Piˇliˇpiˆ 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar heulof-aer guiqlanq sharluf-eu ma: nawmaf siqnya-eu tsawrganr hawr-eu yawqjeq navluf tserpav birpav nya-eu lafkhoer, nawmaf-euq gaq-eu jeq tiqjawr sair tiqjawr myaqlar-awr,

Akha

⁹ Naw maꞈ-euˬ gʼoeˇ-eu gaˬ-eu jeˬ tiˬ jawˇ saˇ-iˬ tiˬ jawˇ huiˬ laˇ mahˇ laˇ-eu laꞈ kʼoeˇ, yaw tsaˬ yaw dawˇ jeˬ-ahˇ siˬ duˬ mawˇ duˬ nya laˇ-awˇ, yaw muiˬ yaw doeˇ tseˇ paˆ geuꞈ nya laˇ ni ngaˇ guiˬ lahˬ shaˇ-eu ma.

Piˇliˇpiˆ 1:9 Iomraidhean Croise

Jaceuq 119:66

Ngar, nawq-euq zanrdawq khofdawq-anr jan-eu mirnae, Ngaq-anr yarkhaq yawmuiq-aer dar-eu jeq hawr-eu siqnya-eu tsawrganr maeqnaeq laf-awq.

Dawqdaq 4:18

Aerkhawf, tsaq-awr dawr-eu tsawrhaq-euq cankawv-aq, Yawshaef bya-eu nanrma-anr dur-awr, Yawshaef bya-eu khoer, nanlov ngaeq-aer caelar nar-aq, ngaeq-aer byadzaeq lar-eu mae.

1 Gawˇliˬtu 14:20

Aqyuif aqnyir deuq-or! Ghovshaw nya-eu paw-aq, nawmaf, zaq lof-aer taqpyeuf. Aerkhawf, yawdoer jeq mr-eu paw-aq, zaq lof-aer pyeuf-awr, ghovshaw nya-eu paw-aq, tsawrkhav pyeuf-awq.

2 Gawˇliˬtu 8:7

Nawmaf-aq, jan-eu paw khawf, ngaeq-awr tmr-eu paw khawf, siqnya-eu paw khawf, laejae-eu paw hawr-eu nga’maf-anr gaq-eu paw khawf, mrbyan luf-eu lof-aer, guiqlanq yawdzanr-euq gar heudeuq dawqtawv luf-anr mrbyan-awq.

Eˇpeˇsu 5:17

Khoermirnae, maqganr-eu tsawrhaq taqgeuf. Sanqpaq Miqyaer nuima tsaq-eu aqjeq nga laer ghovshaw nya-awq.

Gawˇlawˇsehˇ 1:9

Khoermirnae, nga’maf yagaq-euq ngae nan-anr nae, maq naqni nawmaf-euq gharduq guiqlanq sharluf-eu ma. Zaqsiq tsawrganr hawr-eu saflar paw-euq ghovshaw nya-eu jeq dawqtawv luf-euq lafkhoer, nawmaf, Miqyaer nuima tsaq-eu jeq-anr siqnya-eu tsawrganr anrlarni sharluf-eu ma.

Gawˇlawˇsehˇ 3:10

tsawrhaq yawshuif dmdav-euq mae. Yawshuif khoerghaq-aq, aqyawf-anr bae-euq ghaq-euq shaevdzeuf lof-aer bi durlarni, siqnya-eu tsawrganr bi lavshuif-euq mae.

1 Teˇsaˬloˇni 3:12

Nga’maf, nawmaf-anr gaq-eu lof-aer, nawmaf tiqghaq tirghaq gaq-awr, tsawrhaq dawqtawv luf-anr khawf gaqnya larni, Sanqpaq Yeqsur, nawmaf-euq lafkhoer gaq-eu jeq bi myaqlar bi byanlar luf-ur.

1 Teˇsaˬloˇni 4:1

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.

2 Teˇsaˬloˇni 1:3

Aqyuif aqnyir deuq-or! Nga’maf, aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, nawmaf jan-eu jeq huiqlar myaqlar duidui luf-awr, nawmaf yawqghaq navluf tiqghaq tirghaq gaq-eu jeq myaqlar duidui luf-eu mirnae, nga’maf khoerlof-aer jaceuq-eu-aq tsaq mae.

Piˇleˇmoˬ 1:6

Yeqsur Kali-euq lafkhoer nawq nae zataq-euq yawmuiq yawqjeq navluf-anr siqnya lar-awr, nawr jan-eu lafkhoer cawq cawq-eu jeq gardanr tsoeqlerni guiqlanq sharluf-eu ma.

HeˬByehˇ 5:14

Dzar yawzae-aq, tsawrkhav khavlar-euq deuq-euq gharduq mae. Aqyawf maf-aq, yawqha-euq nuima-anr maeq-awr, yawmuiq hawr-eu yawdoer tserpav birpav nya’ni, mrdzaw shardzaw dzaw-euq tsawrhaq mae.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.