Piˇliˇpiˆ 1:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.

Akha

¹¹ Miˬyehˇ-euˬ yaw shehꞈ kʼahˬ sehˇ-ahˇ aˬ cawˬ taˬ huiˬ-awˇ Miˬyehˇ-ahˇ ja ceuˬ laˇ gaˇ keuˆ ni Yeˬsuˇ Ka li tehꞈ-ehˇ jahˇ nehˬ nya-eu maˇ maˇ ni muiˬ-eu jeˬ kʼoeˇ, naw maꞈ yaw dehꞈ dehꞈ-eu laꞈ kʼoeˇ byah laˇ tehꞈ-a.

Piˇliˇpiˆ 1:11 Iomraidhean Croise

Jaceuq 1:3

Aqyawf-aq, lawrgawv gawvtaw kataq-euq arbawr lof-aer dur-awr, Aryamq tsaqlar ngae arsiq siqle-awr, Arpaf khawf kov-ir-eu maqbaw-a. Aqyawf kharmr kharshar-eu jeq muiqlar sanrlar-eu mae.

Maꞈtehˬ 5:16

Khoerlof-aer durni, nawmaf-euq yawshaef khawf aqcawq-euq maeqshi bibya-awq. Khoerlof-aer mr nar-aq, aqcawq, nawmaf mr-eu yawmuiq jeq-anr ya’mawr ngae, mq-euq khoertav jawr-eu nawmaf-euq Aqda-anr jaceuq taef-a.

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Yoˇhaˬ 15:2

Aqyawf, ngaq-anr tsoftsaf luf-eu gar nae arsiq maq siqle-eu cirni nizaq dawqtawv luf-anr deuvdzae-eu mae. Arsiq khar siqle-eu cirni nizaq deuq-anr-aq, bi siqdzaeq le-eu laer aqyawf yawmuiq-aer dawnaeq-eu mae.

Yoˇhaˬ 15:8

Nawmaf arsiq ghawqmya’ni siqle-eu baqda’nae, ngaqDa yawshaef khanqsaer za-awr, nawmaf khawf ngaq-euq zaqlanr pyeuflar taef-a.

Lormav 15:28

Khoermirnae, ngar gar heu mrluiv ghaq-awr, pyur heudeuq aqyawf maf-anr a’naeq ghaq-euq nar-aq, nawmaf jawr-eu gar nae Saqbeq-anr le ma.

Lormav 6:22

Aerkhawf, nymq-mr nawmaf iqbax-anr nae buq-ir-awr, Miqyaer-euq zaqkhav pyeuflar-euq mirnae, shawr-eu arsiq siqle luf-eu mae. Heu-euq arsaq saqduq-aq, mqmaq maqbyav yarzir daef-eu jeq za-eu mae.

1 Gawˇliˬtu 10:31

Khoermirnae, nawmaf dzaq-awr dawr-eu maqaer, aqjeq mr-eu maqkaq, yawqjeq navluf-euq lafkhoer Miqyaer-euq yawshaef khanqsaer dovlarni mr-awq.

2 Gawˇliˬtu 9:10

Miqyaer, siqyoeq saeq-eu tsawrhaq-euq gharduq siqyoeq zanqnaeq-awr, dzaq-eu gharduq dzaqdzaq dawrdawr bifnaeq luf-ur! Aqyawf, nawmaf ka-eu gharduq, siqyoeq laeqhmq naeq-awr, nawmaf nae saeqtaq-euq siqyoeq khoer bibaw bi zale-eu uqtaf, tsaq-awr dawr-eu jeq bimyaq bi sanrlar luf-ur!

Eˇpeˇsu 1:12

Khoer-aq, aqcawq-euq maeqhu Kali-euq lafkhoer noeqtmq-eu deuq, aqyawf-euq yawshaef khanqsaer-anr bi jaceuq-eu gharduq mae.

Eˇpeˇsu 1:14

Aqyawf-euq yawshaef khanqsaer-anr jaceuq-eu jeq dovlarni, zeurtsaev taq-euq kakhof-eu jeq maqza-euq khoerkeuvni, Yawshawr Saflar-aq, aqdui jeqbir za-eu yawduq bawmae laer kamq-eu ghaq pyeuf-eu mae.

Eˇpeˇsu 2:10

Aqdui-aq, Miqyaer-euq lafzar ma. Yawbae ngae nae aqdui-anr bimr-eu laer laeqhmq taq-euq yawmuiq jeq-anr, aqdui mrmr-aer daefni, Yeqsur Kali-euq lafkhoer aqdui-anr bae naeqlaf-euq mae.

Eˇpeˇsu 5:9

(Aqjeq mirnae aernar-aq, muiq-eu Saflar-euq arsiq-aq, tsaq-awr dawr-eu jeq, yawtsaq yawdawr jeq hawr-eu yawmuiq jeq dawqtawv luf-euq lafkhoer anr-eu mae).

Piˇliˇpiˆ 4:17

Ngar lafsawq za’ni sharpov-eu maqngeur. Aerkhawf, nawmaf-euq jeqma-anr jirjeuq bijeuq larni sharpov luf-eu ma.

Gawˇlawˇsehˇ 1:10

Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.

Gawˇlawˇsehˇ 1:6

Yawtsaq yawdawr-anr taf-eu Miqyaer-euq guiqlanq yawdzanr garkawv khoer, mirtsaq doeni gaqbyan-ir-awr, arsiq siqle luf-eu lof-aer, nawmaf jawr-eu gar gaqkeuv le-awr, nawmaf yagaq-awr siqnya-euq nan-anr nae nar-aq, nawmaf-euq ghanrcae khawf arsiq siqle luf-eu mae.

2 Teˇsaˬloˇni 1:12

Khoernar-aq, aqdui-euq Miqyaer hawr-eu Sanqpaq Yeqsur Kali-euq guiqlanq yawdzanr-euq lafkhoer, nawmaf-euq baqda’nae aqdui-euq Sanqpaq Yeqsur-euq tsawrmyanr yawshaef khanqsaer za-awr, nawmaf khawf aqyawf-euq baqda’nae yawshaef khanqsaer za taef-a.

Tiˇtuˆ 3:14

Nawmaf yawmuiq jeq ya’mr mae laer, aqdui-euq tsawrhaq deuq-anr maeqnaeq tsovnaeq-awq. Aqyawfmaf khoerlof-aer mr nar-aq, aqyawfmaf kharmawf-eu yawqjeq navluf javlar-awr, gar maq mrdovlaf nya-eu tsawrhaq maqpyeuf-ar.

HeˬByehˇ 12:11

Maeqpar naeqlaf-eu aqgeu jeq maqkaq, ya daqluf ngae narlar-eu mirnae, laqkhaq maq caernya-a. Aerkhawf, arsaq saqlar ngae, khoerlof-aer ya mrdzaw-euq tsawrhaq-euq gharduq, tsaq-awr dawr-eu nuisar of-eu arsiq siqle-eu mae.

1 Beˬtuˆluˆ 2:12

Nawmaf, Miqyaer-anr maqjan-eu tsawrhaq deuq-euq ghanrcae, yawmuiq jeq mrmr-aer daef-awq. Nawmaf yawdoer jeq mr-eu tsawrhaq-a laer aqyawfmaf jadoer-eu khawf, nawmaf yawmuiq jeq mr-eu gar ya’mawr-euq mirnae, Miqyaer-anr dzoer ngae nan, aqyawfmaf, Miqyaer-anr ciqhuiq ciqmanr taef-a.

1 Beˬtuˆluˆ 2:5

Nawmaf khawf, daefluf-eu khaqlo mae. Miqyaer nae saflar paw-euq nymr tsov-eu gar bizmq-awq. Nawmaf shawr-eu pirma geuf-awr, Yeqsur Kali-anr ghoe-awr nae, Miqyaer nuikhanr shir-eu saflar paw-euq lawrnaeq-eu jeq lawrnaeq-awq.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

1 Beˬtuˆluˆ 4:14

Kali-euq tsawrmyanr baqda’nae, aqcawq, nawmaf-anr yaeqbawq-aer aerlar nar-aq, nawmaf guiqlanqhuiq taef-a. Aqjeq mirnae aernar-aq, yawshaef khanqsaer hawr-eu Miqyaer-euq Saflar, nawmaf-euq khoertav jawrluf-eu mae.