Zan fɔlɔ 2:13 - ALA KA KUMA

¹³ Ne be nin sɛbɛn k'a ci aw denfaw ma, ko mɔgɔ min be yen kabini fɛɛn si ma dan fɔlɔ, aw b'o lɔn. Ne be nin sɛbɛn k'a ci aw kanbelenw ma ko aw ye see sɔrɔ Fɛnjugu kan.

Jula NT of Côte d’Ivoire

¹³ Faw, ne bɛ nin sɛbɛ ci aw ma, sabu min tun bɛ yi kabini dunuɲa damina ra, aw ka o lɔn. Kanbelenw, ne bɛ nin sɛbɛ ci aw fana ma, sabu aw ka se sɔrɔ Setana kan. Denmisɛnw, ne bɛ nin sɛbɛ ci aw ma, sabu aw ka Fa Ala lɔn.

LAYIDUKURA

¹³ Ne bɛ nin sɛbɛn k'a ci aw denfaw ma, ko mɔgɔ min bɛ yen kabini fɛɛn si ma dan fɔlɔ, aw b'o lɔn. Ne bɛ nin sɛbɛn k'a ci aw kanbelenw ma ko aw ye see sɔrɔ Fɛnjugu kan.

Zan fɔlɔ 2:13 Iomraidhean Croise

Zaburu 148:12

kanbelenw ni sunguruw, mɔgɔkɔrɔbaw ani denmisɛnw.

Zaburu 90:2

Sanni kuluw ka dan, sann'i ka diɲɛ dan, i ye Ala ye kudayi.

Zaburu 91:14

A nɔrɔla ne Masaba la, o la, ne ben'a bɔsi. N ben'a tanga bari a be ne lɔn.

Zanaw 20:29

Kanbelen ka fanga y'a ka kunnawolonfɛn ye. Kunsigigwɛ ye cɛkɔrɔba ka kunkɔrɔtafɛn ye.

Jakariya 9:17

U bena to hɛrɛ la, dawula bena kɛ u la! Suman ni duvɛnkɛnɛ bena barika don kanbelenw ni sunguruw la.

Matiyu 11:27

O kɔ, a y'a fɔ mɔgɔw ye ko: «N Faa Ala ye fɛɛn bɛɛ di n ma. Mɔgɔ si te Dencɛ lɔn n'a Faa dɔrɔn tɛ, mɔgɔ si te Faa fana lɔn fɔɔ Dencɛ kelenpe. Ni Dencɛ b'a fɛ mɔgɔ min k'a Faa lɔn, o tigi ben'a lɔn.

Matiyu 13:19

Minw be Ala ka kuma mɛn n'u t'a faamu, olu bɔnin be sirada fɛ, kisɛ benna yɔrɔ min na. U man'a mɛn dɔrɔn, Sutana be na o bɔ u kɔnɔ.

Matiyu 13:38

Foro nin, o ye diɲɛ ye. Sumansi, o ye Ala ka mɔgɔw ye. Binjugu nin, o ye Sutana ka mɔgɔw ye.

Matiyu 5:37

Aw ka jaabili ka kɛ ɔnhɔn walima ayi. Ni dɔ farala o kan, o bɔra Sutana fɛ.

Luka 10:22

O kɔ, a y'a fɔ mɔgɔw ye ko: «N Faa ye fɛɛn bɛɛ di ne ma. Mɔgɔ si te Dencɛ lɔn n'a Faa dɔrɔn tɛ, mɔgɔ si te Faa fana lɔn, fɔɔ Dencɛ kelenpe. Ni Dencɛ b'a fɛ ko mɔgɔ min k'a Faa lɔn, o tigi ben'a lɔn.»

Yuhana 14:7

N'aw be ne lɔn, aw bena n Faa fana lɔn, sisan aw yɛrɛ y'a lɔn ka ban, aw y'a ye fana.»

Yuhana 14:9

Yezu y'a fɔ Filipu ye ko: «Ne be n'aw ye kabini tumajan, o bɛɛ n'a ta, e ma ne lɔn wa Filipu? Ni mɔgɔ min ɲaa lara ne kan, o tigi ye n Faa fana ye, mun na e b'a fɔ ko ne ka n Faa yira aw la?

Yuhana 16:3

U bena o baara sugu nunu kɛ bari u te ne lɔn, u te n Faa fana lɔn.

Yuhana 16:33

Ne y'o fɔ aw ye janko aw ka to ni ne ye ka hɛrɛ sɔrɔ. K'aw to diɲɛ na, dusukasi le be aw kan, nga aw k'aw jaa gwɛlɛya, ne ye see sɔrɔ diɲɛ kan ka ban.»

Yuhana 17:21

janko u bɛɛ ka kɛ kelen ye, n Faa, i n'a fɔ ne ni e ye kelen ye cogo min na. Olu fana ka kɛ kelen ye ten n'an ye, janko diɲɛ mɔgɔw ka l'a la ko e ye ne ci.

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Yuhana 8:19

U y'a ɲininga ko: «E Faa nin be min?» Yezu y'u jaabi ko: «Aw te ne lɔn, aw te n Faa fana lɔn. N'aw tun be ne lɔn, aw tun bena n Faa fana lɔn.»

Kor 2nan 4:6

Bari Ala min tun y'a fɔ ko kɛnɛ ka bɔ dibi cɛma, ale kelen le ye yeelen bɔ an dusu la, waasa mɔgɔw k'a ka nɔɔrɔ ye, min be manamana Krista ɲada kan.

Tim fɔlɔ 5:1

N'i be cɛkɔrɔba ladi tuma min na, i kana kuma gwɛlɛman fɔ a ye. Nga i k'a ladi i n'a fɔ i faa. I ka kanbelenw ladi i n'a fɔ i kɔrɔw, walima i dɔgɔw.

Tite 2:6

O cogo kelen na fana, i ka kanbelenw ladi k'olu ka kɛ mɔgɔsɔbɛw ye

Zan fɔlɔ 1:1

Fɛɛn min tun be yen k'a sɔrɔ fɛɛn si ma dan fɔlɔ, n'anw y'a mɛn, n'anw ɲaa lar'a kan k'a filɛ kosɔbɛ, n'anw bolo magar'a la, o ye kuma ye min be nii don mɔgɔ la.

Zan fɔlɔ 2:1

Ne deenw, ne be sɛbɛ nin cira aw ma, waasa aw kana hakɛ kɛ. Nga ni min nan'a kɛ, soronanikɛla b'an fɛ Faa Ala kɔrɔ n'o ye Yezu Krista ye, mɔgɔtilennin lo.

Zan fɔlɔ 2:12

Ne deenw, n be nin sɛbɛn k'a ci aw ma ko aw ka hakɛw yafara Yezu tɔgɔ le sababu la.

Zan fɔlɔ 2:14

Ne deenw, ne y'a sɛbɛn k'a ci aw ma ko aw be Faa Ala lɔn. Ne y'a sɛbɛn k'a ci aw denfaw ma ko mɔgɔ min be yen kabini fɛɛn si ma dan fɔlɔ, aw b'o lɔn. Ne y'a sɛbɛn k'a ci aw kanbelenw ma, ko fanga b'aw la, Ala ka kuma jiidinin be aw dusu la. Ani ko aw sera Fɛnjugu kɔrɔ.

Zan fɔlɔ 3:12

An man kan ka Kayɛn ladege, min kɛra Sutana ka mɔgɔ ye k'a dɔgɔnin faga. Mun na a y'a faga? A y'a faga bari ale Kayɛn tun ye baarajugukɛla ye, k'a sɔrɔ a dɔgɔnin tun ye mɔgɔɲuman ye.

Zan fɔlɔ 4:4

Ne deenw, aw kɔni ye Ala taw ye. Aw sera kira nunu kɔrɔ bari Nii Senuman be ni aw ye. Ale fanga ka bon ni Sutana ta ye, min be diɲɛ kɔnɔ.

Zan fɔlɔ 5:18

An b'a lɔn ko mɔgɔ o mɔgɔ ye Ala deen ye, o tigi te to hakɛ la, bari Ala Deen b'a tanga. Sutana fanga te se a kɔrɔ.

Zan fɔlɔ 5:20

Anw y'a lɔn fana ko Ala Dencɛ nana diɲɛ na ka hakili d'an ma waasa an ka Tiɲɛtigi lɔn, ale min ye Ala ye. Anw ni Ala yɛrɛ be ɲɔgɔn fɛ a Dencɛ Yezu Krista barika la, ale lo ye Ala ye tigitigi min be nii banbali di.

Yirari 12:11

Nga an badenw sera a kɔrɔ Sagaden ka joli bɔnnin, n'u ka seereya kosɔn, bari u ma ban k'u nii saraka.

Yirari 2:7

Nii Senuman be min fɔra Krista ka jama ye, ni min b'a fɛ ka faamuli kɛ o la, o tigi k'a tulo malɔ a fɛ ka ɲa. Ni min ye see sɔrɔ, yiri min be arijana na, n'a be nii don mɔgɔ la, ne b'o deen dɔ d'a tigi ma k'a dumu.