Jaceuq 1:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf-aq, lawrgawv gawvtaw kataq-euq arbawr lof-aer dur-awr, Aryamq tsaqlar ngae arsiq siqle-awr, Arpaf khawf kov-ir-eu maqbaw-a. Aqyawf kharmr kharshar-eu jeq muiqlar sanrlar-eu mae.

Akha

³ lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

Jaceuq 1:3 Iomraidhean Croise

Jaceuq 128:2

Nawr, yawqha-euq aqlaf nae mr-euq lof-aer yadzaq-awr, laqkhaq yacaer-eu uqtaf, Kharngeur-eu jeq nawq-euq gharduq muiq taef-a.

Jaceuq 129:8

Aqyawfmaf jawr-eu gar khar cantsaev-eu tsawrhaq heulof-aer taqaer, “Ya’we Miqyaer-euq guiqlanq, nawmaf-euq khoertav keuvle luf-ur. Nga’maf, Ya’we Miqyaer-euq tsawrmyanr-euq uqmov, Nawq-anr dawq ngaeqghae naeq-eu ma.”

Jaceuq 92:14

Aqyawfmaf, tsawrmawq mawqle ngae keuvni arsiq siqle-awr; Aqyawfmaf, nyoerjawfni jav-awr bawle zale taef-a.

Jaceuq 92:15

Khoer-aq, Ya’we Miqyaer dawrcoeni ghae-eu mae laer dawqdzawr bimr-eu gharduq mae. Aqyawf-aq, ngaq-euq logur mae. Aqyawf-euq lafkhoer, maqtsaq maqdawr-eu jeq maqanr-a.

Maꞈtehˬ 13:6

Aerkhawf, nanrma dovlar-awr, arji khoerdeuq-anr uqtsar lawfzaw ngae, duqcir maq ka’naf nya-eu mirnae, nyoeq-ir kov-ir-euq mae.

Maꞈtehˬ 21:19

Garma gardzer siqguq arbawr tiq bawr daef-eu gar mawr-awr haw-ir ngae, arsiq maqsiq-aer arpaf taef-aer maer-eu gar ya’mawr-euq mae. Khoerngae, Yeqsur, arbawr khoerbawr-anr, “Iqnan nae nar-aq, nawr arsiq tiqjawr-iq taqpar siqle” laer aernaeq ngae, arbawr khoerbawr tiqpov taef-aer bawrgur gur-ir-euq mae.

Maꞈtehˬ 21:34

Aqgaf arsiq pyav-eu aryamq tsaqlar ngae, aqyawf-euq kuirlaf zaqkhav tiqdeuq-anr aqgaf yarkmr-anr mr-eu deuq jawr-eu gar bile-awr, aqgaf arsiq bi pilaq ler-euq mae.

Maꞈtehˬ 21:41

Aqyawfmaf, Yeqsur-anr aerkhof-eu, “Aqyawf, tsawrcawv khoerdeuq-anr yawkhav-aer janrnaeq taef-a. Khoernar-aq, aqyawf, aryamq tsaq ngae, aqgaf arsiq pyavnaeq-eu aqgaf yarkmr-anr mr-eu tsawrhaq yawqdeuq yawq-anr par ngaqnaeq taef-a.”

Yoˇhaˬ 15:6

Tsawrhaq tiq ghaq, ngaq-euq lafkhoer maqjawr nar-aq, cirni nizaq deuq-anr deuvdzae-eu lof-aer deuvdzae-eu gar yadaq-awr, nyoeq-ir kov-ir taef-a. Aqcawq ghovbymr-awr miqdzaq-anr bafanr-awr, bi puivdzaq jir-eu mae.

Yuˇdaˆ 1:12

Tsawrhaq heudeuq-aq, nawmaf-euq gaq-eu yawbui-euq lafkhoer marbyawf pyeuf-awr, nawmaf naeq-aer yawbui buitaf ngae, guv-eu jeq maqanrni, yawqha-euq gharduq taef-aer laejae-eu mae. Aqyawf maf-aq, jaqlaer nae bi bawghae luf-eu, ircuf maqdanq-eu mqdmr lof-aer dur-awr, arsiq siqyamq-anr maq siqle-aer, duqcir-anr nae bi ghawrdzae-awr, nyiq pov shir-euq arsiq arbawr lof-aer khawf dur-eu mae.

Panmaeq 22:2

Lawrgawv heugawv-aq, meuq-euq lafkhoer danr-eu garjawq-euq ghanrcae yoer-awr, lawrgawv nyiq paw baq-anr luf, daef-eu jeq bif-eu arbawr daef-eu mae. Arsiq arbawr heudeuq-aq, arsiq 12 jeq siqle-awr, bala yawqsiq navluf siqle-eu mae. Arpaf deuq-aq, mirkhanq-euq tsawrjeuq tsawrca deuq-anr lavsav-eu mae.