Piˇliˇpiˆ 1:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, ardanqbae ngae nan-anr nae iqnan keuvni, nawmaf khawf guiqlanq dawq-anr tafler-awr nae gar cawmr luf-eu mae.

Akha

⁵ Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬ lahˬ dawˬ mehˬ-eu gaˇ laꞈ kʼoeˇ, aˇ dahˬ beh ngeh neh iˬ nah keuˆ ni naw maꞈ ngaˬ-ahˇ caw ba nehˬ laꞈ-euˬ meh.

Piˇliˇpiˆ 1:5 Iomraidhean Croise

Gʼaˬkʼehˇ 2:42

Aqyawfmaf aqmyanluf ghaqkhaer deuq-euq dawqmaeq dawqtsov narhaq-awr, tiqghaq tirghaq cawqcawq taf-eu lafkhoer, kaqmur ngawqpyaeq-awr guiqlanq shartaf-eu mae.

Lormav 11:17

Tsawrhaqzaq nae kataq-euq saqloq uqpyaq tiqdeuq nav-anr deuvdzae-awr, bawrtsanq-euq saqloq uqpyaq pyeuf-eu nawmaf-anr tsafnaeq laf-awr, uqpyaq nuideuq naeq-aer tiqkawv lof-aer saqloq-euq duqcir-euq ardziq-anr shuvluf-eu ngeur nar-aq,

Lormav 12:13

Tsawrshawr mawf-eu jeq-anr cawba naeq-awq. Aqcawq-anr hageuf mawf-eu nuima anr-awq.

Lormav 15:26

Aqjeq mirnae aernar-aq, Maqgeqdawrniv mirkhanq hawr-eu Aqgaqyar mirkhanq-anr jawr-eu tsawrshawr deuq, Yeqlursaqlaeq-anr jawr-eu tsawrshawr deuq-euq lafkhoer irshaqzaq deuq-euq gharduq, pyur damq-awr cawba-eu gar nuikhanr shir-eu mae.

1 Gawˇliˬtu 1:9

Miqyaer-aq, sarjax zif-eu mae. Aqyawf-euq Zaqyo pyeuf-eu aqdui-euq Sanqpaq Yeqsur Kali naeq-aer, cawq bicawq-eu laer aqyawf, nawmaf-anr kur-euq mae.

2 Gawˇliˬtu 8:1

Aqyuif aqnyir deuq-or! Nga’maf, nawmaf-anr Maqgeqdawrniv mirkhanq-anr jawr-eu Kalizaq armur deuq-anr Miqyaer, guiqlanq yawdzanr bif-euq garkawv bi siqmawf mir-a.

Eˇpeˇsu 3:6

Zaftaq-euq khoer-aq heulof-aer mae: guiqlanqdawq baqda’nae aqcawq tsawrjeuq tsawrca khawf, Kali-euq lafkhoer Yurdav tsawrhaq naeq-aer tiqkawv lof-aer jeqbir of-awr, mawrdo tiq do taef-aer pyeuflar-euq uqtaf, aqyawf-euq sarjax-anr khawf tiqkawv lof-aer za-euq mae.

Piˇliˇpiˆ 1:12

Aqyuif aqnyir deuq-or! Ngaq-anr khar pyeuflar-euq jeq khoer-aq, guiqlanqdawq bikhawq-ir-eu gharduq law hawrngaq laer nawmaf-anr bi siqnya’mawf mir-a.

Piˇliˇpiˆ 1:16

Yawbae deuq-aq, yawqha, aqcawq taf-aer dzaeqler nya’ni sharnoeq-awr nuima maqshawr-eu lafkhoer, ngar shmrcav yadaq-eu heu yawbae navmaqtser lavshaq dzaeq-eu laer, Kali-euq garkawv dawqmaeq maeq-eu mae.

Piˇliˇpiˆ 1:27

Aqjox-aer law khawf, nawmaf, Kali-euq guiqlanq dawq-anr geuxni yawdaef daef-awq. Khoerlof-aer daef nar-aq, ngar oekeuv-awr nawmaf-anr ya’mawr ngae maqaer, nawmaf naeq-aer maqjawr ngae maqkaq, nawmaf nuima tiqsiq taef-aer taq-awr, nuinoeq tiqjeq taef-aer taq-eu uqtaf, guiqlanq dawq-anr taf-eu jan-eu jeq-euq gharduq, tiqkawv lof-aer laejae duidui-eu garkawv-anr ngar yagaq taef-a.

Piˇliˇpiˆ 1:7

Ngar, nawmaf yawqghaq navluf-euq garkawv heulof-aer noeq-eu-aq tsaq taef-a. Aqjeq mirnae aernar-aq, nawmaf, ngaq-euq nuima-euq lafkhoer jawrluf-eu mae. Ngar shmrcav ya daqluf ngae khawf, guiqlanq dawq-euq gharduq jashaw-eu lafkhoer tsaq mae laer sarkir kamqluf ngae khawf, nawmaf, ngaq naeq-aer tiqkawv lof-aer guiqlanq yawdzanr zaluf-eu mae.

Piˇliˇpiˆ 2:12

Khoermirnae, ngar zawr gaq-eu cawqdeuq-or! Ngar, nawmaf naeq-aer jawr ngae, nawmaf aqmyanluf ngaq-euq dawq narhaq geuf-euq lof-aer, khoernav maqtser, nymq-mr ngar, nawmaf naeq-aer maqjawr ngae khawf ngaq-euq dawq narhaq geuf-awq. Nawmaf, yawqha-euq kakhof-eu jeq za’nya paq-aer, guv-awr yawdzuq dzuq-eu lafkhoer laejae duidui-awq.

Piˇliˇpiˆ 2:22

Aerkhawf, nawmaf, Tivmorseq aqjox-aer ghae-eu tsawrhaq la laer siqnya-eu mae. Zaqyo tiq ghaq, aqda naeq-aer gar mr-eu lof-aer, guiqlanqdawq maeq-eu gar, aqyawf, ngaq naeq-aer mrluf-eu mae.

Piˇliˇpiˆ 4:3

Aqdir ngaq-euq gar mrcawq pyeuf-eu ghaq-or! Zaqmiq aqbur heu nyiq ghaq-anr cawba naeq-awq laer ngar, nawq-anr khawf shar-eu ma. Aqyawfnyaf, ngaq naeq-aer guiqlanqdawq maeq-eu gar mr-euq mae. Gaqleqmeq hawr-eu ngaq-euq gar mrcawq nuideuq khawf, aqyawf maf-euq tsawrmyanr Daef-eu jeq bif-eu sanqbof-euq lafkhoer bofanr taq-euq mae.

Piˇleˇmoˬ 1:17

Khoermirnae, ngar-aq, nawq-euq gar mrcawq ma laer nawr sawxluf-eu ngeur nar-aq, ngaq-anr hageuf-eu lof-aer aqyawf-anr hageuf-awq.

HeˬByehˇ 3:14

Yawbae ngae nae, aqdui nuizif zif-euq lof-aer, arsaqsaq ngae keuvni zifnya nar-aq, aqdui khawf Kali naeq-aer gawf-eu tsawrhaq ma.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.