Zan fɔlɔ 1:2 - ALA KA KUMA

² A y'a yɛrɛ yira, anw y'a ye. Anw b'a seereya kɛ, anw be nii banbali koo fɔ aw ye, ale min tun be ni Faa ye, ale min y'a yɛrɛ yira an na.

Jula NT of Côte d’Ivoire

² Ɲanamanya yirara an na; an k’a ye; o le kosɔn an kɛra a seere ye, an bɛ o ɲanamanya banbari ko fɔ aw ye. O ɲanamanya tun bɛ Fa Ala kɔrɔ; ale ka a yira an na.

LAYIDUKURA

² o y'a yɛrɛ yira, anw y'a ye. O kama, anw b'a seereya kɛ, k'a koo fɔ aw ye ale min tun bɛ ni Faa Ala ye n'a nan'a yɛrɛ yira an na.

Zan fɔlɔ 1:2 Iomraidhean Croise

Yuhana 1:18

Mɔgɔ si ma deli ka Ala ye abada, nga a Deen kelenpe, min fana ye Ala ye, ale n'a Faa Ala be ɲɔgɔn fɛ, ale lo nana Ala cogo yira an na.

Yuhana 1:4

Nii tun be sɔrɔ ale barika la. Ale tun be yeelen bɔ adamadenw ye.

Yuhana 10:28

Ne fana be nii banbali di u ma. U tena halaki abada, mɔgɔ si fana te se k'u bɔsi n na.

Yuhana 14:6

Yezu y'a jaabi ko: «Ne le ye sira, ni tiɲɛ, ani nii dibaga ye. Mɔgɔ si te se n Faa fɛ ni ne sababu tɛ.

Yuhana 15:27

Aw fana, aw bena ne koo fɔ, bari aw tun be ni ne ye kabini ne ka baara daminɛ na.

Yuhana 16:28

Ne bɔra Faa fɛ ka na diɲɛ na, sisan fana ne be segira n Faa fɛ tugu.»

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Yuhana 17:5

Sisan n Faa, boɲa min tun be ne kan i gɛrɛfɛ fɔlɔfɔlɔ sanni diɲɛ ka dan, i k'o ɲɔgɔn la ne kan ne ka to i gɛrɛfɛ tugu.

Yuhana 19:35

Mɔgɔ min y'o ye, ale lo b'o seereya fɔra, ani a ka seereya ye tiɲɛ ye. A fana lanin b'a la, ko ale be min fɔ, k'o ye tiɲɛ ye, janko aw fana ka se ka l'a la.

Yuhana 21:14

O le tun kɛra Yezu siɲɛ sabanan ye n'a b'a yɛrɛ yira a ka kalandenw na kabini a kununna ka bɔ suuw cɛma.

Yuhana 3:13

Mɔgɔ si ma yɛlɛ ka taga arijana na fɔɔ Mɔgɔ Dencɛ min bɔra o yɔrɔ la.

Yuhana 7:29

Nga ne be ale lɔn bari n bɔra ale lo fɛ, ale lo ye ne ci fana.»

Yuhana 8:38

Ne ye min ye n Faa Ala fɛ, ne b'o le fɔ. K'a sɔrɔ aw ye min mɛn aw faa fɛ, aw b'o le kɛ.»

Kɛwalew 1:22

k'a ta Yezu batizelon ma Zan fɛ, fɔɔ ka taga bila a kɔrɔtalon ma ka bɔ an cɛma ka taga arijana na, wajibi lo, olu dɔ ka Zuda nɔɔ ta, ka kɛ an dɔ ye ka Yezu koo fɔ.»

Kɛwalew 10:41

Nga a m'a yɛrɛ yira bɛɛ la, fɔɔ Ala yɛrɛ ye minw woloma k'u kɛ o seerew ye. O ye anw ye, anw minw ye dumuni kɛ n'a ye, ka minni kɛ n'a ye, a kununnin kɔ ka bɔ kaburu la.

Kɛwalew 2:32

Ala ye Yezu kunun a sanin kɔ, anw kɔni y'a ye.

Kɛwalew 3:15

Aw y'a to u ye nii dibaga faga, nga Ala y'a kunun. Anw y'a ye.

Kɛwalew 5:32

Ala ye koo minw kɛ, an y'o seerew ye ani Nii Senuman, Ala ye min di a sagokɛlaw ma.»

Rɔmukaw 8:3

Sariya siginin tun te se ka koo min kɛ, farisogo ka barikatanya kosɔn, Ala y'o kɛ, a y'a yɛrɛ Dencɛ ci, ale nana wolo i n'a fɔ hakɛkɛla, ka kɛ saraka ye hakɛ sara kosɔn. A ye hakɛ ka baga faga,

Galasikaw 4:4

Nga Ala ka waati latigɛnin dafara tuma min na, a y'a Dencɛ ci, muso y'a wolo sariya kɔrɔ,

Tim fɔlɔ 3:16

Alaɲasiran ye gundoba ye! A y'a yɛrɛ kɛ mɔgɔ ye ka na, Nii Senuman y'a ka tilenninya yira, mɛlɛkɛw y'a ye. A ka kibaru fɔra siya wɛrɛw cɛma, ani mɔgɔw lar'a la diɲɛ kɔnɔ, Ala y'a ta ka taga n'a ye a ka nɔɔrɔ la. Mɔgɔ si te se k'o sɔsɔ.

Tim 2nan 1:10

O nɛɛma nin kɛra an ye sisan an Kisibaga Yezu Krista ka nali barika la. An b'a lɔn kibaru diman barika la ko Yezu Krista ye saya mako sa ka nii banbali sira yira an na.

Tite 1:2

O jigi nin be nii banbali kan, Ala tiɲɛtigi y'a daa di min na kabini diɲɛ ma dan fɔlɔ.

Piy fɔlɔ 5:1

Minw ye Krista ka jama ɲamɔgɔw ye aw cɛma, n kaan be olu le ma sisan. Ne fana ye ɲamɔgɔ dɔ ye, Krista ye tɔɔrɔ min sɔrɔ, ne y'o seere ye. A bena na ni nɔɔrɔ min ye, n bena dɔ sɔrɔ o la. Ne b'a ɲini aw fɛ ko

Zan fɔlɔ 1:1

Fɛɛn min tun be yen k'a sɔrɔ fɛɛn si ma dan fɔlɔ, n'anw y'a mɛn, n'anw ɲaa lar'a kan k'a filɛ kosɔbɛ, n'anw bolo magar'a la, o ye kuma ye min be nii don mɔgɔ la.

Zan fɔlɔ 2:25

Krista y'a daa di an ma koo min na, o ye nii banbali ye.

Zan fɔlɔ 3:5

Aw b'a lɔn ko Yezu nana janko ka mɔgɔw ka hakɛw yafa, a ma hakɛ si kɛ.

Zan fɔlɔ 3:8

Min be to ka hakɛ kɛ, o tigi ye Sutana ka mɔgɔ ye, bari Sutana ye hakɛkɛla ye kabini fɔlɔfɔlɔ. Ala Dencɛ nana, waasa ka Sutana ka kɛwaliw cɛn.

Zan fɔlɔ 4:14

Faa Ala y'a Dencɛ ci diɲɛ na, waasa ka mɔgɔw kisi. Anw ɲaa lara o kan, anw b'o seereya kɛ.

Zan fɔlɔ 4:2

Aw be se ka Ala ka Nii lɔn nin cogo la: Ni mɔgɔ o mɔgɔ b'a fɔ ko Yezu Krista nana ka adamaden cogo yɛrɛ lo ta, o tigi ye Ala ta ye.

Zan fɔlɔ 5:11

O seereya nin filɛ: ko Ala ye nii banbali d'an ma, min be sɔrɔ a Dencɛ sababu la.

Zan fɔlɔ 5:13

N ye nin sɛbɛn k'a ci aw ma, aw minw lanin be Ala Dencɛ la, waasa aw k'a lɔn ko nii banbali y'aw ta ye.

Zan fɔlɔ 5:20

Anw y'a lɔn fana ko Ala Dencɛ nana diɲɛ na ka hakili d'an ma waasa an ka Tiɲɛtigi lɔn, ale min ye Ala ye. Anw ni Ala yɛrɛ be ɲɔgɔn fɛ a Dencɛ Yezu Krista barika la, ale lo ye Ala ye tigitigi min be nii banbali di.