Jaceuq 101:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngar, ngaq-euq myavnuiv-euq maeqshi yawdoer jeq maqbi jav. Ngar, garbanq banq-ir-euq deuq mr-eu jeq-anr byae-eu ma. Ngaq-anr heulof-aer ghae-eu tiqjeq-iq maqbi myanqlar.

Akha

³ Yaw haiˬ jeˬ-ahˇ ngaˇ maˬ taꞈ. Miˬyehˇ-ahˇ byehˇ dzeh-eu deuˬ mˇ gaˇ shaˇ gaˇ ngaˇ bye-eu ma. Aˬ yawꞈ maꞈ-ahˇ ngaˇ tiˬ jeˬ-iˬ maˬ taꞈ.

Jaceuq 101:3 Iomraidhean Croise

Jaceuq 119:113

Ngar, nuima nyiq siq tsof-awr povpov lavlav-aer ghae-eu tsawrhaq-anr byae nya. Aerkhawf, ngar, nawq-euq zanrdawq-anr gaq-eu ma.

Jaceuq 119:37

Ngaq-euq myavnuiv gardanr maqtsoeq-eu jeq-anr hawluf-eu gar nae yurdzeur naeqlaf-awr, Nawq-euq garma-euq lafkhoer, ngaq-anr lavdaef naeqlaf-awq.

Jaceuq 125:5

Aerkhawf, garma yawngof yawngav-aer can-eu deuq hawr-eu, Yawlaeq yawca jeq mr-eu deuq-anr-aq, Ya’we Miqyaer taedzaenaeq taef-a. Irsaqleqlav-euq khoertav nuisar of luf-ur.

Jaceuq 139:22

Ngar, aqyawf maf-anr aerkhar maqza’ni byae-awr, Ngar, aqyawf maf-anr ngaq-anr muir-eu deuq laer sawxtaq-euq ma.

Jaceuq 14:3

Aqyawfmaf dawqtawvluf garbanq banq jir-awr, tiqgar durni daefcawvjir taq-euq mirnae, Yawmuiq jeq mr-eu tiqghaq-iq maqjawr-a, tiq ghaq taef-aer khawf maqjawr-a.

Jaceuq 36:3

Aqyawf-euq khaqmae-aq, yawcawv hawr-eu jaqmyawf maershuir-euq dawq ngaeq-awr; Aqyawf tsawrganr anr-eu lof-aer daef-awr yawmuiq jeq mr-eu byaertsaev tsaev-euq mae.

Jaceuq 39:1

Ngar heulof-aer aer-eu ma; “Ngar, ngaq-euq maeqlar nae iqbax maqya mrni, Ngaq-euq garma yanryanr-aer daef ma. Tsawrcawv deuq, ngaq-euq maeqshi jawrluf ngae, Ngar, ngaq-euq khaqmae maeqkawf kawf-awr dzanqtaeq ma.”

Jaceuq 40:4

Ya’we Miqyaer-anr aqyawf-euq ghoeduq bipyeuf-euq tsawrhaq-aq, guiqlanq huiq-eu mae. Aerkhawf, nuima huiq-awr, jaqmyawf myawf-eu tsawrhaq-aq, guiqlanq maqza-a.

Jaceuq 41:9

Ngaq-euq kaqmur bidzaq-awr ngaq nae ghoe-euq ngaq-euq ghoercawq khawf, Aqyawf-euq kuirnuif bafdir-awr, ngaq-anr muirlar-eu mae.

Jaceuq 78:41

Aqyawfmaf, Miqyaer-anr tiqpov sair tiqpov tsermr haw-awr, Irsaqleqlav-euq Yawshawr ghaq-anr nyaefsuf naeq-euq mae.

Jaceuq 78:57

Aqyawf maf-euq aqpoeq aqbawr deuq lof-aer, Narkhan paw ciqpyawr-awr sarjax maqzif-eu jeq mr-euq mae. Aqyawf maf-aq, ghoecoer paq-aer maqghae-eu, Gardzer paw dov-ir-eu kav-anr dur-eu mae.

Jaceuq 97:10

Ya’we Miqyaer-anr gaq-eu nawmaf, yawdoer jeq-anr byae-awq. Aqyawf, aqyawf-euq tsawrshawr deuq-euq nuima saflar-anr hawpir naeq-awr; Aqyawf maf-anr tsawrcawv deuq-euq aqlaf-anr nae bibuq-ir-eu mae.

Dawqdaq 6:12

Gardanr maqtsoeq-eu tsawrhaq pyeuf-eu tsawrcawv-aq, Khaqmae, dawq yurpyawv yurpyawv-aer can-eu mae.

Dawqdaq 6:13

Aqyawf, myavnuiv khovtaev taev-awr, Aqkuir nae dzawr-eu uqtaf, aqyawf-euq lafnoer nae toeq-eu mae.

Dawqdaq 6:25

Nawq-euq nuima-euq lafkhoer, aqyawf-euq arghaer muiq-eu jeq-anr nuikhanr taqjav. Aqyawf-euq myavnuiv khovtaev nae nawq-anr taqbi nyaefza.

Dawqdaq 8:13

Ya’we Miqyaer-anr guv-eu jeq-aq, yawdoer jeq-anr byae-eu mae. Nuima huiq-eu, janrghae-eu, yawdoer-euq garma hawr-eu, Dawq yurpyawv-eu khaqmae-anr ngar byae-eu ma.

Maꞈtehˬ 5:28

Aerkhawf, ngar, nawmaf-anr aernaeq nyar, zaqmiq aqbur-anr haw-awr, banqmawf joemawf-eu nuima anr-eu aqsur ghaq maqkaq, yawqha-euq nuima-euq lafkhoer zaqmiq aqbur khoerghaq naeq-aer banq-awr joeghaq-euq mae.

Lormav 12:9

Nawmaf, gaq-eu jeq jaqmyawf maqbi anrni, aqdir gaq-eu jeq bipyeuf-awq. Yawdoer jeq-anr byae-awr, yawmuiq jeq-anr zifdanni nyaeftaeq taq-awq.

Gaˬlaˬtiˆ 4:9

Nymq-mr nawmaf, Miqyaer-anr siqnya lar-euq mae. Aqdir aernar-aq, Miqyaer, nawmaf-anr siqnya luf-eu mae. Ghaq baq-awr gardanr maqtsoeq-eu deuq jawr-eu paw aqjeq mirnae par ghof-ir-awr, khoerdeuq-euq zaqkhav par geufmawf-eu nya?

HeˬByehˇ 10:39

Aerkhawf, aqdui-aq, narkhan paw jivkhof ghae-awr, yacawv-ir-eu tsawrhaq khoerdeuq maqngeur. Jan-eu mirnae, saflar kakhof-eu jeq-anr za-eu tsawrhaq ma.

2 Beˬtuˆluˆ 2:21

Aqyawfmaf tsaq-awr dawr-eu garma-anr siqnya ghaq-awr, aqyawf maf-anr bifnaeq-euq shawr-eu zanrdawq khofdawq-anr khawf byaerdzae-eu khoer-aq, aqyawfmaf garma khoer-anr maq siqnya-euq lawnmr-aq muiqdzaeq-eu mae.

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.