Zan fɔlɔ 1:3 - ALA KA KUMA

³ Anw ye min ye, ka min mɛn, an b'o le fɔ aw ye, waasa aw fana ka jɛn ni anw ye. Ayiwa, anw kɔni n'an Faa Ala n'a Dencɛ Yezu Krista jɛnnin lo.

Jula NT of Côte d’Ivoire

³ O kosɔn an ka min ye, ani an ka min mɛn, an bɛ o fɔ aw ye, janko aw fana ye kɛ ni an ye jɛnɲɔgɔnya ra. Anw bɛ jɛnɲɔgɔnya ra ni min ye, o ye Fa Ala le ye, ani Den* min bɔra Ala ra, Yesu Kirisita.

LAYIDUKURA

³ Anw ye min ye, ka min mɛn, an b'o le fɔ aw ye, waasa aw fana ka jɛn ni anw ye. Ayiwa, anw kɔni n'an Faa Ala n'a Dencɛ Yezu Krista jɛnnin lo.

Zan fɔlɔ 1:3 Iomraidhean Croise

Ayuba 13:1

«Ɔnhɔn, ne ɲaa lara o bɛɛ kan, n tulo y'a mɛn, n y'a faamu ka ɲa fana.

Zaburu 2:7

Ne bena Masaba ka kolatigɛnin fɔ. A ko ne ma: «I ye ne Dencɛ ye, ne le y'i wolo bii.

Zaburu 22:22

Ne kisi ka n bɔ jara daa la, ne kisi kongomisi gɔɔnw ma. Unhun tigi! I ye ne jaabi.

Ezayi 66:19

«Ne bena taamasiɲɛ bila u cɛma. Minw bena kisi n ka kiti kɔfɛ, n bena olu ci Tarisisi jamana la, ni Puti, ani Ludi, minw be se kalabon na, ni Tubali, ni Yaban ani jii cɛma dugukolo minw be yɔrɔjan, minw ma deli ka ne koo mɛn, u ma deli ka n ka sebagaya ye. U bena n ka sebagaya koo fɔ siya wɛrɛw ye.

Jateri 10:32

N'i tagara n'an ye, Masaba bena koɲuman min kɛ an ye, i bena dɔ sɔrɔ o la an fɛ.»

Yuhana 17:11

Ne tena to diɲɛ kɔnɔ tugu. Olu bena to diɲɛ na, ne do be tagara e fɛ. N Faɲuman, ne b'i daali i k'u mara i tɔgɔ kosɔn i ye min di ne ma, janko u ka se ka kɛ kelen ye i n'a fɔ ne ni ele ye kelen ye cogo min na.

Yuhana 17:21

janko u bɛɛ ka kɛ kelen ye, n Faa, i n'a fɔ ne ni e ye kelen ye cogo min na. Olu fana ka kɛ kelen ye ten n'an ye, janko diɲɛ mɔgɔw ka l'a la ko e ye ne ci.

Yuhana 17:25

N Faa, e min ka ɲi, diɲɛ mɔgɔw ma e lɔn, ne y'i lɔn. Nunu fana y'a lɔn ko e lo ye ne ci.

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Yuhana 19:35

Mɔgɔ min y'o ye, ale lo b'o seereya fɔra, ani a ka seereya ye tiɲɛ ye. A fana lanin b'a la, ko ale be min fɔ, k'o ye tiɲɛ ye, janko aw fana ka se ka l'a la.

Kɛwalew 13:32

«Anw fana b'o kibaru diman nin fɔ aw ye ko Ala tun y'a daa di an bɛmaw ma koo min na,

Kɛwalew 13:41

‹Aw yɛrɛboɲalaw, aw ye filɛli kɛ, ka kabakoya ka dama tɛmɛ. N bena koo dɔ kɛ aw ɲana, ni mɔgɔ b'o lakali aw ye, aw tena la o la.› »

Kɛwalew 2:42

Kalandenw tun be taga cidenw ka kalan lamɛn tuma bɛɛ. U tun be jɛn k'u ka koo bɛɛ kɛ balimaya la. U tun be dumuni senuman tilantilan ɲɔgɔn fɛ, ka Ala daali.

Kɛwalew 20:27

bari, ne ma Ala ka kolatigɛnin dogo aw la.

Kɛwalew 4:20

«Anw kɔni fɛ, anw ye min ye, ka min mɛn, anw te se ka to o fɔbali ye.»

Rɔmukaw 15:27

U y'o latigɛ, u fana tun ka kan k'o kɛ. Bari ni olu siya tɔw ye niyɔrɔ sɔrɔ u ka Ala koo la, olu fana ka kan k'u dɛmɛ ni u bololafɛnw ye.

Kor fɔlɔ 1:30

Nga ale lo barika la aw kɛra Yezu Krista jɛnɲɔgɔnw ye, an ye lɔnniya sɔrɔ ale barika la ka bɔ Ala fɛ, ale fana sababu la, an kɛra mɔgɔtilenninw ye Ala ɲakɔrɔ ka kɛ a ta ye, ani mɔgɔhɔrɔnyaninw.

Kor fɔlɔ 1:9

Ala ye kantigi ye. A y'aw wele ka kɛ a Dencɛ an Matigi Yezu Krista jɛnɲɔgɔnw ye.

Kor fɔlɔ 15:1

N balimaw, sisan ne b'a fɛ k'aw hakili jigi kibaru diman la, ne ye min fɔ aw ye, aw sɔnna min ma k'aw jigi bɛɛ la a kan.

Ɛfɛsikaw 3:6

O kɔrɔ ko siya wɛrɛw ye Isirayɛlidenw ka niyɔrɔ ɲɔgɔn sɔrɔ Ala ka koo, ni dadili koo la, ani ka jɛn ka kɛ kelen ye, kibaru diman kosɔn Yezu Krista barika la.

Filipikaw 1:7

Tiɲɛ be ne fɛ ka miiri aw la tuma bɛɛ, bari aw koo be ne dusu la. Ka ne to kaso la, walima ne tun be kibaru diman fɔra ka gwɛ mɔgɔw ye tuma min na, janko u k'u jigi l'a kan kosɔbɛ, Ala ye boɲa min la ne kan, aw y'aw niyɔrɔ ta o baara la.

Filipikaw 2:1

Ni jigitugu be sɔrɔ Krista fɛ, ni jagwɛlɛya be sɔrɔ a ka kanuya la, ni jɛnɲɔgɔnya be aw ni Nii Senuman cɛ, ni ɲumanya ni hinɛ be sɔrɔ a la,

Filipikaw 3:10

Ne be min ɲini, o ye nin ye: ka Krista lɔn, ani k'a ka kununni sebagaya lɔn fana, ka tɔɔrɔ i n'a fɔ ale tɔɔrɔla cogo min na, ani a y'a nii di cogo min na, ne fana ka n nii di ten ka sa,

Kɔlɔsikaw 1:13

A y'an tila ka bɔ dibi ka fanga bolo, ani k'an don a Deen ka masaya la, deen min koo ka di a ye kosɔbɛ.

Tes fɔlɔ 1:10

Aw y'o kɛ ka to ka Ala dencɛ Yezu kɔsegitɔ makɔnɔ, a y'ale min kunun a sanin kɔ. Yezu le b'an kunmabɔ Ala ka dimi nata ma.

Tim fɔlɔ 6:2

Jɔɔn minw kuntigiw lara Yezu la, olu kana ban k'u boɲa bari u balimaw lo, nga u ka baara kɛ u ye kosɔbɛ, bari mɔgɔ minw b'u ka baara nunu tɔnɔ sɔrɔ, olu kɛra Yezu kɔmɔgɔw ye aw yɛrɛ be minw kanu. E ka mɔgɔw kalan ni o koo nin ye ani ka u ladi.

Heburuw 2:12

O la, a tun y'a fɔ ko: «Ne bena i koo fɔ n balimaw ye, ne bena i tanu jama cɛma.»

Heburuw 3:1

O kosɔn, n badenw, Ala ye aw minw wele k'aw kɛ a taw ye, aw ka Yezu filɛ, min ye Ala ka ciden, ni sarakalasebagaw kuntigiba ye Ala ka sira la an be min koo fɔ.

Heburuw 3:14

An daminɛna ni jigi min ye, n'an tora o kan fɔɔ a daan na, o tuma na, an ye Krista taamaɲɔgɔnw ye.

Piy fɔlɔ 5:1

Minw ye Krista ka jama ɲamɔgɔw ye aw cɛma, n kaan be olu le ma sisan. Ne fana ye ɲamɔgɔ dɔ ye, Krista ye tɔɔrɔ min sɔrɔ, ne y'o seere ye. A bena na ni nɔɔrɔ min ye, n bena dɔ sɔrɔ o la. Ne b'a ɲini aw fɛ ko

Piy 2nan 1:16

An ye Yezu Krista, an Matigi ka setigiya n'a ka nako min fɔ aw ye, o te siirin koo ye dɛ! Nga anw yɛrɛ ɲaa lara a ka nɔɔrɔ kan.

Zan fɔlɔ 1:1

Fɛɛn min tun be yen k'a sɔrɔ fɛɛn si ma dan fɔlɔ, n'anw y'a mɛn, n'anw ɲaa lar'a kan k'a filɛ kosɔbɛ, n'anw bolo magar'a la, o ye kuma ye min be nii don mɔgɔ la.

Zan fɔlɔ 1:5

Ayiwa, an ye min mɛn a fɛ, an b'o le fɔra aw ye, ko Ala ye yeelen ye, dibi t'a la fewu.

Zan fɔlɔ 1:7

Nga n'o y'a sɔrɔ n'an ka koow bɛɛ gwɛnin lo i n'a fɔ ale yɛrɛ be cogo min na, o tuma na, jɛɛn be kɛ an bɛɛ ni ɲɔgɔn cɛ, a Dencɛ Yezu joli b'an ka hakɛw bɛɛ bɔ an na.