Zan fɔlɔ 2:14 - ALA KA KUMA

¹⁴ Ne deenw, ne y'a sɛbɛn k'a ci aw ma ko aw be Faa Ala lɔn. Ne y'a sɛbɛn k'a ci aw denfaw ma ko mɔgɔ min be yen kabini fɛɛn si ma dan fɔlɔ, aw b'o lɔn. Ne y'a sɛbɛn k'a ci aw kanbelenw ma, ko fanga b'aw la, Ala ka kuma jiidinin be aw dusu la. Ani ko aw sera Fɛnjugu kɔrɔ.

Jula NT of Côte d’Ivoire

¹⁴ Faw, ne bɛ nin sɛbɛ ci aw ma, sabu min tun bɛ yi kabini dunuɲa damina ra, aw ka o lɔn. Kanbelenw, ne bɛ nin sɛbɛ ci aw ma, sabu fanga bɛ aw ra, aw ka Ala ta Kuma to aw jusukun na, aw ka se sɔrɔ Setana kan fana.

LAYIDUKURA

¹⁴ Ne deenw, ne y'a sɛbɛn k'a ci aw ma ko aw bɛ Faa Ala lɔn. Ne y'a sɛbɛn k'a ci aw denfaw ma ko mɔgɔ min bɛ yen kabini fɛɛn si ma dan fɔlɔ, aw b'o lɔn. Ne y'a sɛbɛn k'a ci aw kanbelenw ma, ko fanga b'aw la, Ala ka kuma jiidinin bɛ aw dusu la. Ani ko aw sera Fɛnjugu kɔrɔ.

Zan fɔlɔ 2:14 Iomraidhean Croise

Zaburu 119:11

Ne b'i ka fɔta mara n dusu la janko ne kana i hakɛ ta.

Yuhana 15:7

N'aw tora ne fɛ, ani ne ka kuma tora aw kɔnɔ, aw be fɛɛn min fɛ, aw k'o daali aw bena o sɔrɔ.

Yuhana 5:38

A ka kuma sigiyɔrɔ te aw dusu la fana, bari a ye min ci, aw lanin te ale la.

Yuhana 8:31

Zuwifuw ɲamɔgɔ minw lara Yezu la, a y'a fɔ olu ye ko: «N'aw ye ne ka kuma bato, aw be kɛ n ka kalandenw ye tiɲɛ na.

Yuhana 8:37

Ne y'a lɔn ko aw ye Ibrayima deenw ye. Nga ne ka kuma te donna aw dusu la, o kama aw be ne fagayɔrɔ ɲinina.

Ɛfɛsikaw 6:10

Ayiwa, aw k'aw jija Matigi ka koo la a ka sebagaya dafanin barika la.

Filipikaw 4:13

Krista min be see di ne ma, ale barika la ne be se ka o koow bɛɛ kɛ.

Kɔlɔsikaw 1:11

An b'a daali ko a ka fanga d'aw ma kosɔbɛ a ka sebagayaba barika la, o la, aw bena se k'aw jija ka koo bɛɛ muɲu ni nisɔndiya ye.

Kɔlɔsikaw 3:16

Krista ka kuma ka se ka sigi aw kɔnɔ kosɔbɛ. Aw ka ɲɔgɔn kalan ani ka ɲɔgɔn ladi ni hakilitigiya bɛɛ ye. Aw ka Ala tanu ka barika la a ye ni dɔnkiliw ye minw be sɔrɔ Ala ka kuma kɔnɔ, ani dɔnkili wɛrɛw, ni dɔnkili minw be sɔrɔ Nii Senuman barika la.

Tim 2nan 2:1

Ele kɔni, ne deen, e ka barika don i yɛrɛ la Yezu Krista ka nɛɛma barika la.

Heburuw 8:10

O loonw tɛmɛnin kɔ, n bena bɛɛn min sigi ni Isirayɛlidenw ye, o filɛ nin ye. Ne Matigi le ko ten. Ne yɛrɛ bena n ka sariya don u dusu la, n koo ka to u kɔnɔ. Ne bena kɛ u ka Ala ye, olu bena kɛ ne ka mɔgɔw ye.

Zan fɔlɔ 1:1

Fɛɛn min tun be yen k'a sɔrɔ fɛɛn si ma dan fɔlɔ, n'anw y'a mɛn, n'anw ɲaa lar'a kan k'a filɛ kosɔbɛ, n'anw bolo magar'a la, o ye kuma ye min be nii don mɔgɔ la.

Zan fɔlɔ 1:10

Nga n'an y'a fɔ ko an ma hakɛ kɛ, an be Ala kɛ galontigɛla ye, a ka kuma te an dusu la.

Zan fɔlɔ 2:13

Ne be nin sɛbɛn k'a ci aw denfaw ma, ko mɔgɔ min be yen kabini fɛɛn si ma dan fɔlɔ, aw b'o lɔn. Ne be nin sɛbɛn k'a ci aw kanbelenw ma ko aw ye see sɔrɔ Fɛnjugu kan.

Zan 2nan 1:2

Tiɲɛ kama, aw koo ka d'an ye, tiɲɛ do b'an kɔnɔ, a bena to an kɔnɔ tuma bɛɛ.

Zan 3nan 1:3

An balima dɔw nana i tagamacogo lakali ne ye. U ko i taamacogo bɛnnin be. O ye ne nisɔndiya kosɔbɛ.

Yirari 2:3

Aw tɔɔrɔla ne tɔgɔ kosɔn nga aw muɲuna, aw m'aw fari faga.

Yirari 2:7

Nii Senuman be min fɔra Krista ka jama ye, ni min b'a fɛ ka faamuli kɛ o la, o tigi k'a tulo malɔ a fɛ ka ɲa. Ni min ye see sɔrɔ, yiri min be arijana na, n'a be nii don mɔgɔ la, ne b'o deen dɔ d'a tigi ma k'a dumu.