Kor fɔlɔ 8:3 - ALA KA KUMA

³ Ala koo ka di mɔgɔ min ye, Ala b'o tigi lɔn.

Jula NT of Côte d’Ivoire

³ Nka ni mɔgɔ min bɛ Ala kanu, o tigi lɔnnin lo Ala fɛ.

LAYIDUKURA

³ Ala koo ka di mɔgɔ min ye, Ala b'o tigi lɔn.

Kor fɔlɔ 8:3 Iomraidhean Croise

Mas fɔlɔ 3:3

Masaba koo tun ka di Solomani ye. O la, a tun be tugu a faa Dawuda ka fɔtaw kɔ k'o kɛ. Nga a tun be to ka sarakaw bɔ ka wusulan jɛni sɔnnikɛyɔrɔw la.

Zaburu 1:6

Masaba be mɔgɔtilenninw ka koo lɔn kosɔbɛ. Kojugukɛlaw ta be taga n'u ye halakili la.

Zaburu 17:3

I ye ne sɛgɛsɛgɛ sufɛ ka n filɛ. I ye n kɔrɔbɔ, i ma foyi ye n la. N ka kuma ni n ka miiriya kɛra kelen ye.

Bɔri 33:12

Musa y'a fɔ Masaba ye ko: «A filɛ, i yɛrɛ y'a fɔ ne ye ko ne ka taga ni jama nin ye, k'a sɔrɔ i bena mɔgɔ min ci ka taga ni ne ye, i ma o tigi yira ne la. I ko i be ne lɔn ani ko ne koo diyara i ye.

Bɔri 33:17

Masaba y'a fɔ Musa ye ko: «I ye min ɲini, ne bena o le kɛ, bari i koo diyara ne ye, ne b'i lɔn i tɔgɔ ma fana.»

Yeremi 1:5

«San'i baa k'i kɔnɔ ta, ne tun b'i lɔn. San'i ka wolo, ne tun y'i woloma k'i kɛ n ta ye, k'i kɛ kira ye siya wɛrɛw cɛma.»

Amɔsi 3:2

«Ne be jantora aw le la siyaw bɛɛ cɛma. O kama, aw ye tilenbaliyako minw bɛɛ kɛ, ne bena o juru sara aw la.»

Nahɔmu 1:7

Masaba ka ɲi, dogoyɔrɔ lo tɔɔrɔlon na. Mɔgɔ minw b'u yɛrɛ kalifa a ma, a be olu tanga,

Matiyu 7:23

O loon na, ne ben'a fɔ u ye ko: ‹Ne t'aw lɔn, aw kojugukɛlaw ka bɔ n kɔrɔ.›

Yuhana 10:14

Ne ye sagaw dɛndɛbaga ɲanaman ye. Ne be n ka sagaw lɔn, n ka sagaw fana be n lɔn.

Yuhana 21:17

O kɔ, a y'a fɔ a ye a siɲɛ sabanan na ko: «Zan dencɛ Simɔn, ne koo ka d'i ye wa?» Piyɛri hakili ɲagamina bari Yezu y'a ɲininga fɔɔ siɲɛ saba ko ale koo ka d'a ye wa. A y'a jaabi ko: «Matigi, e yɛrɛ be koo bɛɛ lɔn, e b'a lɔn ko e koo ka di ne ye.» Yezu y'a fɔ a ye ko: «Ne ka sagaw dɛndɛ.»

Rɔmukaw 11:2

Ala m'a ka jama bila. N'aw be Ala ka kuma kalan Eli koo fɔra yɔrɔ min na, a ye Ala daali Isirayɛlidenw ye cogo min na, aw m'o faamu wa?

Kor fɔlɔ 13:12

Sisan an be koo minw yera, a kɛra i n'a fɔ an b'u yera dubalen na le, u te ye ka ɲa. Nga an bena u ye ɲaa ni ɲaa. Sisan, daan be ne ka lɔnniya la, nga ne bena koo lɔn i n'a fɔ Ala be ne lɔn cogo min na.

Kor fɔlɔ 2:9

Nga, a fɔra ten Ala ka kuma na ko: «Mɔgɔ ɲaa ma fɛɛn min ye ka ye, n'a tulo ma min mɛn ka ye, ni fɛɛn min miiriya ma don ka ye mɔgɔ kɔnɔ, Ala y'o le labɛn a kanubagaw ye.»

Galasikaw 4:9

Nga sisan aw ye Ala lɔn, walima Ala le y'aw lɔn. Fɛɛn minw te foyi ɲa, a kɛra di aw be kɔsegi ka kɛ olu ka jɔɔnw ye tugu?

Tim 2nan 2:19

O bɛɛ n'a ta, Ala ye koo min dabɔ, o be to a nɔɔ na. Kuma nin le kɛra o taamasiɲɛ ye, ko: «Minw ye Matigi ta ye, a b'olu lɔn,» ani «Mɔgɔ minw bɛɛ be Matigi bato, olu ka faran tilenbaliya koo la.»

Yakuba 1:12

Mɔgɔ min be jija ka sigɛn muɲu, o tigi dagamunin lo. Bari n'a sera ka sigɛn nunu muɲu, a bena nii banbali sɔrɔ a ka tɔnɔ ye. Ala tun y'a daa di a kanubagaw ma, ko u bena min sɔrɔ.

Yakuba 2:5

N badenw, aw minw koo ka di ne ye, aw ye mɛnni kɛ, minw be jati fantanw ye diɲɛ kɔnɔ, Ala m'u woloma k'u kɛ fɛntigiw ye lanaya la, ani k'u ladon a ka masaya la wa? A tun y'a daa di a kanubagaw ma min la.

Piy fɔlɔ 1:8

Aw ɲaa ma la a kan, nga a koo do diyara aw ye. Aw y'aw jigi la a kan, k'a sɔrɔ aw m'a ye fɔlɔ, ka nisɔndiya kosɔbɛ nisɔndiya min te se ka lakali.

Zan fɔlɔ 4:19

Anw kɔni, kanuya b'an na, bari Ala le kɔnna k'an kanu.

Zan fɔlɔ 4:7

Ne terisɔbɛw, aw ye ɲɔgɔn kanu bari n'i ko Ala, i ko ɲɔgɔn kanuya. Mɔgɔ o mɔgɔ b'a mɔgɔɲɔgɔn kanu, o tigi ye Ala deen ye, a be Ala lɔn.

Yirari 2:13

Aw be dugu min na, ne y'a lɔn ko Sutana ka masasigilan b'o yɔrɔ la. O n'a ta bɛɛ, aw nɔrɔnin bɛ ne la, aw ma tigɛ ne la. U ye ne ka seereɲuman Antipasi faga aw fɛ loon min na, hali o waati la, aw m'aw jigi bɔ ne kan k'aw to Sutana ka sigiyɔrɔ nin na.

Yirari 2:19

Aw be min kɛra, ne b'o lɔn. Ne koo ka d'aw ye cogo min na, ani aw jigi be ne kan cogo min na, ne b'o lɔn, n'aw ka baara kɛcogo, ani aw ka muɲuli, ne b'o bɛɛ lɔn. Aw be baara min kɛ sisan, o ka ca ni fɔlɔta ye.

Yirari 2:9

Ne b'aw ka tɔɔrɔ n'aw ka fantanya lɔn. Nga n b'a fɔ ko aw ye nafolotigiw ye. Minw k'olu ye zuwifuw ye k'a sɔrɔ zuwifuw tɛ, olu be tɔgɔcɛn min lara aw kan, ne b'o lɔn. Olu kɛnin be Sutana kɔmɔgɔw le ye.