Zan fɔlɔ 2:15 - ALA KA KUMA

¹⁵ Aw kana diɲɛ n'a kɔnɔnafɛnw koo diya aw yɛrɛ ye. Ni mɔgɔ min be diɲɛ koo diya a yɛrɛ ye, Faa Ala koo te se ka diya o tigi ye.

Jula NT of Côte d’Ivoire

¹⁵ Ayiwa, aw kana dunuɲa kanu, aw kana dunuɲakɔnɔfɛnw kanu. Ni mɔgɔ min bɛ dunuɲa kanu, Fa Ala ta kanuya tɛ o tigi jusukun na.

LAYIDUKURA

¹⁵ Aw kana dinyɛ n'a kɔnɔnafɛnw koo diya aw yɛrɛ ye. Ni mɔgɔ min bɛ dinyɛ koo diya a yɛrɛ ye, Faa Ala koo tɛ se ka diya o tigi ye.

Zan fɔlɔ 2:15 Iomraidhean Croise

Matiyu 4:8

O kɔ, Sutana tagara n'a ye kulu jamanjan dɔ kan ka diɲɛ jamanaw bɛɛ n'u ka nɔɔrɔ yira a la,

Matiyu 6:24

«Mɔgɔ si te se ka baara kɛ kuntigi fila ye, bari a bena kelen kɔniya ka kelen kanu, walima a bena nɔrɔ kelen na k'a mako bɔ kelen na. O cogo la fana, aw te se ka nafolo kanu, ka baara kɛ Ala ye.

Luka 16:13

«Mɔgɔ si te se ka baara kɛ kuntigi fila ye, bari a bena kelen kɔniya ka kelen kanu, walima a bena nɔrɔ kelen na k'a mako bɔ kelen na. Aw te se ka nafolo kanu, ka baara kɛ Ala ye fana.»

Yuhana 15:19

N'aw tun ye diɲɛ ta ye, diɲɛ mɔgɔw tun bena aw kanu, nga aw te diɲɛ ta ye. Ne le y'aw woloma ka bɔ diɲɛ mɔgɔw la, o le kama, diɲɛ mɔgɔw b'aw kɔniya.

Rɔmukaw 12:2

Aw kana aw yɛrɛ kɛɲɛ ni bii diɲɛ ye, nga aw ye hakilikura min sɔrɔ, aw jogo ka yɛlɛma ka kɛɲɛ n'o ye, janko aw ka se ka Ala sago lɔn, o min ye koɲuman ye, min ka di Ala ye, n'a dafanin be.

Galasikaw 1:10

O tuma na, sisan a fɔra ko ne b'a fɛ ne koo ka diya mɔgɔ ye wa, walima Ala ye? Walima ne b'a fɛ ka mɔgɔ diyanako le kɛ? Ni ne tun b'a fɛ k'o kɛ, ne tun tena kɛ Krista ka baarakɛla ye.

Ɛfɛsikaw 2:2

aw tun be minw kɛ fɔlɔfɔlɔ, ka kɛɲɛ ni adamadenya ye, ani sanfɛ jinaw kuntigi ta ye fana, min be baara kɛ ni mɔgɔmurutininw ye halibi.

Tim fɔlɔ 6:10

bari wari nigɛ ye kojugu sifa bɛɛ bɔyɔrɔ ye. Mɔgɔ dɔw tugur'a nɔɔ fɛ k'u jigi bɔ Krista kan, ka tɔɔrɔ la u yɛrɛ kan.

Yakuba 1:27

Alasira taamacogo min tilennin be, ni fiɲɛ t'a la an Faa Ala ɲakɔrɔ, o filɛ: e k'i janto falatɔw ni firiyamusow la u ka tɔɔrɔ tuma na. Ani e k'i yɛrɛ tanga diɲɛ koo nɔgɔninw bɛɛ ma.

Yakuba 4:4

Aw tilenbali nunu! Aw m'a lɔn ko ni mɔgɔ min ye diɲɛ koo diya a yɛrɛ ye, k'o tigi ni Ala te bɛn wa? Ayiwa, ni mɔgɔ min be diɲɛ koo diya a yɛrɛ ye, o tigi b'a yɛrɛ kɛ Ala jugu ye.

Zan fɔlɔ 3:17

Fɛɛn be mɔgɔ min bolo n'a te dɛsɛbagatɔ dɛmɛ, o tigi be se k'a fɔ cogo di ko ale be Ala kanu?

Zan fɔlɔ 4:5

Olu kɔni ye diɲɛ nin taw ye. O la, u ka kuma ye diɲɛ ta ye, diɲɛ mɔgɔw le be mɛnni kɛ u fɛ fana.

Zan fɔlɔ 5:10

Ni mɔgɔ min lara Ala Dencɛ la, Ala ye seereya min kɛ a ka koo la, o tigi b'o seereya nin mara a dusu la. Nga ni min ma la Ala la, o tigi ye Ala kɛ galontigɛla ye. Bari Ala ye seereya min kɛ a Dencɛ ka koo la, o tigi ma la o la.