Piˇliˇpiˆ 1:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawmaf-euq lafkhoer gar yawmuiq jeq mrdanq bae-euq ghaq, Yeqsur Kali-euq arnan-anr keuvni, gar heu mrluivjir taef-a laer ngar yawduq baw-eu ma.

Akha

⁶ Muiˬ-eu gaˇ heu hmˬ-ahˇ naw maꞈ laꞈ kʼoeˇ aˇ dahˬ beh le-euˬ gʼaˬ pyeuꞈ-eu Miˬyehˇ-aˬ, gaˇ heu hmˬ mˇ jiˇ-eu aˇ nah pyeuꞈ-eu Yeˬsuˇ Ka li zaꞈ le-eu Aˇ nah-ahˇ keuˆ ni mˇ daˆ gʼeh leꞈ tehꞈ-a lehˇ ngaˇ jah duˬ taˬ-euˬ ma.

Piˇliˇpiˆ 1:6 Iomraidhean Croise

Jaceuq 138:8

Ngaq-anr taf-eu garkawv deuq-aq, Ya’we Miqyaer mrbyan taef-a. Ya’we Miqyaer-or! Nawq-euq ghawqshaq gaq-euq jeq mqmaq maqbyav yarzir zif-eu mae. Nawq-euq aqlaf-euq gardeuq-anr taq ngaerbyov naeqlaf.

Yoˇhaˬ 6:29

Yeqsur, aqyawf maf-anr aerkhof naeq-eu, “Nawmaf, Miqyaer nae khaerghae lef-euq ghaq-anr jan-eu-aq, Miqyaer-euq gar mr-eu jeq pyeuf-eu mae.”

Gʼaˬkʼehˇ 11:18

Aqyawfmaf garkawv khoer-anr yagaq ngae, ciqcur savni jawr-awr Miqyaer-anr ciqhuiq ciqmanr-eu, “Tox-aer mar-iq, aqcawq tsawrjeuq tsawrca-anr khawf daef-eu jeq bi za’ni Miqyaer, aqyawf maf-anr bi noeqpov bi noeqpar-euq ngar-a.”

Gʼaˬkʼehˇ 16:14

Khoerngae, Miqyaer-anr uqduq tanq-eu, Tiqyaqdiqlar meuq-anr jawr-euq Luqdir laer kur-eu, nerpuir puir-eu saqpar anq-eu zaqmiq aqbur tiq ghaq, nga’maf ngaeq-eu gar gaq-euq mae. Pawrluv nae ngaeq-euq garkawv deuq-anr yawmuiq-aer narhaqni, Sanqpaq Miqyaer, aqyawf-euq nuima pan-euq mae.

1 Gawˇliˬtu 1:8

Aqdui-euq Sanqpaq Yeqsur Kali-euq arnan ngae nan, nawmaf-anr aerkhar maqbi za’ni, arsaqsaq ngae keuvni aqyawf, nawmaf-anr bizif naeqlaf taef-a.

2 Gawˇliˬtu 1:15

Ngar heulof-aer janzif luf-eu mirnae, nawmaf guiqlanq nyiq jeq tiqjeq khawf bi za’ni, ngar, nawmaf jawr-eu gar lar ma laer yawbae ngae nae noeqtaq-euq ma.

2 Gawˇliˬtu 2:3

Khoermirnae, ngar oekeuv ngae, ngaq-anr laqkhaq bicaer paq-aer ghae-eu tsawrhaq, ngaq-anr bi noeqshaq-eu tsawrhaq maqya pyeuf-ir ni, ngar, nawmaf-anr sanqbof heu bofanr lef-euq ma. Ngaq-euq laqkhaq caer-eu jeq-aq, nawmaf dawqtawv luf-euq laqkhaq caer-eu jeq pyeuf taef-a laer ngar yawduqbaw luf-eu ma.

2 Gawˇliˬtu 7:16

Yawqjeq navluf-euq lafkhoer ngar, nawmaf-anr yawduq baw-eu mirnae, nymq-mr ngar laqkhaqcaer mir-a.

2 Gawˇliˬtu 9:4

Khoerlof-aer maqngeur nar-aq, Maqgeqdawrniv mirkhanq-anr jawr-eu tsawrhaq ngaq naeq-aer oe ngae, nawmaf maq laeqhmq taq-euq gar ya’mawr nar-aq, nga’maf nae nawmaf-anr yawduq baw-euq khoer-aq, shafdawr-eu jeq pyeuf-ir taef-a. Nawmaf ya shafdawr-eu gar ngeurdzaeq taqpar aerkeuv.

Gaˬlaˬtiˆ 5:10

Nawmaf-euq nuinoeq yawqjeq yawq-aer maqpyeuf-ir-ar laer Sanqpaq Miqyaer-euq lafkhoer ngar, nawmaf-anr yawduqbaw ma. Aerkhawf, nawmaf-anr banqgha lar-eu aqsur ghaq maqkaq, yarkhaq dar-eu gar yadaq taef-a.

Eˇpeˇsu 4:12

Heu-aq, tsawrshawr deuq-anr maeqbym-awr, guiqlanq-euq gar mr-eu mirnae, Kali-euq mawrdo bihuiq bi manrlar-eu gharduq bifnaeq laf-euq mae.

Piˇliˇpiˆ 1:10

nawmaf yawmuiq jeq-anr tserpav nya’ni, nawmaf, Kali-euq arnan-anr keuvni, shawrjaevni ghae-awr sanqtif tifkhar maqza-eu tsawrhaq pyeuf-eu uqtaf,

Piˇliˇpiˆ 1:29

Aqjeq mirnae aernar-aq, nawmaf, Kali-anr janni taef-aer maqngeur-eu, aqyawf-euq gharduq daqnya’ni khawf guiqlanq bifnaeq taq-euq mae.

Piˇliˇpiˆ 2:12

Khoermirnae, ngar zawr gaq-eu cawqdeuq-or! Ngar, nawmaf naeq-aer jawr ngae, nawmaf aqmyanluf ngaq-euq dawq narhaq geuf-euq lof-aer, khoernav maqtser, nymq-mr ngar, nawmaf naeq-aer maqjawr ngae khawf ngaq-euq dawq narhaq geuf-awq. Nawmaf, yawqha-euq kakhof-eu jeq za’nya paq-aer, guv-awr yawdzuq dzuq-eu lafkhoer laejae duidui-awq.

Piˇliˇpiˆ 2:13

Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

Piˇliˇpiˆ 2:16

Daef-eu jeq bif-eu dawq-anr zifdanni nyaeftaeq taq-awq. Khoerlof-aer mr nar-aq, Kali-euq arnan keuvle ngae, ngaq nae caev-awr, ngaq nae mr-awr shar-euq yawqngaef maqngeur nga laer ngar laqkhaq yacaer taef-a.

Gawˇlawˇsehˇ 2:12

Nawmaf bartirsaq hageuf ngae, Kali naeq-aer bi bafpanq-euq mae. Aqyawf-anr shir-euq gar nae bi ghofdaef lar-euq Miqyaer gar mrluf-eu gar jan-eu mirnae, bartirsaq hageuf-eu lafkhoer, nawmaf, aqyawf naeq-aer tiqkawv lof-aer ghofdaef lar-euq mae.

1 Teˇsaˬloˇni 1:3

Nawmaf jan-eu lafkhoer gar mrluf sharluf-awr, gaq-eu baqda’nae mrdui shar duidui-eu uqtaf, aqdui-euq Sanqpaq Yeqsur Kali-anr noeqtmq-awr nuima zif-eu mirnae, Aqda Miqyaer-euq maeqshi aqmyanluf noeqkeuvluf ma.

2 Teˇsaˬloˇni 1:11

Khoermirnae, aqdui-euq Miqyaer, nawmaf-anr kur-euq gar geux-awr, aqyawf-euq baoq baqda’nae nawmaf mrmawf-eu yawmuiq yawqjeq navluf hawr-eu jan-awr, mr-euq dawqtawvluf bi pyeuflarni, nga’maf aqmyanluf nawmaf-euq gharduq guiqlanq sharluf-eu ma.

2 Teˇsaˬloˇni 3:4

Nga’maf nae dawq bif-euq lof-aer nawmaf mrluf sharluf-eu uqtaf, maeqhu paw khawf mrdav shardavlef taef-a laer, Sanqpaq Miqyaer-euq baqda’nae nga’maf, nawmaf-anr yawduqbaw ma.

Piˇleˇmoˬ 1:21

Nawr, ngaq-euq dawq narhaq taef-a laer ngar yawduq baw-eu mirnae, ngar, nawq-anr sanqbof heu bofanr lef-eu ma. Ngar shar-eu navmaqtser nawr janr taef-a laer ngar siqnya ma.

HeˬByehˇ 10:35

Khoermirnae, nawmaf yawduq baw-eu jeq-anr taq byaerdzae. Aqjeq mirnae aernar-aq, nawmaf heu-euq baqda’nae huiq duidui-eu mrpoeq lafsawq za taef-a.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

2 Beˬtuˆluˆ 3:10

Aerkhawf, Sanqpaq Miqyaer-euq arnan-aq, uqcif paw smrkhoeq khoeqlar-eu lof-aer keuvle taef-a. Khoerngae nan, mq tersar yawkhav-aer manrmanr-aer byov-ir-awr, lanr duidui-eu mirnae, yawqjeq navluf-anr guirbyovjir taef-a. Mirtsaq hawr-eu mirtsaq-euq khoertav kharjawr kharjav-eu jeq khawf puivdzaejir taef-a.