Lok fɔlɔ 15:3 - ALA KA KUMA

³ Dawuda ye Isirayɛlidenw bɛɛ lajɛn Zeruzalɛmu, janko ka Masaba ka layidu taamasiɲɛ kɛsu ta ka ta'a bila ale ka yɔrɔ labɛnnin kɔnɔ.

Jula NT of Côte d’Ivoire

³ Dawuda ka Izirayɛlimɔgɔw bɛɛ lajɛn Zeruzalɛmu, ko o ye Matigi Ala ta jɛnɲɔgɔnya kɛsu ta ka taga ni a ye a blayɔrɔ ra, ale ka yɔrɔ min labɛn a tɔgɔ ra.

Lok fɔlɔ 15:3 Iomraidhean Croise

Sam 2nan 6:12

O kɔ, u nan'a fɔ masacɛ Dawuda ye ko Masaba ye Obɛdi Edɔmu ka soo ɲa, n'a bololafɛn bɛɛ, Ala ka layidu taamasiɲɛ kɛsu kosɔn. O la, Dawuda wilila ka taga kɛsu nin ta Obɛdi Edɔmu ka soo ka na n'a ye fɔɔ a ka ciin na ni nisɔndiya ye.

Sam 2nan 6:17

Dawuda tun ye fanibugu min lɔ kɛsu nin kosɔn, u nan'a bila ale kɔnɔ. O kɔ, Dawuda ye saraka jɛnitaw ni jɛnɲɔgɔnya taw bɔ Masaba ɲakɔrɔ.

Mas fɔlɔ 8:1

O kɔ, masacɛ Solomani ye Isirayɛlideen tan ni fila nunu kɔmɔgɔw bɛɛ ɲamɔgɔw, ni Isirayɛli cɛkɔrɔbaw, n'u ka gwatigiw bɛɛ lajɛn ale fɛ Zeruzalɛmu, janko u ka Masaba ka layidu taamasiɲɛ kɛsu ta Dawuda ka ciin kɔnɔ min ye *Siyɔn ye ka na n'a ye.

Lok fɔlɔ 13:2

A y'a fɔ Isirayɛli jama bɛɛ ye ko: «N'a diyara aw ye, ni Masaba an ka Ala sago lo, an ka mɔgɔw bila ka taga yɔrɔ bɛɛ an balimaw fɛ, minw tora Isirayɛlidenw ka maraw bɛɛ la, ani dɔw ka taga sarakalasebagaw ni Levi kɔmɔgɔ tɔw fɛ u ka duguw la, janko u ka na jɛn n'an ye.

Lok fɔlɔ 13:5

O la, Dawuda ye Isirayɛlidenw bɛɛ lajɛn, k'a ta Ezipiti mara daan na, worodugu fɛ, fɔɔ ka na se Lebowamati, kɔgɔdugu fɛ, janko ka taga Ala ka layidu taamasiɲɛ kɛsu ta Kiriyati Yarimu ka na n'a ye.

Lok fɔlɔ 15:1

Dawuda ye soow lɔ a yɛrɛ ye, a yɛrɛ ka ciin na. A ye yɔrɔ dɔ labɛn ka fanibugu lɔ o yɔrɔ la k'o kɛ Ala ka layidu taamasiɲɛ kɛsu bilayɔrɔ ye.

Lok fɔlɔ 15:12

A y'a fɔ u ye ko: «Aw le ye Levi kɔmɔgɔw ka gwatigiw ye. Aw n'aw balimaw k'aw yɛrɛ saniya, ka Masaba, Isirayɛli ka Ala ka layidu taamasiɲɛ kɛsu ta ka ta'a bila ne ka yɔrɔ labɛnnin kɔnɔ.

Lok fɔlɔ 16:1

Dawuda tun ye fanibugu min lɔ kɛsu nin kosɔn, u nana don ka kɛsu nin bila o kɔnɔ. O kɔ, u ye saraka jɛnitaw ni jɛnɲɔgɔnya taw bɔ Ala ɲakɔrɔ.

Lok 2nan 1:2

Solomani kumana Isirayɛlidenw bɛɛ fɛ, mɔgɔ waa kelen kelen, ni kɛmɛ kɛmɛ kuntigiw, ani kititigɛlaw ni Isirayɛlidenw ɲamɔgɔw bɛɛ, o kɔrɔ ko gwatigiw fɛ.

Lok 2nan 1:4

O y'a sɔrɔ Dawuda tun ye fanibugu lɔ Ala ka layidu taamasiɲɛ kɛsu kama. A tun ye kɛsu nin ta Kiriyati Yarimu ka taga n'a ye Zeruzalɛmu k'a bila o yɔrɔ nin na.

Lok 2nan 5:2

Solomani ye Isirayɛli cɛkɔrɔbaw, ni Isirayɛlideen tan ni fila kɔmɔgɔw ka ɲamɔgɔw, ni Isirayɛlidenw ka gwatigiw bɛɛ lajɛn Zeruzalɛmu, janko ka Masaba ka layidu taamasiɲɛ kɛsu ta Dawuda ka ciin kɔnɔ min ye *Siyɔn ye, ka na n'a ye.

Bɔri 40:20

Masaba ka sariyaw be walaka minw kan, a y'u ta k'u don kɛsu nin kɔnɔ, k'o talɔgɔw don kɛsu nigɛw la k'a datugulan biri a kan.

Sarakalasebagaw 9:5

Musa ye fɛɛn minw koo fɔ, u nana ni olu ye ɲɔgɔnkunbɛn fanibugu ɲafɛ. Jama bɛɛ gwɛrɛla ka lɔ Masaba ɲakɔrɔ.