Piˇliˇpiˆ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Akha

¹ Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Piˇliˇpiˆ 1:1 Iomraidhean Croise

Maˬkuˆ 13:34

Aryamq khoer-aq, tsawrhaq tiq ghaq, yawqkhanq yawqmir yawq-anr ir-euq gar dur-eu mae. Aqyawf ir-eu laer ghae ngae, zaqkhav yawqghaq navluf-anr aryaq bif-awr, gar khawf birnaeq yaf-euq uqtaf, larghov-anr lof-eu ghaq-anr khawf, yawbeur beur-aer lofni dawq bifyaf-euq mae.

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Gʼaˬkʼehˇ 1:20

“Aqjeq mirnae aernar-aq, Jaceuq-eu sanqbof-euq lafkhoer heulof-aer boftaq-euq mae, ‘Aqyawf-euq jawrduq-anr tsawrhaq tiqghaq-iq maqjawrni, mirtsoeq tsoeq-ir luf-ur. (Jc 69:25) Aqyawf-euq ardeuv artiv-anr, aqcawq nae bi yurluf-ur.’ (Jc 109:8)

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Gʼaˬkʼehˇ 9:13

Khoerngae, Aqnaqnir heulof-aer aerkhof naeq-euq mae: “Sanqpaq-or! Tsawrhaq heughaq-aq, Yeqlursaqlaeq-anr jawr-eu nawq-euq tsawrshawr deuq-anr arnavni lavtanq lavnar naeq-euq garkawv, ngar, ghawqmya ghaq ja-eu gar yagaq-euq ma.

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

Lormav 1:7

Miqyaer zawr gaq-awr, tsawrshawr pyeuflarni bi kurtaq-euq Lormav meuq-anr jawr-eu nawmaf dawqtawv luf-anr ngar sanqbof bofanr laf-euq ma. Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

1 Gawˇliˬtu 16:10

Tivmorseq, nawmaf jawr-eu gar lar nar-aq, aqyawf, nawmaf naeq-aer jawr ngae maqya guvni hawnaeq-awq. Aqjeq mirnae aernar-aq, aqyawf khawf, ngar lof-aer Sanqpaq Miqyaer-euq gar mr-eu mae.

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

Gaˬlaˬtiˆ 1:10

Nymq-mr, tsawrhaq, ngaq-anr nuima tsaqni ngar mrluf-eu nga lor? Maqngeur nar-aq, Miqyaer nuima tsaqni mrluf-eu nga laq? Tsawrhaq, ngaq-anr nuikhanr bishir-eu laer ngar povluf-eu nga lor? Tsawrhaq, ngaq-anr nuikhanr bishir-eu laer ngar povluf-eu ngeur nar-aq, ngar-aq, Kali-euq zaqkhav maqngeur-a.

Gaˬlaˬtiˆ 3:26

Jan-eu mirnae, nawmaf yawqghaq navluf, Yeqsur Kali-euq lafkhoer Miqyaer-euq zaq pyeuflar-euq mae.

Gaˬlaˬtiˆ 3:28

Nawmaf dawqtawvluf, Yeqsur Kali-euq lafkhoer tiq ghaq lof-aer taef-aer pyeuf-eu mirnae, Yurdav tsawrhaq hawr-eu Heqlaqsar tsawrhaq, zaqkhav hawr-eu buq-ir-euq tsawrhaq, zaqyo aqli hawr-eu zaqmiq aqbur laer maqpar baw-eu mae.

Eˇpeˇsu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Yeqsur Kali-euq lafkhoer sarjax zif-eu tsawrhaq pyeuf-eu, Erpersu-anr jawr-eu tsawrshawr deuq-anr sanqbof bofanr lef-eu ma.

Eˇpeˇsu 1:15

Khoermirnae, nawmaf, Sanqpaq Yeqsur-anr nuijan anr-awr, tsawrshawr dawqtawv luf-anr gaq-eu garkawv ngar yagaq-awr,

Eˇpeˇsu 6:24

Aqdui-euq Sanqpaq Yeqsur Kali-anr maqbyov-ir ni gaq-eu tsawrhaq yawqghaq navluf-euq khoertav, guiqlanq yawdzanr jav luf-ur. Aqmeq.

Piˇliˇpiˆ 2:19

Ngar, nawmaf-euq garkawv yasiq-awr nuima ghaq anrlarni, ghawqmyanr maqghae-aer, Tivmorseq, nawmaf jawr-eu gar bi’oe ma laer Sanqpaq Yeqsur-euq lafkhoer noeqtmq luf-eu ma.

Piˇliˇpiˆ 2:5

Yeqsur Kali nuima taq-eu lof-aer, nawmaf khawf taq-awq.

Piˇliˇpiˆ 3:12

Ngar zadzeur-euq ma laer aer-eu maqngeur. Nymq-mr ngar byanlar-euq ma laer aer-eu khawf maqngeur. Yeqsur Kali, ngaq-anr nyaeftaeq taq-euq lof-aer, ngar khawf byan-eu jeq-anr nyaefza nya’ni laejae-eu lafkhoer taeluf-eu ma.

Piˇliˇpiˆ 3:3

Aqdui-aq, aqdir aqmar bawkhov maeqdzaq yaeq-awr, muiq-eu Saflar-euq lafkhoer Miqyaer-anr uqduq tanq-eu tsawrhaq ma. Shiqshaq-euq lafkhoer yawduq baw-eu maqngeur, Yeqsur Kali-euq lafkhoer laqkhaq caer-eu tsawrhaq ma.

Piˇliˇpiˆ 3:8

Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.

1 Teˇsaˬloˇni 1:1

Pawrluv, Siqlav hawr-eu Tivmorseq nga’maf smr ghaq, Aqda Miqyaer hawr-eu Sanqpaq Yeqsur Kali-euq lafkhoer jawr-eu, Tersaqlorni Kalizaq armur-anr sanqbof bofanr laf-eu ma. Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

1 Teˇsaˬloˇni 2:2

Nawmaf siqluf-eu lof-aer, dzeurlaf ngae, nga’maf, Pirlirpiv-anr jawr ngae, aqcawq khaeqnaeq khavnaeq laf-awr, yaeqbawq saerlu-aer janrnaeq laf-eu gar yadaq-euq ma. Nawmaf-anr Miqyaer-euq guiqlanqdawq maeqlar ngae, lavtsoeq-eu jeq ghawqmya’ni jav-eu khawf, nga’maf, aqdui-euq Miqyaer-anr ghoeghoe-aer nuima khaqduqni maeq-euq ma.

2 Teˇsaˬloˇni 1:1

Pawrluv, Siqlav hawr-eu Tivmorseq ngaqha smr ghaq, aqdui-euq Aqda Miqyaer hawr-eu Sanqpaq Yeqsur Kali-euq lafkhoer jawr-eu, Tersaqlorni Kalizaq armur-anr sanqbof bofanr laf-eu ma.

2 Teˇsaˬloˇni 1:10

Khoerngae nan, Sanqpaq Yeqsur zafka le-awr, aqyawf-euq tsawrshawr deuq, aqyawf-anr ciqhuiq ciqmanr-awr, aqyawf-anr jan-eu tsawrhaq dawqtawvluf, aqyawf-anr jaceuq taef-a. Aqjeq mirnae aernar-aq, nga’maf nae nawmaf-euq ghanrcae sarkir kamq-euq gar nawmaf jan-eu mae.

1 Tiˆmoˇseˬ 1:2

Jan-eu paw aqdir ngaqli pyeuf-eu Tivmorseq-anr sanqbof bofanr lef-euq ma. Aqdui-euq Aqda Miqyaer hawr-eu aqdui-euq Sanqpaq Yeqsur Kali-anr nae oe-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

1 Tiˆmoˇseˬ 3:8

Khoerlof-aer durni, cawba-eu deuq khawf, aqcawq yawzeu baw-eu tsawrhaq yapyeuf-eu mae. Maeqlar lardzaeq tsof-awr, aqgaf dzaruir ardzaeq-aer dawrdzeur-eu uqtaf, pyurshuir myawqganq-anr maerjuir juir-eu tsawrhaq maqya pyeuf-a.

Tiˇtuˆ 1:1

Ngar-aq, Miqyaer-euq zaqkhav hawr-eu Yeqsur Kali-euq ghaqkhaer Pawrluv ma. Miqyaer nae tserdov taq-euq tsawrhaq jan-eu jeq-anr cantae-awr, Miqyaer-anr yawzeu baw-eu yawtsaq yawdawr-anr siqnya larni,

Tiˇtuˆ 1:7

Kalizaq armur-anr hawlanr-eu tsawrhaq-aq, Miqyaer-euq myawq-anr hawpir-eu tsawrhaq pyeuf-eu mirnae, aerkhar maqza-eu, yawqha-euq nuinoeq nuilov maqgeuf-eu, nuima maqsuq-eu, jirbaq maqyaef-aer, aqcawq-anr maqdiq maqkhov-eu uqtaf, pyur-anr maerjuir maqjuir-eu tsawrhaq yapyeuf-eu mae.

Piˇleˇmoˬ 1:1

Ngar-aq, Yeqsur Kali-euq gharduq kuv-anr urluf-eu Pawrluv ma. Aqnyir Tivmorseq nga’nyaf, nga’nyaf zawr gaq-eu gar mrcawq Pirlermoq-anr maqaer,

HeˬByehˇ 13:23

Aqdui-euq maernmr Tivmorseq, kuv-anr nae bi pyaeqdov ghaq-euq mae. Aqyawf yawkawr-aer larkeuv nar-aq, ngar khawf aqyawf naeq-aer nawmaf jawr-eu gar lar mae laer siqnya-awq.

Yaˬkoˆ 1:1

Ngar-aq, Miqyaer hawr-eu Sanqpaq Yeqsur Kali-euq kuirlaf zaqkhav Yaqkov ma. Kharngeur-eu gar jawrbyav taq-euq tsawrjeuq 12 jeuq-anr dawqcawq puqanr lef-eu ma.

1 Beˬtuˆluˆ 2:25

Yawbae, nawmaf-aq, garbanq banq-euq yawr-anr dur-eu mae. Aerkhawf, nymq-mr nawmaf-aq, nawmaf-euq nuima saflar-anr hawpir-eu ghaq hawr-eu yawr bo-eu ghaq jawr-eu gar ghofkhof lar-euq mae.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

Yuˇdaˆ 1:1

Ngar-aq, Yeqsur Kali-euq kuirlaf zaqkhav hawr-eu Yaqkov-euq maernmr Yurdav ma. Aqda Miqyaer nae kurdov-awr lavshawr-euq uqtaf, Yeqsur Kali bosav-eu lafkhoer jawrluf-eu tsawrhaq deuq-anr sanqbof bofanr lef-euq ma.

Panmaeq 1:1

Yeqsur Kali nae panmaeq naeqlaf-euq, ghawqmyanr maqghae-aer pyeuflar-eu laer ghae-eu garkawv heudeuq-aq, aqyawf-euq ghaqzaq ghaqkhaer deuq-anr bimawr-eu laer Miqyaer nae aqyawf-anr bif-awr, panmaeq naeq-euq mae. Aqyawf, mqtav ghaqkhaer-anr ghoe-awr garkawv heudeuq, aqyawf-euq ghaqzaq ghaqkhaer Yorhaq-anr bi siqnya-euq mae.

Panmaeq 1:20

Nawq nae ya’mawr-euq, ngaq-euq armar laf-anr anr-eu aqguir shif siq hawr-eu, shuir nae janr-euq tsirkhmq dofdavduq shif hmq-anr tafler-awr zaftaq-euq dawqtsuif-aq heulof-aer mae: aqguir shif siq-aq, Kalizaq armur shif mur-euq mqtav ghaqkhaer deuq mae. Shuir nae janr-euq tsirkhmq dofdavduq shif hmq-aq, Kalizaq armur shif mur mae.”

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”

Panmaeq 2:12

“Beqgaqmor Kalizaq armur-euq mqtav ghaqkhaer-anr heulof-aer bofnaeq-awq: ‘Miseuq nyiq paw baw-awr tav duidui-eu micaer bafluf-eu ghaq heulof-aer aer-eu mae:

Panmaeq 2:8

“Saqmeuqnav Kalizaq armur-euq mqtav ghaqkhaer-anr heulof-aer bofnaeq-awq: ‘Ardanq bae-eu hawr-eu Arsaq saq-eu ghaq pyeuf-awr, shir-euq khawf ghofdaef lar-euq khoerghaq heulof-aer aer-eu mae:

Panmaeq 22:9

Khoerngae, aqyawf, ngaq-anr aernaeq laf-eu, “Hawsher-eq! Nawr teulof-aer taqjanr. Ngar khawf nawq-euq aqyuif aqnyir pyeuf-eu Miqyaer gharduq ngaeqdan-eu tsawrhaq hawr-eu, sanqbof heudmq-euq lafkhoer boftaq-euq dawqdeuq-anr mrcaw luf-eu tsawrhaq deuq lof-aer kuirlaf zaqkhav geufluf-eu, nawq-euq cawq ma. Miqyaer-anr uqduq tanq-awq.”