Zan fɔlɔ 2:16 - ALA KA KUMA

¹⁶ Bari farisogo nigɛlakow, ɲadenw ka miyɛntɔya, jigimafakojugu, o koo nunu si te bɔ Faa Ala fɛ do, o bɛɛ be bɔ diɲɛ na le.

Jula NT of Côte d’Ivoire

¹⁶ Sabu fɛn minw bɛɛ bɛ dunuɲa ra, minw ye farisogo nege ye, ani mɔgɔ ɲa bɛ bɔ fɛn minw fɛ, o nege, ani dunuɲa yɛrɛbonyakow, o si tɛ bɔ Fa Ala ra, o bɛ sɔrɔ dunuɲa le ra.

LAYIDUKURA

¹⁶ Bari farisogo ka nigɛlakow, nyadenw ka miyɛntɔya, jigimafakojugu, o koo nunu si tɛ bɔ Faa Ala fɛ do, o bɛɛ bɛ bɔ dinyɛ na le.

Zan fɔlɔ 2:16 Iomraidhean Croise

Damina 3:6

Muso y'a ye k'o yiri nin deen ka di dumu na, ko a fana filɛ ka di, ani ko a be lɔnniya di mɔgɔ ma. A ye dɔ tigɛ k'a dumu ka dɔ di a cɛɛ ma a gɛrɛfɛ, ale fana y'a dumu.

Damina 6:2

o tuma na, batofɛnw deenw y'a ye ko mɔgɔw ka denmusow cɛɛ ka ɲi. U tun be minw fɛ, u ye olu furu.

Ayuba 31:1

«Ne tun y'a latigɛ sɔbɛ la ko n tena n ɲaa bɔ sunguru fɛ.

Zaburu 73:6

Yɛrɛboɲa le kɛra u ka masirifɛn ye, fariya kɛra u ka delekeba ye.

Zaburu 78:18

U tora k'u sagoladumuni ɲini Ala fɛ k'a kɔrɔbɔ.

Zaburu 78:30

Nga halibi, u ma wasa, k'a sɔrɔ u daa fanin be.

Zanaw 27:20

Lahara ye fabali ye cogo min na, adamaden ye wasabali ye ten fana.

Zanaw 6:25

Kan'i ɲaa bɔ a ka cɛɲa fɛ. Kan'a to a filɛlikɛcogo b'i kuun ɲagami.

Daniyɛli 4:30

O yɔrɔnin bɛɛ, koo nin kɛra Nabukodonozɔri la. U y'a gwɛn ka bɔ adamadenw cɛma. A tora ka biin ɲimi i n'a fɔ misi. Komiji tora ka yɛlɛ a kan, fɔɔ a kunsigi nana kɛ i n'a fɔ sɛgɛn sii. A sɔnnifaraw kɛra i n'a fɔ kɔnɔw ta.

Jateri 11:34

O la, u y'o yɔrɔ tɔgɔ la ko Wasabaliya kaburu, bari miɲɛtɔya tun gwanna mɔgɔ minw na, u ye olu suuw don yen.

Jateri 11:4

Siya wɛrɛ minw tun be Isirayɛlidenw cɛma, miɲɛtɔya gwanna olu la kosɔbɛ. Isirayɛlidenw yɛrɛ fana y'a daminɛ ka kasi tugu k'a fɔ ko: «Jɔn bena sogo d'an ma an b'a ɲimi?

Matiyu 4:8

O kɔ, Sutana tagara n'a ye kulu jamanjan dɔ kan ka diɲɛ jamanaw bɛɛ n'u ka nɔɔrɔ yira a la,

Matiyu 5:28

Ayiwa, ne b'a fɔ aw ye ko ni mɔgɔ o mɔgɔ ye muso filɛ k'a ɲaa bɔ a fɛ, o tigi ye kakalaya kɛ a dusu la n'o muso ye ka ban.

Luka 4:5

O kɔ, Sutana tagara n'a ye kulu jamanjan dɔ kan ka diɲɛ jamanaw bɛɛ yira a la yɔrɔnin kelen,

Rɔmukaw 13:14

Aw k'a to Matigi Yezu Krista ka koo ka sigi aw kɔnɔ, aw kana miiri farisogo koo la ka tɛmɛ janko nigɛjugu kana se aw kɔrɔ.

Kor fɔlɔ 10:6

O koo nunu kɛra ka yira an na, waasa an fana kana miiri kojugu kɛli la tugu, i n'a fɔ olu.

Galasikaw 5:17

Bari farisogo sago, ni Nii Senuman be ɲɔgɔn kɛlɛ. U te bɛn. O kama, n'aw b'a fɛ ka koo min kɛ, aw te se k'o kɛ.

Galasikaw 5:24

Mɔgɔ minw ye Krista ta ye, olu ye farisogo n'a diyanako bɛɛ gwengwen lɔgɔ kan.

Ɛfɛsikaw 2:3

An fana, an bɛɛ tun kɛra i ko olu, an tun b'an ta farisogo nigɛlakow fɛ, k'a sago kɛ, ani k'an yɛrɛ ka miiriya kɛ. Ka kɛɲɛ n'an cogo ye, Ala tun be dimi an kɔrɔ i n'a fɔ tɔw fana.

Tite 2:12

Ale min b'a yira an na ko an ka siran Ala ɲa ani ka ban nin diɲɛ nigɛjuguw la, waasa k'an to bii diɲɛ na, an ka se k'an yɛrɛ minɛ ka taama tilenninya la Ala ɲakɔrɔ.

Tite 3:3

Bari fɔlɔfɔlɔ, an fana tun ye hakilitanw ye, mɔgɔmurutininw, an tun filila, nigɛjugu sifa bɛɛ, tun y'an kɛ jɔɔn ye, an tun be juguya, ni sɔnjuguya la. An koo fana tun man di ɲɔgɔn ye.

Yakuba 3:15

O hakilitigiya ɲɔgɔn te bɔ Ala fɛ, nga o ye diɲɛ ta ye, adamaden ni Sutana ta.

Yakuba 4:16

Aw b'aw yɛrɛ boɲa n'aw ka kuma fufafu ye. K'a sɔrɔ o ɲɔgɔn ma ɲi.

Yosuwe 7:21

Ne tun ye Babilɔni jamana forocaɲuman dɔ ye dugu mɔgɔ nunu ka minanw kɔnɔ, ani warigwɛ kuru kɛmɛ fila, ani sanukuru min ka gwiliya tɛmɛna kilo tilan kelen kan. Olu nigɛ tun ye ne minɛ, o la ne y'u ta ka taga dugukolo sogi n ka siyɔrɔ la k'u dogo yen, warigwɛ nin be fɔɔ jukɔrɔ.»

Piy fɔlɔ 1:14

Aw ka mɛnni kɛ Ala fɛ i n'a fɔ denɲumanw. Aw kana taama nigɛlafɛnw kɔ i n'a fɔ aw tun b'a kɛ cogo min na k'aw to kolɔnbaliya la.

Piy fɔlɔ 2:11

Ne teriɲumanw, aw minw ye tɛmɛbagaw ye diɲɛ na, n b'a ɲini aw fɛ, ko aw k'aw yɛrɛ kɔlɔsi nigɛjuguw ma minw ni Ala ka koo te bɛn dɛ!

Piy 2nan 2:10

Minw be boliboli u ka nigɛlakow kɔ, n'u te Setigi Ala boɲa, u jaa ka gwɛlɛ, u daa ka bon. Ka arijana kɔnɔ fɛɛnw nɛni, o te foyi ye olu fɛ.

Piy 2nan 2:18

U be kumababa nafatanw fɔ! Minw sera ka bɔ kojugukɛlaw ka jɛɛn na sisan sisan, u be olu nigɛ k'u ben n'u farisogo nigɛlakow ye.