Piˇliˇpiˆ 3:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq aqyuif aqnyir deuq-or! Arsaq saq-eu dawq-aq heulof-aer ma. Sanqpaq Miqyaer-euq lafkhoer laqkhaq caer-awq. Ngar, nawmaf-anr bofnaeq dzeur-euq jeq tiq pov par bofnaeq-eu khawf, nawmaf-anr gardanr tsoeq-eu jeq pyeuf-eu mirnae, ngaq-euq gharduq shaq-eu jeq maqngeur nya.

Akha

¹ Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Boꞈ dzeuˇ yaꞈ-euˬ jeˬ-ahˇ paˇ boꞈ poˆ-eu gʼaˇ duˬ ngaˇ nymˇ gawˬ maˬ gawˬ. Kʼoeˇ-aˬ, naw maꞈ guˆ kʼaˇ za-eu jeˬ bi teˬ-iˇ-eu gʼaˇ duˬ ma.

Piˇliˇpiˆ 3:1 Iomraidhean Croise

Jaceuq 149:2

Aqyawf maf-anr bae-euq ghaq-euq lafkhoer, Irsaqleqlav laqkhaq bicaer luf-ur; Aqyawf maf-euq sanqpaq-euq baqda’nae, Ziroq-euq zaqdeuq bi lurgha bi caergha luf-ur.

Jaceuq 32:11

Tsaq-awr dawr-eu tsawrhaq deuq-or! Ya’we Miqyaer-euq lafkhoer laqkhaq caer-awr lurgha caergha-awq. Nuima dawrcoeni ghae-eu tsawrhaq dawqtawvluf, laqkhaqcaer duidui-awr gur-awq.

Jaceuq 33:1

Tsaq-awr dawr-eu tsawrhaq deuq-or! Ya’we Miqyaer-euq lafkhoer laqkhaq caer-awq. Dawrcoeni ghae-eu tsawrhaq, aqyawf-anr jaceuq-eu tsaq mae.

Jaceuq 37:4

Ya’we Miqyaer-euq lafkhoer laqkhaq caer-awq; Aqyawf, nawq-euq nuima geufmawf-eu jeq bifnaeqlaf taef-a.

Jaceuq 42:4

Ngar, tsawrhaq armaf mafma naeq-aer le-awr, Ngar, aqyawfmaf naeq-aer Miqyaer-euq nymr-anr le-euq ma. Laqkhaq caer-eu tersar hawr-eu jaceuq-eu lafkhoer, Tsawrhaq armaf mafma naeq-aer guiqlanq-euq yawbui bui-eu mae. Ngar heudeuq-anr noeqmawrlar ngae, Ngaq-euq nuima saflar shaevdov lef-euq ma.

Jaceuq 5:11

Aerkhawf, nawq-anr ghoe-eu deuq-anr laqkhaq bicaer-awr, Nawq nae hawpir naeq-euq deuq, aqmyanluf laqkhaq caercaer-aer bigur-eu uqtaf, Nawq-euq tsawrmyanr-anr gaq-eu deuq khawf, nawq-euq lafkhoer laqkhaq bicaer law.

Jaceuq 97:1

Ya’we Miqyaer uvlanrluf mae. Mirtsaq tanqkhawr laqkhaq caer-awq. Irjawlanr-anr jawr-eu tsawrhaq baqmaf deuq khawf, lurgha caergha-awq.

Maꞈtehˬ 5:12

Laqkhaq caer-awr lurgha caergha-awq. Aqjeq mirnae aernar-aq, mq-euq khoertav nawmaf-euq mrpoeq lafsawq ghawqmya’ni jav-eu mae. Nawmaf-euq maeqhu daefyaf-euq Miqyaer gharduq ngaeqdan-eu tsawrhaq deuq-anr khawf, aqcawq, aqyawf maf-anr khoerlof-aer khaeqnaeq khavnaeq-euq mae.

Luˇkaꞈ 1:47

Ngaq-euq saflar, ngaq-anr Kakhof-eu ghaq Miqyaer baqda’nae laqkhaqcaer nya.

Lormav 5:11

Khoer taef-aer maqngeur-eu, aqdui-euq Sanqpaq Yeqsur Kali-euq baqda’nae Miqyaer-anr tsaqler dzoerler-awr, aqyawf-euq baqda’nae, Miqyaer-euq lafkhoer aqdui laqkhaq caerluf-eu ma.

2 Gawˇliˬtu 13:11

Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

Eˇpeˇsu 6:10

Ngaq-euq aqyuif aqnyir deuq-or! Arsaq saq-eu dawq-aq heulof-aer ma. Nawmaf, Sanqpaq Miqyaer-euq lafkhoer, ghaq khav-eu aqyawf-euq baoq-anr ghoe-awr, ghaq khavlar-awq.

Piˇliˇpiˆ 3:3

Aqdui-aq, aqdir aqmar bawkhov maeqdzaq yaeq-awr, muiq-eu Saflar-euq lafkhoer Miqyaer-anr uqduq tanq-eu tsawrhaq ma. Shiqshaq-euq lafkhoer yawduq baw-eu maqngeur, Yeqsur Kali-euq lafkhoer laqkhaq caer-eu tsawrhaq ma.

Piˇliˇpiˆ 4:4

Aqmyanluf Sanqpaq Miqyaer-euq lafkhoer laqkhaq caer-awq. Ngar tiq pov par aernaeq nyar, laqkhaq caer-awq!

Piˇliˇpiˆ 4:8

Aqyuif aqnyir deuq-or! Arsaq saq-eu dawq-aq, heudeuq-anr sharnoeq-awq laer aermawf-eu ma. Aqdir tsaq-eu jeq, noeqpoeq paq-aer ghae-eu jeq, tsaq-awr dawr-eu jeq, shawrjaevni ghae-eu jeq, hawmuiq-eu jeq, yawmuiq mae laer aer-eu jeq, muiq-awr jaq-eu jeq hawr-eu jaceuq paq-aer ghae-eu jeq, nawmaf garkawv heudeuq dzardziv dziv-awr sharnoeq sharsawx-awq.

1 Teˇsaˬloˇni 4:1

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.

1 Teˇsaˬloˇni 5:16

Aqmyanluf laqkhaq caer-awq.

Yaˬkoˆ 1:2

Ngaq-euq aqyuif aqnyir deuq-or, tsermr haw-eu ghawqmya jeq nawmaf-euq khoertav keuvle ngae, laqkhaqcaer duidui-awq.

1 Beˬtuˆluˆ 3:8

Arsaq heulof-aer saq-eu ma: nawmaf dawqtawvluf nuima tiqsiq taef-aer taq-awr, tiqghaq tirghaq ghawqshaq gaq-eu uqtaf, aqyuif aqnyir yawkaq gaq-eu lof-aer gaq-awr, nuima nanqyuni ghae-eu lafkhoer, aqcawq-euq gharduq sharnoeq nya-awq.

1 Beˬtuˆluˆ 4:13

Nawmaf khawf, Kali naeq-aer shaqzanq yadaq caw-eu mirnae, laqkhaq caer-awq. Aqyawf-euq yawshaef khanqsaer panmaeq naeqlaf ngae, nawmaf khawf laqkhaq yacaer duidui taef-a.

2 Beˬtuˆluˆ 3:1

Ngar zawr gaq-eu cawqdeuq-or! Ngar, nawmaf-anr sanqbof nyiq jae tiqjae bofanr lef-eu ma. Sanqbof nyiq jae luf-euq lafkhoer, ngar, nawmaf-anr ja’noeq naeq-awr, nawmaf-euq shawrjaevni ghae-eu nuinoeq-anr lavzor-eu heu-aq,