Jaceuq 99:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer uvlanrluf mae. Tsawrhaqzaq yawdzuq bidzuq-awq! Aqyawf, Jeqlurbeq-euq yawkaq-anr jawr-eu mae. Mirtsaq mirluv bi luvlar-awq!

Akha

¹ Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Jaceuq 99:1 Iomraidhean Croise

Jaceuq 18:10

Aqyawf, Jeqlurbeq-anr dziq-awr zaw-eu mae; Aqyawf, jaqlaer-euq aqdanr-euq khoertav zaw-eu mae.

Jaceuq 2:6

“Ngaq-euq shawr-eu gawqjawq, Ziroq gawqjawq-euq khoertav, Ngar, ngaq-euq Sanqpaq tiq ghaq tsovtaq-euq ma.”

Jaceuq 80:1

Yawrmaf-anr sheuqghae-eu lof-aer Yorsaev-anr sheuqghae-awr, Yawr bo-eu lof-aer Irsaqleqlav-anr bosav-eu ghaq-or, Nga’maf-anr naqbawr ciqkhmr naeqlaf-awq. Jeqlurbeq-euq yawkaq-anr jawrluf-eu ghaq-or, Yawshaef byadov lef-awq.

Jaceuq 80:2

Erpaqleq, Beqyaqmiq hawr-eu Maqnarseq-euq maeqshi, Nawq-euq ghaq bimawr-eu lafkhoer, Oe-awr nga’maf-anr kakhof naeqle-awq.

Jaceuq 82:5

Aqyawfmaf maq siqnya-aer, aqyawfmaf maq ghovshaw nya’ni, Aqyawfmaf, yawzanr-euq lafkhoer canluf-eu mae. Mirtsaq-euq dawqpaeq duqpur dawqtawvluf maqzif-a.

Jaceuq 93:1

Ya’we Miqyaer uvlanrluf mae. Aqyawf-aq, yawbya jaqlaq dmluf-eu mae. Ya’we Miqyaer-aq, aqyawf-euq ghaq maeqtsoeq lof-aer dmdav-awr, Jofpaf paftaq-euq mae. Yawduq bawni, mqmir-aq, lavzif taq-euq mirnae maq lavluv nya-a.

Jaceuq 96:10

Tsawrjeuq tsawrca deuq-euq ghanrcae heulof-aer aer-awq, “Ya’we Miqyaer uvlanrluf mae. Mirtsaq tanqkhawr khawf, maq jivlar paq-aer zifdanni lavzif taq-awr; Aqyawf, tsawrhaqzaq-anr tsaq-awr dawr-eu lafkhoer yarkhaqdar taef-a.”

Jaceuq 96:9

Ya’we Miqyaer shawr-awr hawmuiq-eu gar uqduq tanq-awq. Mirtsaq dawqtawvluf, aqyawf-euq maeqshi yawdzuq dzuq-awq.

Jaceuq 97:1

Ya’we Miqyaer uvlanrluf mae. Mirtsaq tanqkhawr laqkhaq caer-awq. Irjawlanr-anr jawr-eu tsawrhaq baqmaf deuq khawf, lurgha caergha-awq.

Jaceuq 97:4

Aqyawf-euq mqmyawf, mirtsaq tanqkhawr-anr yawshaef bi byalar-awr; Mirtsaq hawmawr ngae, yawdzuq dzuq-eu mae.

Luˇkaꞈ 19:12

Khoermirnae, Yeqsur heulof-aer aernaeq-euq mae, “Tsawrhuiq tsawrma tiq ghaq garmanr kaq-eu mirkhanq-anr ir-awr, mirkhanq-anr uvlanr-eu dzoeqdzaq hageuf laq-ir-euq mae.

Luˇkaꞈ 19:14

“Aerkhawf, aqyawf-euq mirkhanq-euq zaqlanr deuq, aqyawf-anr byae-eu mirnae, aqyawf-euq maeqnan aqyawf maf-euq danzar khaerghae-awr heulof-aer bitsaf-ir-euq mae, ‘Nga’maf heughaq nae maqbi uvlanrmawf nya.’

Luˇkaꞈ 19:27

Khoeruqtaf, ngaq-anr muir-awr, ngaq-anr aqyawf maf-euq khoertav maqbi uvlanr mawf-eu deuq-anr sheuqlaf-awr ngaq-euq maeqshi saef-awq.’ ”

Piˇliˇpiˆ 2:12

Khoermirnae, ngar zawr gaq-eu cawqdeuq-or! Ngar, nawmaf naeq-aer jawr ngae, nawmaf aqmyanluf ngaq-euq dawq narhaq geuf-euq lof-aer, khoernav maqtser, nymq-mr ngar, nawmaf naeq-aer maqjawr ngae khawf ngaq-euq dawq narhaq geuf-awq. Nawmaf, yawqha-euq kakhof-eu jeq za’nya paq-aer, guv-awr yawdzuq dzuq-eu lafkhoer laejae duidui-awq.

Panmaeq 11:17

heulof-aer aer-eu mae: “Arhu nae daef-eu nymq-mr keuvni daefluf-awr, Aqkar zafka le-eu laer ghae-eu ghaq pyeuf-eu, Baoq huiq duidui-eu Sanqpaq Miqyaer-or! Nawq-euq huiq-eu baoq nae nymq-mr nawr uvlanr luf-eu mirnae, Nga’maf, nawq-euq guiqlanq-anr jaceuq ma.

Panmaeq 20:11

Khoerngae, ngar, pyurdeuqni ghae-eu nuirmanq manqma hawr-eu nuirmanq-anr nuirluf-eu ghaq-anr ya’mawr-euq ma. Mq hawr-eu mir, aqyawf-euq maeqshi nae caevdov ghae-awr, aqyawf maf-euq javduq javzar maqpar povmawr nya-eu mae.

Panmaeq 6:14

Seuqghaq artaf laeqyov-eu lof-aer mq byov-ir-euq mae. Gawqjawq hawr-eu irjawlanr dawqtawvluf yawqha-euq jawrduq-anr nae jivdov ghae-euq mae.