Zan fɔlɔ 2:11 - ALA KA KUMA

¹¹ Ni mɔgɔ min b'a mɔgɔɲɔgɔn kɔniya, o tigi ye dibi kɔnɔ mɔgɔ ye, n'a be taamana o dibi nin kɔnɔ, a t'a kuun tilenyɔrɔ lɔn. Bari a te yeli kɛ.

Jula NT of Côte d’Ivoire

¹¹ Nka mɔgɔ min bɛ a balema kɔninya, o tigi bɛ dibi ra. A bɛ tagama dibi ra; a tɛ a tagafan kelen lɔn, sabu dibi ka a ɲa fin.

LAYIDUKURA

¹¹ Ni mɔgɔ min b'a mɔgɔnyɔgɔn kɔniya, o tigi ye dibi kɔnɔ mɔgɔ ye, n'a bɛ taamana o dibi nin kɔnɔ, a t'a kuun tilenyɔrɔ lɔn. Bari a tɛ yeli kɛ.

Zan fɔlɔ 2:11 Iomraidhean Croise

Sam 2nan 13:22

Abisalɔn y'a daa tigɛ Amunɔn na. A y'a kɔniya, bari a y'a dɔgɔmuso Tamari ka sunguruya cɛn.

Zanaw 4:19

Mɔgɔjugu ka sira dibinin lo. A m'a lɔn a bena talon fɛɛn min na.

Waajurikɛbaga 2:14

Hakilitigi b'a taayɔrɔ lɔn, nga naloman kɔni be dibi la. O bɛɛ n'a ta, ne y'a ye ko koo kelen le b'u fila bɛɛ kɔnɔna.

Sarakalasebagaw 19:17

«Aw kana aw balima kɔniya. N'aw mɔgɔɲɔgɔn ye hakɛ kɛ, aw k'a ladi ni kɔnɔgwɛ ye, janko aw kana na jalaki a kosɔn.

Yuhana 12:35

Yezu y'u jaabi ko: «Yeelen b'aw cɛma yanni dɔɔni halibi. Tuma min na o yeelen b'aw cɛma, aw ka banba ka taama o yeelen nin na, janko suu kana ko ka bali aw la, bari mɔgɔ min be taama dibi la, o tigi t'a taayɔrɔ lɔn.

Yuhana 12:40

«Ala y'u kɛ fiɲɛntɔw ye janko u kana yeli kɛ. A y'u kɛ hakilitanw ye janko u kana faamuli kɛ. O la, Ala ko: ‹U te nimisa ka faran u ka kojuguw la, ne k'u kɛnɛya.› »

Kor 2nan 3:14

Nga u ma se ka foyi faamu, i n'a fɔ fani birinin be u ɲada kan. Hali ka na se bii yɛrɛ, n'u be bɛnkɔrɔ kalan tuma min na, u te foyi faamu, bari o fani nin be bɔ Krista le barika la.

Kor 2nan 4:4

Minw te la Ala la, diɲɛ kuntigi Sutana ye olu hakili dibi waasa u ka na se ka kibaru diman yeelen ye min be Krista ka nɔɔrɔ yira, ale min ye Ala jaa ye.

Tite 3:3

Bari fɔlɔfɔlɔ, an fana tun ye hakilitanw ye, mɔgɔmurutininw, an tun filila, nigɛjugu sifa bɛɛ, tun y'an kɛ jɔɔn ye, an tun be juguya, ni sɔnjuguya la. An koo fana tun man di ɲɔgɔn ye.

Piy 2nan 1:9

Nga ni koo nunu te mɔgɔ min na, o tigi kɛra i n'a fɔ fiɲɛntɔ, ka to ka kurutukurutu dibi la. Bari a ɲinɛna ko Ala y'a ka fɔlɔfɔlɔ hakɛw yafa.

Zan fɔlɔ 1:6

N'an ko an ni Ala jɛnnin lo k'a sɔrɔ an be dibidibiko kɛ, o tuma na, an kɛra galontigɛlaw ye, an te tiɲɛko kɛ.

Zan fɔlɔ 2:10

Nga ni mɔgɔ min b'a mɔgɔɲɔgɔn kanu, o tigi gwɛnin lo, a te kɛ sababu ye k'a tɔɲɔgɔn bila kojugu la.

Zan fɔlɔ 2:9

Ni mɔgɔ min ko ale kɔnɔ gwɛnin lo k'a sɔrɔ a mɔgɔɲɔgɔn koo man d'a ye, o tigi ye dibi kɔnɔ mɔgɔ le ye halibi.

Zan fɔlɔ 3:15

Mɔgɔ o mɔgɔ b'a mɔgɔɲɔgɔn kɔniya, o tigi ye mɔgɔfagala le ye. Aw b'a lɔn ko mɔgɔfagala si te se ka nii banbali sɔrɔ.

Zan fɔlɔ 4:20

Ni mɔgɔ min y'a fɔ ko Ala koo ka di a ye k'a sɔrɔ a b'a mɔgɔɲɔgɔn kɔniya, o tigi ye galontigɛla ye. A ɲaa be a mɔgɔɲɔgɔn min na, n'a t'o kanu, a te se ka Ala kanu, a ɲaa te min na.

Yirari 3:17

Aw b'a miiri ko aw ye fɛntigiw ye, ko fɛɛn bɛɛ b'aw fɛ, ko aw wasara, k'a sɔrɔ aw m'a lɔn ko aw ye dɛsɛbagatɔw ni makaritɔw, fantanw, ni fiɲɛntɔw ani fɛɛrɛtɔw ye.