Kor fɔlɔ 2:4 - ALA KA KUMA

⁴ Ne ka kuma ni ne ka waajuli tun te lɔnnikɛla ka kuma ye, nga Ala ka Nii Senuman le y'a ka sebagaya yira,

Jula NT of Côte d’Ivoire

⁴ Ne ta kuma ni ne ta waajuri kun tun tɛ kumababaw fɔri ye, ka kaɲa ni adamadenw ta hakiritigiya ye, ka mɔgɔw kun yɛlɛma. Nka ne tun bɛ ne ta waajuri kɛra ni Nin Saninman* ta sebagaya yɛrɛ le ye;

LAYIDUKURA

⁴ Ne ka kuma ni ne ka waajuli tun ma kɛ i n'a fɔ lɔnnikɛla ka kuma, nga Ala ka Nii Senuman le y'a ka sebagaya yira,

Kor fɔlɔ 2:4 Iomraidhean Croise

Zanaw 20:19

Nafigi be gundo walaka. Mɔgɔ min daa te tugu, i yɛrɛ kɔlɔsi o la dɛ.

Zanaw 7:21

A ye kanbelen nigɛnigɛ ni kuma diman ye ka se a kɔrɔ. A dalakuma diman y'a sama ka taga n'a ye.

Yeremi 20:10

Mɔgɔ caaman be ŋunuŋununa, ne b'o mɛnna. U ko: «Jatigɛ be yɔrɔ bɛɛ! Aw y'a koo fɔ, an ben'a koo fɔ!» Ne ni mɔgɔ minw tun bɛnnin lo, olu bɛɛ be ne dɛndɛna k'a filɛ ni ne bena fili. U ko: «N'a sɔrɔ, a ben'a to an b'a sɔrɔ cɔ! An bena s'a kɔrɔ k'an dimi bɔ a la!»

Ezekiyɛli 13:6

U ka yelifɛnw ye fɛnkolonw ye, u ka kirayakuma ye galon ye. U b'a fɔ ko: Masaba kumana, k'a sɔrɔ Masaba ma u ci. O bɛɛ n'a ta, u be miiri ko u be min fɔ, k'o bena kɛ.

Kɛwalew 20:27

bari, ne ma Ala ka kolatigɛnin dogo aw la.

Kɛwalew 26:28

Agiripa ko a ma: «A tora dɔɔni i be ne kɛ Krista ka mɔgɔ ye.»

Rɔmukaw 15:13

Ala min be mɔgɔ jigi tugu, ale k'a kɛ aw be nisɔndiya kosɔbɛ, ka hɛrɛ kɛ aw ye aw ka lanaya kosɔn, janko aw ka jigisɔbɛ sɔrɔ Nii Senuman barika la.

Rɔmukaw 15:19

ani kabako sifa caaman ye Nii Senuman barika la. A kɛra ten, k'a ta Zeruzalɛmu fɔɔ ka taga se Iliri mara la, ne ye Krista ka kibaru bɛɛ fɔ o yɔrɔw la.

Rɔmukaw 16:18

O mɔgɔ nunu te baara kɛra an Matigi Krista ye, nga janko u kɔnɔbara ka fa. Fanga te mɔgɔ minw na, o b'olu kunnacɛn n'u ka kuma diman, ani u ka namarakuma ye.

Kor fɔlɔ 1:17

Bari Krista ma ne ci ka mɔgɔ batize, a ye ne ci ka kibaru diman le fɔ, ne kana o kɛ ni ne yɛrɛ ka hakilitigiyakuma ye, janko Krista ka saya gwengwenlɔgɔ kan kana kɛ gwansan ye.

Kor fɔlɔ 2:1

N balimaw, ne tun tagara aw fɛ tuma min na, ne ma taga Ala ka tiɲɛ dogonin koo fɔ aw ye ni kuma faamubali ye, walima ni lɔnniyakuma damatɛmɛnin ye.

Kor fɔlɔ 2:13

An te kuma ka kɛɲɛ ni adamaden ka lɔnniya ye, an be fɛɛn min fɔra, o ye Ala ka koo ye Nii Senuman ye min yira. An b'o fɔ mɔgɔw ye Nii Senuman be min fɛ.

Kor fɔlɔ 4:20

bari Ala ka masaya te kuma dama ye, nga a b'a yira kɛwali la fana.

Kor 2nan 6:6

An y'an yɛrɛ yira a ka baarakɛlaw ye an ka mɔgɔsɔbɛya fɛ, n'an ka lɔnniya, n'an ka muɲuli, n'an ka ɲumanya fɛ, Nii Senuman barika la, ani an ka kanuyasɔbɛ fɛ,

Galasikaw 1:10

O tuma na, sisan a fɔra ko ne b'a fɛ ne koo ka diya mɔgɔ ye wa, walima Ala ye? Walima ne b'a fɛ ka mɔgɔ diyanako le kɛ? Ni ne tun b'a fɛ k'o kɛ, ne tun tena kɛ Krista ka baarakɛla ye.

Kɔlɔsikaw 2:4

Ne ye kuma nin fɔ aw ye janko mɔgɔ si kana aw lafili ni manamanakuma ye.

Tes fɔlɔ 1:5

An be kibaru diman min fɔra, an m'o fɔ aw ye i n'a fɔ kuma gwansan dama, nga an y'a fɔ ni Nii Senuman ka sebagaya ye. An ye fɛɛn minw kɛ aw ka ɲa kama, aw b'o lɔn.

Piy fɔlɔ 1:12

Ala y'a yira u la k'u ka koo te o ye, nga u tun b'o kuma fɔra ka bila aw le ye. Aw y'o kira nunu ka kumaw mɛn sisan kibaru diman fɔbagaw fɛ, Nii Senuman barika la, min cira ka bɔ sankolo la ka jigi u kan. O diyara mɛlɛkɛw ye fɔɔ u tun b'a fɛ ka koo nin ye.

Piy 2nan 1:16

An ye Yezu Krista, an Matigi ka setigiya n'a ka nako min fɔ aw ye, o te siirin koo ye dɛ! Nga anw yɛrɛ ɲaa lara a ka nɔɔrɔ kan.

Piy 2nan 2:18

U be kumababa nafatanw fɔ! Minw sera ka bɔ kojugukɛlaw ka jɛɛn na sisan sisan, u be olu nigɛ k'u ben n'u farisogo nigɛlakow ye.

Kititigɛbagaw 14:15

Tile wolonwulanan loon, u y'a fɔ Samusɔn ka muso ye ko: «Banba ka se i cɛɛ kɔrɔ dɛ, janko an ka talen nin kɔrɔ lɔn. N'o tɛ, an bena e n'i ka somɔgɔw jɛni. Aw y'an wele janko ka se k'an ka fɛɛnw bɔsi an na, o tɛ wa?»

Kititigɛbagaw 16:5

Filisiw ka ɲamɔgɔw tagara muso nin fɛ k'a fɔ a ye ko: «I ka Samusɔn nigɛ janko ka se k'a ka fangaba nin bɔyɔrɔ lɔn, ani an bena se a kɔrɔ cogo min na fana, k'a siri. An kelen kelen bɛɛ bena warigwɛ kuru waa kelen ni kɛmɛ d'i ma.»