Jaceuq 26:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawq-euq ghoer-awr gaq-eu jeq, ngaq-euq myavnuiv-euq maeqshi javluf-eu mirnae, Ngar, nawq-euq yawtsaq yawdawr-euq lafkhoer can-euq ma.

Akha

³ Maˬtsehˆleˇ-eu nawˇgaˬ-eu jeˬ, ngaˬ-euˬmyaˆnuiˆmehˬshi jaˆ-awˇ, nawˬ-ahˇsaˇjaˇziꞈ-eu laꞈkʼoeˇ, ngaˇdehꞈgʼeh jawˇgʼeh luꞈ-eu ma.

Jaceuq 26:3 Iomraidhean Croise

Jaceuq 101:2

Ngar, noeqganr-awr nae byan-eu garma-anr can ma. Nawr, ngar jawr-eu gar aqmyan oe-eu laer ghae-eu le? Ngar, ngaq-euq nymr-euq lafkhoer nuima shawrjaevni daef ma.

Jaceuq 119:142

Nawq-euq tsaq-awr dawr-eu jeq-aq, Mqmaq maqbyav yarzir gmq-eu, tsaq-awr dawr-eu jeq pyeuf-awr; Nawq-euq zanrdawq-aq, yawtsaq yawdawr mae.

Jaceuq 25:5

Ngaq-anr nawq-euq yawtsaq yawdawr-euq lafkhoer sheuqghae naeqlaf-awr, ngaq-anr maeqnaeq laf-awq; Aqjeq mirnae aernar-aq, nawr-aq, ngaq-anr bibuq-ir-eu Miqyaer mae; Nan’ga-i ngar, nawq-anr dawqluf-eu ma.

Jaceuq 52:1

Baoq huiq-eu tsawrhaq-or! Nawr aqjeq ghae-eu yawdoer jeq-anr khanqsaer jaev-eu le? Miqyaer-euq yawmuiq-aq, li-eu maqbawni zif-eu mae.

Jaceuq 86:11

Ya’we Miqyaer-or! Ngaq-anr nawq-euq garma maeqnaeq laf-awq. Ngar, nawq-euq yawtsaq yawdawr-euq lafkhoer can ma. Ngar, nawq-euq tsawrmyanr-anr guvnya’ni, Ngaq-euq nuima yavuiq naeqlaf-awq.

Luˇkaꞈ 6:36

Nawmaf-euq Aqda ghawqshaq gaqnya-eu lof-aer nawmaf khawf ghawqshaq gaq-eu nuima anr-awq.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

2 Gawˇliˬtu 8:9

Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

Eˇpeˇsu 4:32

Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

2 Yoˇhaˬ 1:4

Aqda Miqyaer nae aqdui-anr dawq biftaq-euq lof-aer nawq-euq zaq tiqpavnav deuq yawtsaq yawdawr-euq lafkhoer daefluf-eu gar ngar ya’mawr-euq mirnae, laqkhaqcaer duidui nya.

3 Yoˇhaˬ 1:11

Ngar zawr gaq-eu cawq-or! Yawdoer jeq-anr taq hawgeuf, taq dzawgeuf, yawmuiq jeq-anr taef-aer hawgeuf dzawgeuf-awq. Yawmuiq jeq mr-eu tsawrhaq-aq, Miqyaer-anr taf-eu tsawrhaq mae. Yawdoer jeq mr-eu tsawrhaq-aq, Miqyaer-anr maq mawrhaw-euq tsawrhaq mae.