Jaceuq 101:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ngar, dawqpae jawr-eu tsawrhaq-anr, Jabu jadoer-awr, dawqsav savkhoeq-eu aqgeu ghaq-anr maqkaq, lavcawv ma. Ngar, janrghae-eu myavhaw haw-awr, Nuima huiq-eu tsawrhaq-anr maqdaq maq ornaeq.

Akha

⁵ Aˬ cawˬ kʼoeˇ taˆ yaw haiˬ jeˬ mˇ-eu gʼaˇ duˬ dawˬ saˆ saˆ kʼoeˬ-eu tsawˇ haˬ-ahˇ, ngaˇ yahˇ pawˇ ma. Nui ma huiˬ-awˇ smˇ kʼaˆ kʼaˆ dzaˬ-eu tsawˇ haˬ-ahˇ ngaˇ maˬ taꞈ.

Jaceuq 101:5 Iomraidhean Croise

Jaceuq 138:6

Ya’we Miqyaer-aq, yawgor-anr jawr-eu khawf, Aqyawf, yaw’aw-anr jawr-eu deuq-anr noeqkeuv-eu mae; Aerkhawf, nuima huiq-eu deuq-anr-aq, garmanr kaq-eu gar nae siqnya-eu mae.

Jaceuq 15:3

Aqyawf-euq maeqlar nae narkhan paw maq jabu maq jadoer-aer, Yawqha-euq dawqpae jawr-eu tsawrhaq-anr yawdoer jeq maqmr-eu uqtaf, Yawqha-euq dawqpae jawr-eu tsawrhaq-anr dawqdoer maqngaeq-eu tsawrhaq,

Jaceuq 18:27

Aqjeq mirnae aernar-aq, nawr, nuinanq nuiyu anr-eu tsawrhaq-anr bibuq-ir-awr, Nawr, nuima huiq-awr haw-eu deuq-anr gheuka naeq-euq mae.

Jaceuq 50:20

Nawmaf nuirtaq-awr yawqha-euq maernmr-anr coeqler-eu jeq ngaeq-awr, Yawqha-euq aqma-euq zaqyo-anr jabu jadoer-eu mae.

Dawqdaq 10:18

Byae-eu jeq zaftaq-euq tsawrhaq-euq maeqboeq-aq, jaqmyawf myawf-awr, Yawdoer jakhawq-eu tsawrhaq-aq, aqdzawq argan mae.

Dawqdaq 20:19

Dawqdoer jaja-aer can-eu tsawrhaq-aq, Zaftaq-euq jeq jakhawq-eu mae. Khoermirnae, yawqha-euq maeqluq nae, Japoeq-eu janrgeuf-eu tsawrhaq-anr cawq taqcawq.

Dawqdaq 21:4

Nuima huiq-awr janrghae-eu myavnuiv, Hawr-eu tsawrcawv-euq tsirkhmq-aq, iqbax mae.

Dawqdaq 25:23

Laftav paw nae bawghae lef-eu jaqlaer-aq, uqyaer bi yaerle-eu lof-aer, Jadoer-eu maeqlar-aq, nuima bi paerlar-awr, myavpyawq bizanr-ir-eu mae.

Dawqdaq 30:13

Yawqhar yawqha, maqgar duidui ma laer noeq-awr, Janrghae-eu myavnuiv tsof-eu tsawrhaq tsawrtsuif jawr-eu mae.

Luˇkaꞈ 18:14

Ngar, nawmaf-anr aernaeq nyar, Paqliqsaer khoerghaq navmaqtser, jeq taf-eu khoerghaq tsaq-awr dawr-eu tsawrhaq pyeuflar-awr, irkanr ghof-ir-euq mae. Aqjeq mirnae aernar-aq, yawqhar yawqha taqhuiq-eu tsawrhaq yawqghaq navluf, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, yabi taqhuiq taef-a.”

1 Gawˇliˬtu 5:11

Aerkhawf, nymq-mr ngar, nawmaf-anr bofanr lef-euq heu-aq, aqyuif aqnyir Kalizaq ma laer aer-eu gar nae, maqtsaq-eu lafkhoer banq-awr joe-eu, aqcawq-euq myawq-anr maerjuir juir-eu, tanqpanq aqma mawrkawr-anr uqduq tanq-eu, jabu jadoer-eu, jirbaq dawryaef-eu hawr-eu, aqcawq-euq myawq-anr khaeqgeuf khavgeuf-eu tsawrhaq naeq-aer cawq taq cawqtaf, aqyawfmaf naeq-aer dzaq khawf taq dzaqtaf laer bofanr lef-euq ma.

1 Tiˆmoˇseˬ 3:11

Khoerlof-aer durni, zaqmiq aqbur deuq khawf, aqcawq yawzeu baw-eu tsawrhaq yapyeuf-awr, aqcawq-anr jabu jadoer-eu tsawrhaq maqya pyeuf-a. Yawha-euq nuima-anr ghaqler-awr, yawqjeq navluf-anr sarjax zif-eu tsawrhaq yapyeuf-eu mae.

Tiˇtuˆ 2:3

Khoerlof-aer durni, aqpiq tsawrmawq deuq-anr khawf, mr-awr shar-eu, ngaeq-awr tmr-eu lafkhoer, aqcawq yawzeu bawni daef-awr, aqcawq-anr taq jabu taq jadoer, jirbaq-euq zaqkhav taqgeuf. Yawmuiq jeq maeqnaeq tsovnaeq nya-eu tsawrhaq pyeuflarni maeqnaeq-awq.