Jaceuq 26:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-or! Ngaq-anr yarkhaq dar-awq. Aqjeq mirnae aernar-aq, ngar yawmuiq yawjaq-euq lafkhoer daeflaf-euq ma. Ngar, Ya’we Miqyaer-anr ghoe-euq mirnae, ngar povpov lavlav-aer maqghae.

Akha

¹ Sahˬpaˬ Miˬyehˇ-oˇ, Ngaˇyaw tsaˬyaw dawˇjeˬmˇ-awˇ, nawˬ-ahˇjah-eu ziꞈ-eu miˇneh, iˬbaˇ maˬahˇ-a lehˇ daˇ-awˬ.

Jaceuq 26:1 Iomraidhean Croise

Jaceuq 121:3

Aqyawf, nawq-euq aqkuir-anr sanqtif maqbi tif-ar. Nawq-anr hawpir-eu ghaq aqmyanluf yawnoeq mae.

Jaceuq 15:2

Dawrcoeni can-awr, tsaq-awr dawr-eu jeq mr-eu uqtaf, Yawqha-euq nuima-euq lafkhoer yawtsaq yawdawr ngaeq-eu tsawrhaq,

Jaceuq 21:7

Sanqpaq-aq, Ya’we Miqyaer-anr ghoe-eu mirnae, Gor duidui-eu ghaq ghawqshaq gaq-eu baqda’nae, aqyawf maq nyilar-ar.

Jaceuq 25:2

Ngaq-euq Miqyaer-or! Ngar, nawq-anr ghoe ma. Ngaq-anr taqbi shafdawr-ir naeqlaf; Ngaq-anr muir-eu deuq ngaq-anr taqbi ghaqlar naeqlaf.

Jaceuq 25:21

Ngar, nawq-anr dawqluf-eu mirnae, Yawmuiq yawjaq hawr-eu yawdawr yawtsaq jeq nae, ngaq-anr hawpir naeqlaf-awq.

Jaceuq 26:11

Aerkhawf, ngar-aq, ngaq-euq yawmuiq yawjaq-euq lafkhoer can ma. Ngaq-anr ghawqshaq gaq-awr kakhof naeqlaf-awq.

Jaceuq 28:7

Ya’we Miqyaer-aq, ngaq-euq ghaq hawr-eu daeqdaqduq pyeuf-awr, Ngaq-euq nuima, aqyawf-anr ghoe-eu naeq-aer, aqyawf, ngaq-anr cawba naeqlaf-eu mae. Khoermirnae, ngaq-euq nuima laqkhaq yawkhav-aer caer-awr, Ngar dawqcar car-awr, aqyawf-anr jaceuq ma.

Jaceuq 31:14

Aerkhawf, Ya’we Miqyaer-or! Ngar lawnmr-aq, nawq-anr ghoe ma. “Nawr-aq, ngaq-euq Miqyaer ma” laer ngar aer ma.

Jaceuq 35:24

Ngaq-euq Miqyaer pyeuf-eu Ya’we Miqyaer-or! Nawr tsaq-awr dawr-eu gar tsaqni, ngaq-anr japir naeqlaf-awr; Ngaq-euq baqda’nae aqyawfmaf laqkhaq taqbi caer law.

Jaceuq 37:31

Aqyawf-euq Miqyaer-euq zanrdawq, aqyawf-euq nuima-euq lafkhoer anr-eu mirnae, Aqyawf kuirtof ciq ngae maqjur-ir-ar.

Jaceuq 4:5

Tsaq-awr dawr-eu lawr-eu jeq lawrnaeq-awr, Nawmaf, Ya’we Miqyaer-anr taef-aer ghoe-awq.

Jaceuq 43:1

Miqyaer-or! Ngaq-anr japir naeqlaf-awr, Miqyaer-anr yawzeu maqbaw-eu tsawrjeuq tsawrca naeq-aer, Ngaq-euq garkawv yarkhaq jadan naeqlaf-awq. Jaqmyawf maershuir hawr-eu maqdawr maqtsaq-eu tsawrhaq-anr nae, Ngaq-anr bibuq-ir laf-awq.

Jaceuq 54:1

Miqyaer-or! Nawq-euq tsawrmyanr nae ngaq-anr kakhof naeqlaf-awq; Nawq-euq ghaq-anr ghoe-awr ngar maqlaeq-a laer japir naeqlaf-awq.

Jaceuq 62:2

Aqyawf taef-aer ngaq-euq logur hawr-eu ngaq-anr kakhof-eu ghaq pyeuf-awr; Aqyawf, ngaq-anr deuvpir naeqlaf-eu ghaq pyeuf-eu mae; Ngar tiqpawf-iq nyinyi-aer maq ghaelar.

Jaceuq 62:6

Aqyawf taef-aer ngaq-euq logur hawr-eu ngaq-anr kakhof-eu ghaq pyeuf-awr; Aqyawf, ngaq-anr deuvpir naeqlaf-eu ghaq pyeuf-eu mae; Ngar, nyinyi-aer maq ghaelar.

Jaceuq 7:8

Ya’we Miqyaer, tsawrhaqzaq-anr, yarkhaqdar taef-a. Ya’we Miqyaer-or! Ngar tsaq-awr dawr-eu gar hawr-eu, Ngaq-euq lafkhoer anr-eu muiq-awr dawr-eu gar haw-awr, Ngaq-anr yarkhaq darnaeq laf-awq.

Jaceuq 94:18

Ngar, “Ngaq-euq aqkuir nawqjur-ir luf mir-a” laer aer lawnmr-aq, Ya’we Miqyaer-or! Nawq-euq ghawqshaq gaq-eu jeq, Ngaq-anr ciqtur naeqlaf taef-a.

Dawqdaq 20:7

Dawrcoeni daef-eu tsaq-awr dawr-eu tsawrhaq-aq, Aqyawf-euq maeqnan jawryaf-eu zaqdeuq-anr, Guiqlanq pyeuf-eu mae.

Dawqdaq 29:25

Tsawrhaq-anr guv-eu jeq-aq, tanrpaf lar-eu lanrju pyeuf-eu mae. Aerkhawf, Ya’we Miqyaer-anr, ghoe-eu tsawrhaq-aq, yabuq-ir taef-a.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

HeˬByehˇ 10:23

Aqdui nae aerdov dzeur-euq noeqtmq-eu jeq-anr povpov lavlav-aer maqghaeni, zifdanni nyaeftaeqtaq kar-eur. Aqjeq mirnae aernar-aq, aqdui-anr sarjax bif-euq ghaq-aq, sarjax zif-eu mae.

1 Beˬtuˆluˆ 1:5

Arsaq saqlar ngae, nawmaf-euq gharduq laeqhmq taq-euq, kakhof-eu jeq byacaevni panmaeq naeqlaf-awr, nawmaf kharjan-eu deuq-anr Miqyaer, aqyawf-euq baoq nae bosav luf-eu mae.

2 Beˬtuˆluˆ 1:10

Khoermirnae, aqyuif aqnyir deuq-or! Miqyaer nae nawmaf-anr kur-awr, tserdov-euq jeq byacaevni dovlar paq-aer, yawkhav-aer laejae-awq. Khoerlof-aer janr nar-aq, nawmaf tiqjawr-iq sanqtif maqtif-ar.