔ an m'u ci.

Kɛwalew 20:30

Dɔw fana bena wili aw yɛrɛ cɛma ka to ka galon tigɛ, waasa ka kalandenw caaman sama ka tugu u yɛrɛ kɔ.

Rɔmukaw 9:6

O bɛɛ la, Ala ka kuma dafara, hali ni siya min bɔra Yakuba la, o bɛɛ ma kɛ Isirayɛlidensɔbɛw ye.

Kor fɔlɔ 11:19

Tilanni yɛrɛ ka kan ka kɛ aw cɛma, janko mɔgɔsɔbɛw ka se ka lɔn.

Sariya 13:13

«Masaba aw ka Ala be dugu minw dira aw ma ka kɛ aw ka sigiyɔrɔ ye, n'aw y'a mɛn olu dɔ kɔnɔ

Tim 2nan 2:10

O le y'a to ne be koo bɛɛ muɲu Ala ka mɔgɔ wolomaninw kosɔn, waasa olu fana ka kisi Yezu Krista barika la, ani ka boɲa sɔrɔ daan te min na.

Tim 2nan 2:19

O bɛɛ n'a ta, Ala ye koo min dabɔ, o be to a nɔɔ na. Kuma nin le kɛra o taamasiɲɛ ye, ko: «Minw ye Matigi ta ye, a b'olu lɔn,» ani «Mɔgɔ minw bɛɛ be Matigi bato, olu ka faran tilenbaliya koo la.»

Tim 2nan 3:9

Nga u tena se ka taga ɲa. Zannɛsi ni Zanbɛrɛsi ta kɛra cogo min na, o cogo kelen na, bɛɛ bena o mɔgɔ nunu ka nalomanya ye.

Heburuw 10:39

Minw bena segi kɔ ka halaki, anw te olu dɔw ye. Anw ye jigitigiw ye minw bena kisi.

Zan 2nan 1:7

Bari galontigɛla caaman be diɲɛ na sisan. U b'a fɔ ko Yezu Krista tun te mɔgɔ yɛrɛ yɛrɛ ye. Min be ban ten, o le ye galontigɛla ni Krista jugu ye.

Zude 1:1

Ne Zude, Zaki dɔgɔcɛ, ne min ye Yezu Krista ka baaraden ye, n be bataki nin ci Ala ka mɔgɔ weleninw ma, aw minw koo ka di Faa Ala ye, ani aw minw maranin be Yezu Krista ye.

Zude 1:19

O mɔgɔ nunu yɛrɛ yɛrɛ lo, olu le be mɔgɔw bila ɲɔgɔn na, u ka koo bɛɛ ye adamadenya ye, Ala ka Nii te u fɛ.